Жаңартылған білім беру туралы мақала бастауышқа

Көксу ауданы, Жеңіс негізгі орта мектебі, бастауыш сынып мұғалімі Бұлантаева Гүлжанат Рахметулақызы

Жаңартылған білім беру – жарқын болашақ кепілі

Заман талабына сай жаһандық білім беру жүйесі уақыт өткен сайын қарқынды дамуда. Осы орайда еліміздің білім саласы да әлемдік бәсекеге қабілетті бола алатын ғаламдану үдерісіне көшіп жатыр. Елбасымыз Н.Ә.Назарбаев өзінің Жолдауында білім беру саласын дамытудың жаңа міндеттерін нақты белгілеп берді. Осы міндеттерді іске асыру білім саласы қызметкерлері мен ұстаздарға үлкен жауапкершілік жүктейді. Білім сапасын көтеру - оқытудың жаңашыл әдіс-тәсілдері мен технологияларын дұрыс және сауатты қолдану арқылы жүзеге асатыны мәлім. 2016-2017 оқу жылынан бастап еліміздің білім саласы жаңартылған білім беру жүйесіне көшті. Ұстаздар қауымының білімі мен біліктілігі шыңдалатын бұл жаңаша оқыту жас ұрпақ келешегіне үлкен мүмкіндік болды.

Білім саласында еліміз бойынша жүргізіліп жатқан осы реформа - ең алдымен білім беру жүйесін жақсарту арқылы өмір сүруге икемді, яғни кез келген ортаға бейімделе алатын, өмір сүру дағдысы қалыптасқан, бәсекеге қабілетті, ұлт мүддесі үшін қызмет ете алатын жеке тұлға қалыптастыруға бағытталған. Сондықтан мұғалімдерге артылған үлкен жауапкершілік пен зор сенім жүгі жеңіл емес екені анық. Ал, аталмыш жаңартылған білім беру бағдарламасы ұстаздық жолда жүрген мені де алға жетелеп, кәсіби шеберлігіме шабыт беріп, шәкірттерімнің жанын түсінуге жол ашса, еңбек жолымда кездесетін қиындықтарды бағындыруға да күш бергені сөзсіз.

Жаңартылған білім беру бағдарламасының енгізілуі ең алдымен жас ұрпақ үшін тиімді деп санаймын. Себебі, мұнда біліммен қатар білік пен дағдыны дамытуға көп басыдық берілген. Яғни, оқушы мақсаты - танымдық ақпаратты көп жинау, көп білуде емес, алған білімді күнделікті өмірде қолдану дағдысын қалыптастырып, өмір сүре білуге икемдеу болып табылады. Атап айтсам, оқулықтағы ортақ тақырыптардың таңдалуының мәні зор, бала жанына жақын, түсінікті деп санаймын. Мысалы, «Тағам мен сусын» тарауы барлық қырынан, барлық сабақта қамтылады. Онда тағамның тарихын да, қалай тұтыну керектігін де, денсаулыққа әсерін де, қоғамдық тамақтануорнындағы этикет ережелері, өз рецебін ұсыну, аспазшы, даяшы, т.б. рөліне енулері, жалпы алғанда, бала үшін қызықты, оңай және тиімді бола отырып, күнделікті өмірде, қоғамда өзін-өзі дұрыс ұстай алып, онда кездесетін қиындықтарды оңай жеңуге бейімделеді. Бүгінде «Оқу – инемен құдық қазғандай» деген мәтелдің қате пікір екені мойындалды. Оқу – инемен құдық қазғандай емес екеніне көзіміз жетті. Яғни, білім алу бала жүйкесіне түсетін ауырлық емес, қажеттілігін қанағаттандыратын құрал болып табылады. Бала санасына көп ақпарат толтыру мұғалім үшін міндет болып табылмай, те

Жаңа жүйе туралы айтылғанда, әрине, мұндағы бағалау жүйесінің де алатын орны ерекше екені белгілі. Дәстүрлі бағалауда оқушы өз мүмкіндігін толық көрсете алмады. Өйткені оқу баланың білімін жетілдіруге емес, күнделікті тексеруге бағытталды. Жаңартылған бағдарлама бойынша критериалды бағалаудың оңтайлы тұстары көп екенін тәжірибемнен көз жеткіздім. Мысалы, қалыптастырушы бағалау - оқушының өздігінен даму мүмкіндігіне жол ашып, оқушының сыни тұрғыдан ойлауға, яғни ой еркіндігінің қалыптасуына мүмкіндік туады. Өзіне-өзі есеп…