Жаңа жыл шамдарына арналған мерекелік сценарий, 2 сынып

Тақырыбы: «Жарқырасын жаңа жылдың шамдары»

Мақсаты: Жаңа жыл туралы ұғым беріп, жаңа жылды татулықпен, достық-пен, бірлікпен өткізуге баулу. Балалардың тақпақты мәнерлеп оқуы, әнмен биді нақышына келтіріп орындау қабілеттерін арттыру және әсемдікке, ұйымшылдыққа тәрбиелеу.Кейіпкерлер: Аяз ата,Ақшақар,Эльза, ертегі кейіпкерлері.

ЖұлдызайБарлық жандар бір білікке қосқан үн,Бақытты боп бастады жыл дастанын.Қуанышпен келді той деп жаңа жыл,Құтты болсын жаңа бақыт достарым.

ҚымбатАрмысыздар, құрметті ата- аналар, оқушылар, ұстаздар!

Алда Жаңа 2019 жыл! Жаңа күн! Жаңа өмір! Жаңа жыр! Жаңа нұр! Осы Жаңа нұрымыз бәріміздің жанұямызға мол жылулығын, зор қуанышын ала келсін!

Бүгінгі 2-сынып оқушыларының «Жарқырасын жаңа жылдың шамдары» атты жаңа жылдық ертеңгілігіне қош келдіңіздер!

ЖұлдызайҚұтты болсын жаңа жыл, барша халық,Қуанышқа, шаттыққа тамсанайық.Бірімізге шынайы тілек тілеп,Бар әлемге бақытпен жар салайық!

Қымбат

Құрметі қонақтар! Бүгінгі жаңа жыл кешін барлығымыз көтеріңкі көңіл күймен, әсем ән, сәнді бимен өткізуге ат салысамыз деген үмітіміз бар.Олай болса ортаға жаңа жыл мерекесін асыға күткен оқушыларымызды үлкен қошеметпен ортаға шақырайық!

(Балалар ортаға музыка әуенімен ортаға кіреді.)

Көңіліміздің керегесін кеңейтіп, баршамызға береке сыйлар мерекелі кешіміздің шымылдығын ашуға рұқсат етіңіздер!

(Эльза ортаға келеді)

Эльза: Не деген керемет жер, айнала қандай әдемі! Бүгіннен бастап менің мекенім осы жер болады. Бұл жердегі адамдардың бәрін мұзға айналдырып, өзімнің қалашығымды тұрғызып, сол қалашығыма өзімнің әмірімді жүргіземін.

Қымбат: Эльза, Біздің мектебімізге қош келдің! Сенің бұл қылығың дұрыс болмады. Бүгін бізде мереке, Балалармен бірге Жаңа жылды қарсы алып жатырмыз. Ал сен жаңа жыл мерекесін асыға күткен біздің бүлдіршіндерімізді мұзға айналдырып тастадың.

Эльза: Мереке, бұл не мереке? Мен мереке дегенді білмеймін. Мен адамдардың жүрегін мұзға айналдырып, айналамды да мұзға айналдырып, барлық жерде салқындық болғанын жақсы көремін.

Жұлдызай: Онда былай келісейік. Сен біздің балаларды қайтадан жібіт, содан соң бізбен бірге жаңа жылды қарсы ал. Балалардың әсем әндерін, тамаша билерін, қызықты ойындарын тамашала. Көңілді кештің куәсі бол.

Эльза: Жарайды, келісіп көрейін.

Қымбат: Олай болса, бүгінгі жаңа жылдық ертеңгілігіміздің алғашқы құттықтау сөзі ектебіміздің директоры Улмекен Қабиқызына беріледі.

Бастауыш сыныптары бойынша директордың оқу ісі жөніндегі орынбасары Тойған Қаражанқызына сөз береміз.

(Эльзаға смс келеді)

Эльза: Бұл не хабарлама екен.

Менің елімнен достарым да келе жатыр екен. Сол достарымды да осы мерекеге шақырсам қалай қарайсыңдар? Ендеше бәріміз бірге «Аяз ата, ақша қар» дауыстап шақырайық.

(Аяз ата мен ақшақар ортаға жайғасады)

Қымбат: Қош келдің Аяз ата, қош келдің Ақшақар! Алыстан шаршап келген шығарсыздар, асықпай отырып, біздің жаңа досымыз Эльзамен бірге және әдемі бүлдіршіндерімізбен бірге керемет кештің куәсі болыңыздар.

Ал қазір сіздерді асыға күткен 1 топ баланы ортаға шақырғым келіп тұр.

(Оқушылар ортаға шығып тақпақтарын айтады)

Жұлдызай: Жаңа жылдық әдемі ертеңгілігіміздің алғашқы әнін шырқауға ортаға айдай сұлу Әсем қызымызды «Қош келдің, жаңа жыл» әнімен шақырамыз.

Қымбат: Балалар, біз қандай жылмен қоштасқалы жатырмыз?

Иә, дұрыс айтасыңдар! Қазір жаңа жыл мен ескі жылды ортаға шақырып, кезекті соларға берейік:

Ит жылы: Армысыздар, балалар! Бүгін бәрің сондай әдемісіңдер! Сендер, былтыр мені дәл осылай әдемі кейіптеріңде қарсы алып едіңдер, шығарып салуға да сондай жарқын жүзбен жиналғандарыңды көріп қуанып тұрмын.

Доңыз досым! Қош келдің! Бүгін мен қимай-қимай бәрімен қоштасқалы тұрмын! Осы кеткенімнен 12 жылдан кейін қайта келемін. Мен көп бөгелмей жүрейін, ал мына Қазақстандай байтақ ел саған аманат.