Жаңа жылдық кешке арналған сценарий, 5 сынып

Төрлет, құтты жаңа жыл!

1-жүргізуші

Бүгін міне, жырдан алқа тағайын

Шат күлкіге толы болсын маңайың

Көргендер де, көрмеген де арманда,

Жаңа жылың құтты болсын, ағайын!

2-жүргізуші

Зеңгір көкте жұлдыз болып жанайын,

Ай жүзіндей ашықтанып арайың.

Жанға шуақ, бойға қуат әкелген.

Жаңа жылың құтты болсын, ағайын.

1- жүргізуші: Сәлеметсіздер ме, Құрметті ұстаздар, оқушылар, ата-аналар! Біз сіздерді Жаңа 2018 ит жылымен құттықтаймыз. Сіздерге жаңа жылда жаңа табыс, бақыт тілейміз. Балалар,енді Жаңа жыл мейрамын бастайық.

2-жүргізуші: Құрметті ұстаздар, оқушылар! Сіздерді осындай бақытты шақтың қуанышы- Жаңа жыл мерекесімен шын жүректен құттықтаймыз.

Армысың, аманбысың, жаңа жылым!

Жаңа жылы, о менің жанға жылым,

Ит жылы келгенде, сый ғып тартып,

Ақтарайық әнменен көңіл сырын- дей келе, жүрекке жылылық ұялатар, алғашқы жаңа жылдық құттықтау сөзді ақыл –ойға жетік, сезімі сергек, саналы, арманшыл да дана ұрпақ тәрбиелеп жатқан алтын ұя мектебіміздің білікті басшысы Айсұлу Омарқызына сөз кезегін берсек.

1-жүргізуші

Олай болса, көңіліміздің керегесін кеңейтіп, баршамызға береке сыйлар мерекелі кешіміздің шымылдығын ашық деп жариялауға рұқсат етіңіздер. 7 «А» сынып оқушысы Бақытқызы Жансаяның орындауындағы мерекелік әнді қабыл алыңыздар.

2-жүргізуші:

Қуаныңдар ағайын, тамсаныңдар,

Сүйіншімен маңайға жар салыңдар.

Аяз ата келеді ақшақармен

Қол соғып, қошеметпен қарсы алыңдар.

/Музыка ойналып тұрады/

1-жүргізуші: Байқаймын, барлық халық Аяз ата мен Ақша қарды көргісі келіп тұрған секілді. Олардың да келетін уақыты болып қалды. Ал енді біздер осы жерге мерекеміздің ең басты қонақтарын қол соғып, қошеметпен шақырып алайық. Бәрі бірдей хормен; Аяз ата, ақша қар 3-рет.

Аяз ата келеді.

Аяз ата:

Уа, жұртым, жиналған.

Көңілдерің дүр маржан

Айналайын ұлдардан,

Айналайын қыздардан

Аяз ата, Ақшақар

Жетті жолдан қиналған

Ештеңе емес барлығы,

Алдымыздан күлді арман

Мықтылығым мәлім ғой.

Өтіп кеткен жылдардан

Ақшақар: Армысыздар, балалар, ұстаздар, ата-аналар! Өздеріңді сағынып келдік. Жаңа жылдарың құтты болсын. Ит жылы табыс жылы, береке, бірлік әкелсін. Біз атам екеуміз сендермен Жаңа жылды қарсы алғанымызға өте қуаныштымыз. Өнерлеріңді тамашалағымыз келеді.

2- жүргізуші:

Уа, халайық жараңдар,

Мында бері, қараңдар!

Жаңа жылдық бұл тойын,

Салтанатқа санаңдар

Қызық көріп, шат болып,

Шаттық күліп тараңдар,

Уа, халайық құрметті,

Көмейіме жыр кеп тұр

Жаңа жылды қарсы алып,

Өткізейік дүрмекті

Уа, халайық той бүгін

Бақыт, шаттық мол бүгін

Қарсы алайық ит жылын

Ұзатып салып Тауықты.

