Жаңартылған білім беру мазмұны жөніндегі әдістемелік мақала

Жаңартылған білім беру мазмұны

Жаңартылған білім беру мазмұны – ол қазіргі заман талабына сай ілесе алатын, толық ақпаратты меңгертіп, балалардың білім алуына маңызды рөл атқаратын, заманауй кәсіби шеберлігі, әдістемелік жұмыстағы шеберлігі басым, жаңашыл ұстаз болу басты міндет екені белгілі Қазақ баласының бойында Абай атамыз айтқандай, «Ыстық қайрат, нұрлы ақыл, жылы жүрек болуы - өмір сүрудің басты заңдылығы болса, ол үш қасиетті шәкірттердің бойына сіңіру- ұстаздардың міндеті екені даусыз. Әрдайымда ұстаз —өзін-өзі жүзеге асыруға талпынған әдіснамалық, зерттеушілік, дидактикалық-әдістемелік, әлеуметтік тұлғалы, коммуникативтілік, ақпараттық және тағы басқа құзыреттіліктердің жоғары деңгейімен сипатталатын рухани-адамгершілікті, азаматтық жауапты, белсенді, сауатты, шығармашыл тұлға болу керек деп тұжырымдауға болады.Бұл бағытта мектеп ұстаздарының біліктілігін арттыру -басты мақсат болып табылады.

Қазақстан Республикасында орта білім беру мазмұнын жаңарту шеңберінде қазақ тілінде оқытатын мектептердегі бастауыш сынып пәндері бойынша педагогика кадрларының біліктілігін арттыру білім беру бағдарламасы бойынша үш апталық курс бағдарламасында дәріс алып, биылғы оқу жылынан 1-сыныпты қабылдап, жаңа білім беру бағдарламасы бойынша жұмыстанудамын.

Еліміздің ертеңгі болашағы – бүгінгі біздің оқытып отырған жас ұрпақ болғандықтан оларға терең де, сапалы білім берудің жаңа әдіс-тәсілдерін құрастыру бүгінгі күннің басты мәселесі болып отырғаны айқын. Елімізде орта білім беру мазмұнын жаңарту шеңберінде білім беру үдерісінің құрылымы мен мазмұнына өзгерістер енгізілуде. Қазіргі заманда жас ұрпақтың жаңаша ойлау қабілетін, білімге деген құштарлығын ояту, белсенділіктерін арттыру, оны өмірде қолдана білу, отансүйгіштік қасиетін одан әрі дамытуға бағыттау – ұстаздың басты міндеті деп білемін. Сондықтанда ұстазға үлкен міндет жүктеліп отырғаны айқын. Басты мақсат ізденімпаздық, АҚТ ны толық әрі жетік меңгеру, өзін – өзі жетілдіруге талпынған ұстаз ғана білім алушыға жол көрсете алады деп ойлаймын.

Бастауыш сынып оқушылары жалпы алғыр,шапшаң, сезімтал,ештеңені жасырмай еркін айтады.Мақтау сүйгіш, мұғалімнің жетегіне тез ілескіш, үлкендердің ой-пікіріне сүйенеді. Сондықтан баланың шығармашылығын дамытуда ұстаз көп еңбек сіңіруге тура келеді. Баланың қиялын дамытып, ойын ілгері жетектеуде мұғалім оқушыға үнемі шығармашылық қабілетін дамыту жолдарын нұсқап көрсетсе,онда балалардың өздері де ізденіске түседі себебі олардың қызығушылықтары мен белсенділіктері басым болады. Олар бір-бірімен жарыса қатысады.