Жаңартылған білім берудегі жаңа әдіс-тәсілдер баяндамасы

Тақырыбы: ЖАҢАРТЫЛҒАН БІЛІМ БЕРУ БАҒДАРЛАМАСЫ БОЙЫНША ОҚЫТУДАҒЫ ЖАҢА ӘДІС-ТӘСІЛДЕР

Қазақ тілі мен әдебиеті пәнінің мұғалімі: Г.Е. Калмакбаева

«Мұғалімнің айналысатыны – үнемі қозғалып, өзгеріп,өсетін, өркендейтін тірі адам болғандықтан біркелкі әдіске табан тіреп шектеліп қалуға болмайды...»Жүсіпбек Аймауытов

Қазіргі жылдам өзгеріп жатқан заманда біздің алдымызда жас ұрпақты болашақ өмірге және еңбек етуге тиісті деңгейде даярлап, оқушылардың бойында ХХІ ғасыр дағдыларын қалыптастыру, оқытудың әдіс – тәсілдерін үнемі жаңартып отыру және технологияларды меңгеру, оны тиімді қолдана білу міндеті тұр. Сондықтан білім берудің мазмұны жаңарып, жаңаша көзқарас пайда болды.

Жаңартылған білім мазмұны бойынша курсты аяқтап келгелі сабақты жоспарлау бағытым түбегейлі өзгерді. Сабақты жоспарламас бұрын тақырыпқа сай орта мерзімдегі оқу мақсаттарын таңдап алып, сол мақсатқа қол жеткізу үшін бала деңгейіне сай тапсырмалар алуымыз қажет. Қазіргі таңда 300-ге жуық әдіс-тәсілдер бар. Бірақ осы әдіс-тәсілдердің барлығын бірден қолдану немесе оқушының деңгейін ескермей қолдана берсек біз нәтижеге жетпейміз. Бұрынғы оқытуда оқушы білуі керек деген талап қойылса, жаңартылған білім беру бағдарламасында оқушы алған білімін өмірде қолдана білуіне, нәтижеге ғана бағытталған. Сондықтан да әр сабақтың өнімді де нәтижелі болуы әдіс-тәсілдерді оқушының деңгейін ескере отырып, таңдап алу керек. Әр сабақта әдістерді түрлендіру арқылы оқушылардың қызығушылықтары арта түседі.р сабақта әдістерді түрлендіру арқылы оқушылардың қызығушылықтары арта түседі.

«Өрмекшінің торы» немесе «Шырмауық» - дәстүрден тыс әдістердің бірі. Оқушылардың тақырыпты қай деңгейде меңгергендігі не болмаса үйге берілген тапсырманы сұрау үшін сыныптағы оқушылар түгелдей шеңбер болып тұрады. Бұл әдісті сабақтың басында үй жұмысын сұрағанда немесе бекіту бөлімінде пайдаланған тиімді. Бұл әдістің тиімділігі барлық оқушы қамтылады, уақыт үнемделеді, аз уақыт ішінде барлық оқушыдан сұрап үлгереміз.

«Фишбоун» әдісінің тиімділігі берілген мәлімет бойынша өздері сұрақ қойып, жауабын топтық жұмыста талқылауға, ой қорытуға белгілі бір қорытындыға келуге жетелейді. Қолданылуы: Ақ қағазға балықтың қаңқасы суретін салып, басына тақырып жазылады. Денесінің жоғарғы жағындағы сызбаларға сұрақтарын, төменгі жағынағы сызбаларға жауабы жазылады. Бұл әдісті жаңа сабақты өту кезеңінде пайдаланған болатынмын.

«Екі шындық бір өтірік» әдісі арқылы оқушы шындық пен ақиқатты ажырата алады. Байқампаздық қабілетін арттырады.