Жаңа жылдық сценарий, 4-сынып оқушыларына арналған

Жаңа жылдық сценарий

Нұрай:Армысыздар ардақты ағайын.Ұлағатты ұстаздар!

Нұрәли:Бармысыздар замандас,бауырлар,шабытты шәкірттер!

Нұрай:

Бүгін сізге жырдан алқа тағайын,

Шат күлкіге толы болсын маңайың.

Көргендер де,көрмеген де арманда,

Жаңа жылың құтты болсын ағайын!

Нұрәли:Зеңгір көкте жұлдыз болып жанайын,

Ай жүзіндей айшықтанып арайың,

Жанға шуақ,бойға қуат әкелген

Жаңа жылың құтты болсын ағайын!

Нұрай:Бәрекелді,бәрекелді!Құрметті халайық!Бүгінгі жаңа жыл мерекесін барлығымыз көтеріңкі көңіл күймен ,әсем ән,сәнді бимен өткізуге атсалысамыз деген үмітіміз бар.

Нұрәли:Олай болса,көңіліміздің керегесін кеңейтіп,баршамызға береке сыйлар мерекенінің шымылдығын ашуға рұқсат етіңіздер.

/Шыршаны айналып бір ән айту/

Нұрай:

Келіңдер жас ұландар,

Ертегімді тыңдаңдар,

Ертегімде сан қилы,

Қызық-қызық сырлар бар.

Айлар келіп бір шешімге,

Достаспақшы ниетпен,

Жиналыпты келісімге,

Соныменен балалар,

Жаңа жылға арналған,

Ертегіні көріңдер,

Шын бағасын беріңдер.

Бір жылда 4 мезгіл және 12 ай болады.Олар желтоқсан,қаңтар,ақпан қыс айлары.Ол кезде боран соғып,сақылдаған сары аязды күндер көп болады.Тіршілік атаулы өз індерін паналайды.Қыс артынан көктем келеді,наурызда қар еріп ,жылғалардан су ағады.Ал сәуірде ең керемет кезең басталады.Ағаштар бүр жарып,жер бетіне түрлі гүлдер көктейді.Көп гүлдің ішінде кереметі бәйшешек......

Айғаным:тоқта,тоқта.... Бәйшешек ол қандай гүл,менің тез арада оны көргім келеді.

Нұрәли:Бірақ,ханшайымым ол мүмкін емес!? Ол тек сәуірде гүлдейді.Ал қазір желтоқсан....

Айғаным:Тоқтат,желтоқсан,жаңа жыл таптым қандай сыйлық керегін мереке қарсаңында.Мереке қарсаңында бәйшешек көргім келеді.Басқа сыйлықтың керегі жоқ маған.Бәйшешек керек,бәйшешек керек.

Нұрәли:Ұлы мәртебелім қазір қыстың қақ ортасы,бұл уақытта ешқашан бәйшешек болған емес,болмайды да,болуы да мүмкін емес.

Айғаным:ештеңе де естігім келмейді,менің бұйрығымды тыңда.Кім жаңа жыл қарсаңында патшалыққа бір себет толы бәйшешек әкелсе,сол адамды бір сандық сыйлықпен марапаттаймын.

Нұрәли:Әміріңе құлдық,мәртебелі ханшайымым,бұйрығыңызды қара халыққа жеткізейін.

Нұрәли:Тыңдаңыздар,тыңдаңыздар!

Біздің мәртебелі ханшайымның бұйрығын орындауға шақырамын.

Жаңа жыл қарсаңында кім патша сарайына бір себет толы бәйшешек гүлдерін әкелсе,сол адамға бір сандық алтын береміз!!!Алтын береміз!Асығыңыздар!

Кемпірдің туған қызы:Анашым жаңалықты естідің бе,анау біздің Настяны жіберсек қайтеді.Орманға барып бір себет толған бәйшешек әкелсін.

Кемпір:Дұрыс айтасың,жіберсек жіберейік,ақылдым менің,қандай ақылдысың,әр мәселенің шешімін оңай табасың.

/Бір құшақ отынын арқалап Настя келеді./

Кемпір:Настя жаңалықты естідің бе?

Біздің ханшайым бір себет гүл әкелген адамға бір сандық алтын беретінін айтыпты.

Енді сен орманға барып,бір себет бәйшешек әкел.

Настя:мәссаған қыс ортасында ненің бәйшешегі,ол сәуір айында ғана шығады емес пе?

Кемпірдің қызы: Көп сөзді қой,мә себет,зымыра.

Настя:Мүмкін мен таң атқан соң барармын.Қазір түн болды.Оның үстіне боран соғып тұрғаны.

Кемпір:бар кет,бәйшешектерсіз келуші болма.Егер көршілердің үйінде болғаныңды білсем,менен жақсылық күтпе,ұқтың ба.

Настя:сендер мені түк аямайсыңдар.Орманнан тірі оралмайтыным анық.

Нұрай:балалар қарап тұрамыз ба,Настяның көңілін көтеріп,бір би билеп бермейміз бе?

Нұрәли:Әрине,көмектесемізНастя жабырқама,біз саған көмектесеміз.

Настя:Рахмет балалар!

/Флешмоб 4-сынып/

/Настя жылап,тоңып келе жатады./

Настя:Кеш жарық аталарым,ағаларым!

Егер сіздердің әңгімелеріңізге кедергі болмасам,алауларыңызға жылынып алуыма рұқсат па?

Желтоқсан:Саған да кеш жарық Настя!Кел жылынып ал!Бірақ абайла,күйіп қалма!