Жаңартылған білімнің болашақтағы маңызы туралы 5-сынып мақаласы

«ЖАҢАРТЫЛҒАН БІЛІМ БОЛАШАҚТЫҢ КЕПІЛІ»

Бекмуратова Гаухар Аскербековна

Тұрар Рысқұлов атындағы орта мектебі МЖИ КММ Жамбыл ауданы,Ұзынағаш ауылы

«Біздің жастарымыз ғылым мен білімге ұмтылып,елдің болашағын ойлайтын болса,келешегіміз кемел,тәуелсіздігіміз баянды болады.» деп Елбасымыз Нұрсұлтан Әбішұлы Назарбаев айтып өткен.Ал келешек жастар,болашақ жайындағы мәселеде ұстазға жүктелер міндет ауыр.Себебі болашақты бүгінгі мектеп оқушылары жасайды.Сондықтан қоғамның болашағын оқытып,тәрбиелеп жатқан мұғалімнің заманауи білімдерді,технологияны, ұстанымдарды игерген кәсіби деңгейі жоғары , қарым-қатынас нормаларын меңгерген,адамдық қасиеті болуы қажет.

Филисофияда «Бәрі өтеді,бәрі де өзгереді» деген қағида бар.Егер XX ғасырдың басында тарихта «Сауатсыздық жойылсын» қозғалысы болып халықты жаппай сауаттандыруға күш жұмылдырса,XXI ғасырдың басы компьютер сауаттылығына бағытталды.Осының бәрі өмірдің бір орнында тұрмауына байланысты өзгерістің керек екендігінің дәлелдері болып табылады.Қазіргі кезде кейбір алдыңғы қатарлы дамыған елдердің білім саласында жаңашыл реформалар жүргізіліп жатыр.Ондай реформалар ТМД аумағындағы мемлекеттерде ,соның ішінде Қазақстанда да жүргізіліп жатыр.Жаңа ғасырда әлемдік дамыған мемлекеттердің білім беру жүйесінде білім беру әдістерінің жаңаруы,білім берудің мазмұнын құру әдістерінің өзгеруі,білім беру жүйесінде дамытылған үлгілердің жасалуы,білім беруді басқарудың тиімді тәсілдері ұсынылып отырғаны бәрімізге белгілі. /5/

Нұрсұлтан Әбішұлының «Қазақстан Республикасында білім беруді және ғылымды дамытудың 2016-2019 жылдарға арналған мемлекеттік бағдарламасы» бойынша білім беру үдерісіне енген жаңартылған бағдарлама бойынша өз білімін жетілдіру әрбір тарих мұғалімінің алға қойған мақсаты болып отыр. Қазақстан Республикасында білім жүйесіне енген орта білім мазмұнын жаңарту аясында енген жаңартылған бағдарламаның мақсат міндеттерінің қыр-сырын толық ұғына алмай жүрген бізге және біздің әріптестерімізге үлкен жетістіктерге жол ашып отыр. Осы уақытқа дейін бұл мазмұнды толық түсінбеген бізге және біздің әріптестерімізге «ҰМЖ, ОМЖ, ҚМЖ және критериалды бағалау, сабақта қолданатын ресурстар қол жетімсіз» қиындық туындатып жүрген кедергілерге курсты оқу барысында жақсы әдістемелік көмек алдық. Әр мұғалім осы жаңартылған білім беру аясында жасалынған нормативтік құжаттар мен бағдарламалар және әдістемелік құралдармен өз сабағына қалай қолданып жатқаны жайлы тәжірибе алмасып отырамыз.

Жаңартылған білім берудің маңыздылығы – оқушы тұлғасының үйлесімді қолайлы білім беру ортасын құра отырып сын тұрғысынан ойлау, зерттеу жұмыстарын жүргізу, тәжірибе жасау, АКТ-ны қолдану, коммуникативті қарым-қатынасқа түсу, жеке, жұппен, топта жұмыс жасай білу, функционалды сауаттылықты, шығармашылықты қолдана…