Жаңартылған білім мазмұны заман талабы туралы эссе

Жусипбекова Умида Молдашқызы

Науайы атындағы жалпы орта мектебі

Жаңартылған білім мазмұны – заман талабы

Елбасымыз Н.Ә.Назарбаев өз жолдауларының бірінде «Тәуелсіз елдің ертеңі, болашағы – білімді жас ұрпақтың қолында...» деген болатын. Ал халқымыздың даңқты ұстазы Ахмет Байтұрсынұлы атамыз: «Елді түзетуді бала оқыту ісін түзетуден бастау керек» деген еді.

Сондай-ақ бүгінгі таңда білім беру саласында оның ішінде бала шақтан болашаққа дейін біліммен қамтамасыз етудегі оқыту технологиясында айтарлықтай тың өзгерістер енуде. Оқытудың заманауи әдіс-тәсілдерімен ұштастырып білім беру баланың жан-жақты интеллектуалдық дамуына ықпал етеді. Әлемдік аренаға танылған тәуелсіз Қазақстанның инновациялық, экономикалық, саяси т.б. әр тараптама дамуында білім саласының орны бөлек. Білім сапасын арттыруда дамыған әдіс-тәсілдерді тиімді пайдаланып, ұрпақ санасына жеткізіп беру біз ұстаздар қауымының, оның ішінде жауапты мамандыққа бет бұрған біз жас мамандардың қолында деп ойлаймын.

Бүгінгі таңда оқытудағы тиімді әдіс-тәсілдер яғни оқушылармен топтық жұмыс, жұптық, жекелей жұмыс, Кембридж әдіс-тәсілдері, Блум технологиясы, түрлі ойындар, сергіту сәттері, притчалар т.б. бұлардың барлығы тек білім сапасын ғана көтеріп қоймайды. Сонымен қатар баланың сөйлеу қабілетін, коммуникативтілік қабілетін, ойлау қабілетін, рухани жан дүниесін, адамдармен араласу, кез-келген қоғамда өзін таныта білу, өзін ортада ұстай білу, достық қарым-қатынас сияқты адами факторларға қол жеткізеді. Ойын еркін әрі мүдірмей жеткізе алады. Бүгінгі әрі болашақ Қазақстанға білімді, саналы ұрпақ, талпынған жас, тәжірибелі маман керек. Демек, ең үлкен жауапкершілік біз, ұстаздардың қолында!

«Ұстаз болу өз уақытын аямау, өзгенің бақытын аялау»,- деп Мағжан Жұмабаев атамыз айтқандай шәкірт санасын сапалы біліммен қамтамасыз ететін біз ұстаздар қауымының алдындағы міндет күн сайын арта түсуде.