Жаңартылған білім туралы мақала мұғалімдерге

Жаңартылған білім –заман талабы

2015-2016 оқу жылында елімізде жалпыға міндетті бастауыш білім беру стандартын енгізу, орта білім беру мазмұнын жаңарту мақсатында 30 пилоттық мектептің тізімі бекітілген болатын. 30 пилоттық мектептің қатарында Баянауыл ауданындағы №1 Майқайың жалпы орта білім беру мектебі апробациялық жұмысты биыл үшінші жыл өткізуде. Апробациялық жұмысты жүргізіп жатқан әріптестеріміз аудандық, облыстық, республикалық көлемінде семинарлар беріп, өздерінің іс-тәжірибелерімен бөлісуде.

Жаңартылған білім беру мазмұны бойынша 5 сынып комплектісі жұмыс жасап жатыр. Жаңартылған білім беру бағдарламасы оқушының сөйлеу әрекетінің төрт түрін: тыңдалым, айтылым, оқылым, жазылымды жетілдіруге бағытталған. Бұл сөйлеу әрекетінің түрлері бойынша түйінді дағдылар оқу жоспарында «спиральді» тәсілмен берілген. Қарапайымнан күрделіге қарай, бірте-бірте білім, білік пен дағдылары кеңейтіліп қалыптасады. Оқу мақсаттары оқушылардың зерттеу дағдыларын, қарапайым бақылауға тәжірибе арқылы білімі қалыптасуына, алған білімін қайта практикада қолдана білуіне бағытталған. Оқушы бойында әлеуметтік дағдылар, жалпы білімнің іргетасы, танымдық белсенділігі, жүйелі оқу әрекетінің қалыптасуына бастауыш сынып оқу бағдарламаларында көңіл бөлінген.

Жаңартылған білім беру мазмұны оқушылардың ғылыми-зерттеу дағдысын: сұрақ қою және сол сұраққа жауап табу, зерттеу жоспарын дайындап және болжам жасай алу, сұрақтарға жауап табу үшін зерттеулер жүргізу, зерттеулер нәтижесінде алынған мәліметтерді жинақтап, өңдеп, түсіндіру дағдысын дамытады.

Оқушыларымыз ойын еркін жеткізуге машықтанған, өз ойын дәлелдей алатын, сыни тұрғыда ойлауға жетік. Жұппен, топпен жұмыс жасай алатын, шығармашыл, жан-жақты тұлға тәрбиеленуде. Оның дәлелі біріншіден оқушыларымыздың сапа көрсеткіштері жоғары болса, екіншіден әр түрлі конкурстарға қатысып, жүлделі орындар алуда.

2016 жылы “ZIAT” «Жас зерттеуші Республикалық турнирі, Ерікболқызы Аяулым ІІ орын, Амангелді Нұрдос ІІ орын иеленді.

2017 жылы Ерікболқызы Аяулым аудандық жас зерттеушілер «Зерде» байқауынан І орын, Қыдырбек Әділ ІІ орын алып, облыстық турға жолдама алды, облыстық кезеңінде Ерікболқызы Аяулым ІІ дәрежелі дипломмен марапатталды.

Сыныптар әр түрлі баспамен жұмыс жасауда. Ұстаздарымыз әр баспаның оқулығындағы тапсырманы саралап, талдау жұмыстар жүргізуде. Жаңа оқулықтарда берілген тапсырмалар мазмұнын айтумен ғана шектелмей, мәтінге қатысты өзі сұрақтар құрастыруына, себебін анықтауына, болжам жасау мен өзіндік бағалауына, сұраққа жауап…