Жаңа жыл мерекесіне арналған музыкалық сценарий

«№8 «Балбөбек» ясли-бақшасы» КМҚК

I-кіші тобына арналған

Жаңа жыл ертеңгілігінің сценарийі.

Музыка жетекшісі:

Ниязбекова М.Р.

Семей қаласы.

2019-2020 оқу жылы.

І-кіші тобына арналған жаңа жыл ертеңгілігінің сценарийі.

Жүргізуші: Сәлеметсіздер ме, құрметті ата- аналар, қадірлі қонақтар! Келе жатқан жаңа жылдарыңыз құтты болсын! Жаңа жыл сіздерге жаңа табыс, жаңа бақыт әкелсін! Бүгінгі Жаңа жы мерекесімен құттықтауға келген бүлдіршіндерді қарсы алыңыздар!

Көңілді музыка әуені ойналады. Балалар музыка ырғағымен адаымдап залға кіреді, шыршаның алдына жарты шеңберге тұрады.

Жүргізуші: Көңілдіміз бүгін біз,

Жаңа жылды қарсы алып.

Келгенгендерді мерекеге,

Құттықтаймыз ән салып.

Ән: «Жаңа жылда» Әннен соң, балалар орындарықтарға отырады.

Жүргізуші:Балалар, қараңдаршы! Біздің айналамыз қандай әдемі. Орманнан әкелінген нені көрдіңдер балалар?

Балалар: Шыршаны.

Жүргізуші: Шыршада нелер бар екен?

Балалар: Ойыншықтар.

Жүргізуші: Дұрыс айтасыңдар, бізге орманнан жасыл шырша қонаққа келіпті. Әдемі шыршаның ойыншықтары өте көп екен.

Жасыл шырша орманнан,

Бізге арнайы келіпті.

Ойыншығын балалар,

Шыршаға әкеп іліпті.

Шырша шамы жанбапты,

Мұңайып тұр ортада.

Кім келеді біздерге,

Шырша шамын жаққанға?

Балалар : Аяз ата! Ақшақар!

Жүргізуші: Ия, дұрыс айтасыңдар! Олай болса қарсы алайық!

(Музыка әуенімен Ақшақар кіреді)

Ақшақар: Сәлеметсіңдер ме, балалар, сәлеметсіздер ме қонақтар!

Мерекелеріңізбен! Сүйсіңдірер маңайды,

Ақшақармын арайлы.

Жалт-жұлт еткен жүзімнен,

Күміс сәуле тарайды,

Балалар, мен Аяз атаның немересі Ақшақармын ғой. Мен сендердің әсем әндеріңді естіп келдім. Өздерің қандай әдемісіңдер. Мерекеге сай киініпсіңдер.

Жүргізуші: -Сәлеметсің бе, Ақшақар!Төрлет, Жаңа жылды бірге қарсы алайық. Біздің балалар жаңа жыл мерекесін тойлап жатыр. Ақшақар айтпақшы, Аяз ата қайда?

Ақшақар: Аяз ата бүлдіршіндерге сыйлықтар дайындап, кешірек барамын деген еді. Сыйлықтарын дайындап, келіп қалар... Қане, балалар бәріміз орнымыздан тұрып, шыршаға қарап, сиқырлы сөзімізді айтайық! Шыршаның шамдарын жағайық!Балалар: Бір, екі, үш! (үш шапалақ) Шырша жарқырай түс! (қолдарымен фонарик жасайды)(3 рет рет қайталайды, сиқырлы музыка үнімен шыршаның шамдары жанады...

Ду қолшапалақ!!!!)

Жүргізуші: Балалар, Аяз ата силықтарды дайындап жолда келе жатқан болар, Аяз атамыз келгенше, Ақшақар, бәріміз қол ұстасып, әсем шыршаға арнап шырша жырын айтып берейік.

Ән: «Шырша» хоровод

(Ақшақар, екі тәрбиеші,тәрбиеші көмекшісі хороводпен шыршаны айнала балалармен өлең айтады.Балалар әннен соң орындарына отырады....)

Ақшақар: Ал келіңдер, келіңдер!

Тамашаны көріңдер.

Мына әдемі шыршаға,

Тақпақ айтып беріңдер.

Балалар тақпақ айтқанда, Ақшақар микрофон ұстап тұрады.

Тақпақтар: Шыршаға арналған

Ақшақар: Аяз қысып, өрнек сызып,

Терезені торлайды.

Қарға омбығып, бет домбығып,

Сырғанап балалар ойнайды.

Кейде ұлып, кейде ысқырып, ұйтқып боран соғады.

Бөбектерім, айтыңдаршы бұл қай кезде болады?

Балалар : қыс мезгілінде

Ақшақар:Дұрыс айтасыңдар!!!

Аяз ата келгенше,

Сыйлықтарын бергенше,

Ойын ойнап тамаша,

Жұмбақтарды шешейік!

Балалар, мен сендерге қазір жұмбақ жасырамын сендер шешуін табыңдар.

Жұмбақ жасыру

1.Терезеге қонады,

Әсем ою ояды.(Қырау)

2.Тікен, тікен тік пісте,

Қысы жазы бір түсте.(Шырша)

3.Қолы жоқ, сурет салады,

Тісі жоқ тістеп алады.(Аяз)

4.Қыста ғана болады,

Ұстасаң қолың тоңады (Қар)

Ақшақар: Балалар, жұмбағымның шешуін дұрыс таптыңдар.

Ақшақар: Балалар, менің аппақ қаршаларым бар. (Себет толы қаршаларды көрсетіп) Ал балалар, сендердің қаршалармен ойын ойнағыларын келе ме?

Жүргізуші: Ақшақар, балалар, қаршалармен ойнағанды өте қатты жақсы көремін. Балалар: Иә, ойнағымыз келеді.

Ақшақар: Олай болса, мына менің қаршаларымды кім тез жинайды екен?

ОЙЫН: «Қаршаларды жинау»

Шашамын қаршаларды алысқа

Олар маған ұнайды.

Ал, балалар қаршаларды

Шаршамай тез тез жинайды.