1 -Жүргізуші: Достар, өткен жылы қандай жыл болған? (Тауық жылы) Тауық жылын қандай жетістіктермен аяқталып жатырсыңдар? (Балалар жауап береді)

2- Жүргізуші: Жарайсыңдар, достарым! Ал енді, Тауық жылы біздің мерекемізге қоштасуға келді.

Тауық келеді

Тауық; Мен тауықпын. Сендерді келе жатқан жылдарыңмен құттықтаймын. Келе жатқан ит жылы сендерге құт-береке,табыс әкелсін.

1-жүргізуші: О, халайық, жараңдар.

Қилы-қилы заман бар.

Тауық жылы әне алыстап,

Кетіп барады қараңдар.

О, халайық, халайық.

Қош айтысып қалайық!

2-жүргізуші: Құрметті достар! Бізге жақсылықтарымен толы болған

Тауық жылын шығарып салайық.

Тауық:

Мен дағы бір қонақпын

Он екі жылда оралар

Үлкендерге ақ ниет

Сіздерге де ақ ниет.

Сіздерге мың рахмет!

(Сахнаға ит шығады.)

Ит ;Сәлеметсіздер ме! Кешіккен жоқпын ба?

Мен сондай асықтым, сондай жүгірдім.

Кешігіп қалдым ба деп қатты қорықтым. Жеті қазынаның бірі деп мені қазақ халқы ерекше құрметтейді. Бүгін де мені асыға күтіп отыр деген хабар алдым. Екі өкпемді қолыма алып анау қырдан сіздерге келіп тұрған бетім осы, балалар. Амансыздар ма, ата-аналар, балалар, ардақты ұстаздар!

Тауық: Қуанышты ортамыз сазға ұласқан

Тілегім болсын мәңгі ашық аспан

2018 жылы қадам басқан

Гүлденіп көркейе бер, Қазақстан.!

Келесі жыл бастауын итке беремін.

Ит:

Жақсылыққа бағыттаған

Итпін мен жаңа жыл

Жаңа жылда барлығыңыз

Жаңа үміт таба біл

Ал ескі жыл, аман бол,

Ізбасарың мен болам.

Аман болсын деп тіле,

Елім, жерім, кең далам.

Барлығы: Қош бол, Тауық жылы, Қош бол!

Аяз ата

- Ал, айналайын Жаңа жыл, келген қадамыңа нұр бітсін! Мынау менің ұлдарым мен қыздарым, мынау халайық бір өзіңе аманат. Он екі ай бойы бағып-қақ. Жақсы жыл бол, дария нұр бол, Жаңа жыл!

Ақша қар:

Қош келдің жаңа жыл!

1-жүргізуші: Ар бол, Жаңа жыл!

Бар бол, Жаңа жыл.

Қадамың құтты болсын, Жаңа жыл.

Бейбітшілік жылы бол, Жаңа жыл.

Құт-береке жылы бол, Жаңа жыл.

2-Жүргізуші: Жаңа жыл-қайсарлық пен жүректілік,

Баратын болашаққа білек түріп,

Әдемі тілектерге қол соғамыз,

Әлемге жақсылықтар тілеп тұрып.

1- Жүргізуші: Достар, олай болса кетіп бара жатқан тауық жылына көңілді бір ән арнап, шығарып салмаймыз ба? Ортаға 5 сынып қыздарын «Жаңа жыл» әнімен шақырамыз. Қарсы алыңыздар.

2-жүргізуші

Жаңа жыл-жаңа әннің тербелуі

Жаңа жыл-ақ арманның өрленуі

Жаңа жыл-партадағы лүпілдеген,

Кішкентай шәкірттердің ер жетуі.

1-жүргізуші

Ал, аяз ата, ақшақар, бағанадан бері өз кезектерін күтіп, өнерлерін ортаға салғысы келіп тұрған биші жігіттеріміз де бар екен. Сіздерге деген ерекше құрметпен 7 «а» сынып ұлдарын шақырамыз.…