Жоғары білімнің жастар үшін маңызы туралы мақала

Жоғары білімнің жастар үшін маңызы.«Басқару психологиясы» пәнінің жоғары

білім берудегі алатын орны

Мақалада жоғары білімнің жастар үшін маңызы мен «Басқару психологиясы» пәнінің жоғары білім беру процесіндегі мамандар дайындаудағы алатын орны қарастырылады.

Жоғары білім беру мемлекет үшін маңызды міндеттердің бірі. Мемлекеттің ертеңіне білім үйренуге ұмтылатын, еңбексүйгіш, ынталы адамдар өз үлесін қоса алады. Мұндай адамдардың белгілі бір бөлігі жоғары оқу орындарының түлектері. Сапалы жоғары білім игерген жастар қоғамның әртүрлі салаларында өз қызметтерін атқаруға мүмкіндік алады. Медицина және құқық қорғау қызметкерлері, ұстаздар, технологиялық мамандық иелері және тағы да басқа маңызы елеулі мамандықтарды игеру де жоғары білім беретін мекемелерде жүзеге асырылады. Қоғамды ауруды емдейтін дәрігерсіз немесе білім беретін ұстазсыз елестету өте қиын. Ал қажетті маманның жоғары дәрежедегі, заман талабына сай, бәсекеге қабілетті деңгейдегі білім мен қабілетті, дағдыларды игеруі үшін жоғары білім беру жүйесінің де жоғары деңгейде болуы шарт.Қазіргі уақытта Әл-Фараби атындағы Қазақ Ұлттық Университетінде жыл сайын әртүрлі мамандықтар бойынша жоғары білім игерген түлектер өз салаларындағы мамандықтарда алғашқы қадамдарын басуда.

Жоғары білім сапасының жоғары деңгейде болуы білім беру жүйесіне, одан білім беру бағдарламасына байланысты болатын болса, білім беру барысында өтілетін пәндер сол білім беру бағдарламасының маңызды бөлігін құрайды. Сондай маңызды пәндердің бірі «Басқару психологиясы». Бұл пән магистратура деңгейіндегі білім алушыларға арналған, мазмұны бойынша адамның қоғамның әртүрлі ұйымдарындағы алатын орнын, ондағы іс- әрекеттер мен қарым-қатынастарды психологиялық тұрғыдан қарастырады. Ұйымның жұмысының нәтижелі болуы ондағы басшының көрегендігіне, әрбір қызметкердің психологиялық жағдайына, мотивациясына, қабілеттері мен дағдыларының, білімінің сапасына байланысты. Басқару психологиясы пәні білім алушыларда ұйымдағы адамдардың рөлі, әлеуметтік орны, мотивациясы, ұйымдағы конфликтілік жағдайлар, келіссөздер, іскерлік қарым-қатынастар және басқа да ұйым үшін маңызды ұғымдардың теориясы жайлы түсінік қалыптастырады. Қысқаша мысал ретінде Герцбергтің мотивация туралы теориясын айтуға болады.Бұл теория бойынша, жұмыс ортасында екі фактор бар: гигиеналық және мотивациялық.Гигиеналық фактор қанағаттанбау сезімін тудырса, мотивациялық фактор қанағаттану сезімін тудырады.Гигиеналық фактор жұмыс ортас

Қорыта айтқанда, жоғары білім беру бағдарламасының сапалы болуы болашақ маман иелерінің еңбегінің сапалы, қоғамға пайдалы болуына әсер етеді.Оның көрінісі ретінде, жоғары білім беру жүйесіндегі пәндердің білім алушыда өз кәсіби саласынан бөлек, әлеуметтік көзқарастар, түсініктер қалыптастыруын айтуға болады.Ал «Басқару психологиясы» пәні білім алушыларда ұйымдағы еңбек процесіндегі маңызды ұғымдар жайлы көзқарас қалыптастырады.