Жаңартылған білімге жаңаша көзқарас туралы эссе, 1 сынып

Сәрсен Айгүл

№208 орта мектебі

Жаңақорған ауданы

Қызылорда облысы

Эссе

Жаңартылған білімге – жаңаша көзқарас

Ұстаз болу – жүректің батырлығы,Ұстаз болу – сезімнің ақылдығы.Ұстаз болу – мінездің күн шуағы,Ұстаз болу – адамның асылдығы, - дегенҒафу Кайырбековтың өлең жолдарын оқығанда, мен өзімді бақытты сезінемін. Ұстаз болғаныма мақтанамын. Өйткені ұстаз – мақтан тұтар мамандық. Киелі әрі өте көне мамандық. Адам Ата Хауа Анадан бері жұмыр басты пендені ойландырып, толғандырып келе жатқан, қоғам өзгерсе де қажеттігін жоймайтын үлкен мәселе – шыр етіп дүниеге келген нәрестені өмір сүруге дайындау. Бұл – қиынның қиыны. Себебі әр адам – қайталанбас тұлға. Оның жан дүниесі - өзінше бір әлем. Ал ұстаз сол әлемді шартарапқа жетелеуші. Ұстаз - бала болмысына өзгеріс енгізуші, бағыт - бағдар беруші, ата - ананың сенімді көмекшісі

Елбасымыз Нұрсұлтан Назарбаев "Болашақта еңбек етіп, өмір сүретіндер бүгінгі мектеп оқушылары, мұғалім оларды қалай тәрбиелесе Қазақстан сол деңгейде болады. Сондықтан ұстазға жүктелер міндет ауыр" деген болатын.

Мемлекетіміздің білім беру үдерісіне енген жаңартылған білім беру бағдарламасы - заман талабына сай келешек ұрпақтың сұранысын қанағаттандыратын тың бағдарлама. Білім беру саласындағы өзгеріс тиімділігі неде? Тиімділігі – орта білім берудің жаңа үлгісін құру, оқу нәтижелілігін арттыру және оны барлық салада қолданысқа енгізу. Ол қалай жүзеге асырылуда? Бұл үдерісті жүзеге асыратын тиімді тәсіл – жаңа форматты ұстаздар дайындау.

Осы мəселе аясында «Балалар ХХІ ғасырда табысты болу үшін нені оқыту керек?» жəне «Оқытудың тиімді əдістері қандай?» деген сияқты негізгі сауалдар туындайды.

Оның үстіне білім берудің жүйесін қарқынды дамытқан бұл үрдістің жалпы білім беретін мектептерге де енгізіле бастауы көңілді қуантады. Бағдарлама барысында әріптестеріммен бірлесе, білім беру бағдарламаның жаңартудың мақсаттарын талдап, талқылап,тәжірибеммен бөлісу менің білімді арттыруға көп ықпалын тигізді. . Аталған білім беру бағдарламасы туралы түсінгенім мен ұғынғаным мол

Кәсіби тұрғыда жаңа сатыға қадам басып, білім жүйесіне енген жаңалықтың қыр –сырын зерттей бастаған сәтімде арнайы курсқа баруым бағдарлама туралы туындаған сұрақтарымның жауабын табуға берілген мүмкіндік секілді көрінді. Мүлдем естімеген дүниелерім жаңа бағдарлама туралы түрліше көзқарас,мысалы айтып өтетін болсам:

1.Кері байланыс

2.Критерий

3.ҚМЖ

4.Рефлексия

5.Блум таксаномиясы

6.Модерация

7.Критериалды бағалау

8.Дескриптор т.б терминдерді тереңірек түсінуіме көмектескен,тәжірибемді жинақтауға үйреткен осы курсқа ризашылығым шексіз .