Жаңартылған мазмұндағы география сабағы туралы мақала

Жаңартылған мазмұндағы география сабағының өтілуі

Бүгінгі күнгі мұғалім ол - тұлға,шығармашылықпен сабақ өткізетін,жаңа бағытқа,жаңа білімге ұмтылатын ізденгіш жан. Мұнымен қоса өз пәнін терең меңгерген,стандарттық білім берудің қыр-сырын терең түсінетін адам.

Мен, көп жылдық стажы бар,мектептегі география пәнінің маманы - бұрынғы дәстүрлі сабақтан жаңартылған мазмұндағы сабақ беруге қалай икемделгенімді, бүгінгі күнде өзгерген мазмұндағы география пәнінің жаңаша өтілуі туралы өз пікірімді,ойымды жазбақпын.

Жаңартылған білім беру бағдарламасына сәйкес күнделікті әр сабақты нақты жоспарлаймын. Меңгертілетін тақырыпты алдымен сапалы түрде жүйелеп алып,оқушыларды жаңа тақырыпқа қызықтыруға тырысамын. Сабаққа белсенді қатысуға итермелей отырып оқушының сабаққа деген қызығушылығын өз еркімен оятуға тырысамын. Өткізілетін сабақтың көрсеткіштері бағдарламаға сай тәрбиелік және көркемдік мәні болғаны дұрыс.Ол үшін тақырыпқа лайық тиімді әдісті дұрыс таңдап алып,оны сабақта еркін қолдана отырып толық іске асыруға тырысу қажет.

Сабаққа әр баланың үлес қосуы - олардың сабақты түсінгенінің белгісі мұнда мұғалімнің жоспар бойынша мақсатына жете алуы басты нысанада болады. Бұл жерде мұғалімнің сабаққа жақсылап жан-жақты етіп өткізуге даярланып келуімен өз пәнін толық түсініп тұрғаны аса маңызды, қалғаны оның педагогикалық шеберлігіне байланысты болмақ

Мұндағы басты әрі негізгі бес нәрсе мыналар:

1. Жаңа материалдың меңгерілуі

2. Өткен сабақпен байланыстылығы

3. Оқушылардың қатысуына қарай лайықты бағалануы

4. Үйге берілген тапсырманың нәтижесімен оның бекітілуі

5. Берілген білімнің жүйелілігі

Жаңа материалды игеруде - интернеттің көмегімен сабақты түрлендіріп, тақырыпқа сәйкес сурет, видеолармен әрлендіріп,ойын қосып қызғылықты жасауға қазіргі кезде мүмкіндік көп,бұл мұғалімнің ізденуімен қиялының ұшқырлығына байланысты

Өткен сабақты жүйелеп қайталауда – тақырыпқа сәйкес сканворд,суреттің жасырылған жарты бөлігін табу сияқты т.с басқа да ойлануға жетелейтін тапсырмалар жүйесін сабақты бекітуде пайдалануды әдетке айналдырған жөн.

Сабаққа топтағы оқушылардың бәрінің қатысуына мүмкіндік беріп, әр баланың сабаққа аз болса да өз үлесін қосқанына қарай бағалап ынталандыру қажет, оқушылардан елеусіз қалғаны болмау керек

Үйге берілген тапсырма бойынша өткен сабақтан әр балаға тақырыпқа сай кішкене болса да ізденіс жасап,мәлімет тауып,болмаса суретін салып келгенін тапсырып,сабақта оны қорғап өзі айтып,не оқып берсе жетістікке…