Жаңашыл ұстаз жаңғыру жолында эссе жұмысы

Жаңашыл ұстаз – жаңғыру жолында

Елбасы Нұрсұлтан Әбішұлы Назарбаевтың «Болашаққа бағдар: «рухани жаңғыру» бағдарламалық мақаласы ел дамуының жарқын үлгісі мен нақты қадамдарын көрсететін келелі ой, салиқалы пікір, батыл шешімдерге құрылған. Бұл мақалада сананы жаңғырту, ұлттық болмыстан айырылып қалмай, оны әлемдік құндылықтармен үйлестіріп, Қазақстанның игілігіне жарату жолындағы мақсат-мүдделер туралы өзекті мәселе тұр.

Әр халық, әр мемлекет ғасырлар бедерінде рухани жаңғырып, жаңарып отырады. Ал рухани жаңғыру мен жаңаруда білім берудің рөлі зор. Біз өзіміздің ұлттық ерекшеліктерімізді сақтай отырып, әлемде болып жатқан жаңалықтарды қабылдай білуіміз керек.

Бірнеше тілді білген адам ештеңеден ұтылмайды. «Ел болам десең, бесігіңді түзе» дейді ұлы Мұхтар Әуезов. Әрбір жас өз жері мен оның байлығының иесі болу үшін жаңа технологияларды меңгеріп, жаңаша өмір сүрудің жолдарын үйренуі тиіс.

Ал ұстаздардың бұған қосар үлесі – білім мен тәрбие беруді жаңаша құру, жоғарғы айтылған талаптарға сай орындау. Ол үшін қаншама асуларды алып, қиындықтарды жеңу үшін, оған тек жүрек пен білім, талант пен талап қажет. Бүгінде жаңғыруға деген ұмтылыс – біздің дамуымыздағы ең басты қағида болып саналады.

К.Ушинский: «мұғалім – өзінің білімін үздіксіз көтеріп отырғанда ғана мұғалім, ал оқуды, ізденуді тоқтатысымен оның мұғалімділігі жабылады» деген оймен келіспеу мүмкін емес. «Бала жүрегі – кішкентай күй сандық. Сол сандықтың кілтін тапсаң ғана ашылады. Мұғалімнің қолында әр кезде сол кілт тұру керек» деп М.Шаханов ағамыз айтқандай, әр баланың жүрегіне жол таба білу, сол бала бойындағы дарынды аша білу – әр мұғалімнің міндеті.

Жас маманның алдында – болашақта ұлағатты ұстаз болып, білікті әрі шебер, ұтқыр ойлы, қабілетті, өз пәнін жетік білумен қатар, үнемі ізденіс арқылы мақстанына жету міндеті тұрады. Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында. Жас мамандар осындай жауапкершілікті сезінсе, мемлекетіміздің қорғаны берік бола түспек. «Білімді, көзі ашық, көкірегі ояу болуға ұмтылу – біздің қанымызда бар қасиет» - деп Елбасымыз атап көрсеткендей, жас мамандарға сілтенген бағыт-бағдар десек те артық емес. Жер жүзіндегі…