Шығармашыл және жаңашыл ұстаз туралы эссе

«Кеңес Одағының Батыры

Т. Позолотин атындағы

№ 1 Явленка орта мектебі» КММ

қазақ тілі мен әдебиеті пәні мұғалімі

Асенбаева Алмагуль Сайранқызы

«Шығармашыл, жаңашыл ұстазбын».

/Эссе/

«Еліміздің ертеңі бүгінгі жас ұрпақтың қолында,

ал жас ұрпақтың тағдыры ұстаздардың қолында»

Н. Ә. Назарбаев

Мен, Асенбаева Алмагүл Сайранқызы 1998 жылы Л.Н. Гумилев атындағы Еуразия университетін тамамдап, ұстаздық жолында қызмет ету үшін өз туған ауылыма жол алдым. Бала үшін анасы үлкен бір әлем. Анасы қандай болса, әлемді бала солай қабылдайды. Менің анам өмірін ұстаздық жолына арнаған. Әрбір адамның қолынан келе бермейтін икемділікті, шеберлікті, ерекше шәкіртжандылықты, мейірімділікті анамның бойынан көруге болады. Сондықтан да мен осындай қызығы мен қиындығы мол мамандықты таңдадым. Өйткені бұл қасиеттер ана сүтімен бойыма дарыған болар.

Жаһандану заманында жас ұрпақтың жаңаша ойлау қабілетін, белсенділігін арттыру, білімге деген құштарлығын ояту өмірінде оны қолдана білу, Отан сүйгіштік қасиетін одан әрі дамытуға бағыттау- ұстаздың басты міндеті деп білемін. Өйткені, мектептің әр күні көптеген ғылыми жаңалықтарға, терең әлеуметтік өзгерістерге толы. Қазіргі заманда нені оқыту емес, қалай оқыту керектігі маңыздырақ болып отыр. Елбасымыздың «Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында» деген сөздері менің педагогикалық басты ұстанымым.

Осы ұстанымды жүзеге асыру үшін, интеллектуалды, дені сау, ой-өрісі жоғары дамыған, халықаралық деңгейге сәйкес білімі бар азаматты тәрбиелеу міндетім деп санаймын.

«Мұғалім - ол өзінің білімін үздіксіз көтеріп отырғанда ғана мұғалім.Оқуды, ізденуді тоқтатысымен оның мұғалімділігі де тоқтайды» деп бекер айтпағанСол үшін де ұстаздықтың қыр-сырын жетік меңгеріп, игеру жолында тынбай еңбек етудемін. Ұстаздық жол – мен үшін өмірімнің мәні, қайрат-жігерімнің, қабілетімнің бастауы. Әр таңдағы әрбір игілікті еңбек қадамым, ұстаздық шығармашылық ізденістерім, шәкірттеріммен бірлесе атқарған жемісті істерім мені алдағы уақытта мақсатты істерге жетелейді. «Адам өзінің қабілеттерін оларды іс жүзінде қолдануға тырысуы арқылы біле алады»-деген ойшыл Сенеканың пікірін шәкірттер санасына сіңіруден мен де жалыққан емеспін.