Жанды табиғат бұрышын мекендеушілер сабақ жоспары

Ересек топтарына арналған ұйымдастырылған онлайн оқу қызметі

Білім беру саласы: таным

Бөлімі: жаратылыстану

Тақырыбы: «Жанды табиғат бұрышын мекендеушілер»

Мақсаты:

Білімділік: жанды және жансыз табиғат туралы түсінік беру;

Дамытушылық: жанды табиғат пен жансыз табиғаттың айырмашылығын, өзара байланысы туралы білімдерін жетілдіру;

Тәрбиелік: қоршаға ортаны таза ұстауға, ластамауға, жанды табиғат бұрышындағы жан-жануарларға, өсімдіктерге қамқор болуға тәрбиелеу;

Әдіс-тәсілі: түсіндіру, ойын, сұрақ-жауап, тәжірбие жасау т.б.Қолданылатын көрнекіліктер: табиғат суреттері, тапсырмалар, дидактикалық ойындар, слайдтар, видео материалдар.Сөздік жұмыс: табиғат, жанды, жансыз, тау, тас, өсімдіктер, жануарлар.1. Ата аналарға кеңестер

Мотивациялық қозғаушылық кезең.

Шаттық шеңбері.

Күлімдейік кәне біз,Достасайық бәріміз.Табиғатым тамаша,Көз тоймайды қараса.Табиғатты аялапЖүрейікші жараса.

Ұйымдастырушылық ізденістік кезең.

«Миға шабуыл» Сұрақ-жауап. Слайд презентация

Тәрбиеші: балалар кәне есімізге түсірейікші

-Бір жылда неше жыл мезгілі бар?

-Балалар қазір жылдың қай мезгілі?-Күз мезгілінің ерекшеліктерін атайықшы?-Балалар, күз мезгілінің айларын атайық?-ҚЫРКҮЙЕК, ҚАЗАН, ҚАРАША -Балалар бізді қоршаған ортаны не деп атаймыз?Дұыс айтасыңдар балалар, бізді қоршаған ортаны табиғат деп атаймыз. Балалар, біз бүгін табиғат туралы әңгімелесеміз.

Бізді қоршаған орта: жануарлар мен өсімдіктер, жер мен ай, күн, алыстағы жұлдыздар – осылардың барлығы да табиғат деген ұғымды білдіреді.

Табиғат жанды табиғат, жансыз табиғат болып екіге бөлінеді.Қалай ойлайсыңдар жанды табиғатқа нелер жатады?-Жансыз табиғатқа нелер жатады?

Жанды табиғат – өсіп-өнетін, көбейетін табиғаттың бір бөлшегі. Олар өседі, қоректенеді, тыныс алады, тұқым шашады. Оларға адамдар, жан –жануарлар, өсімдіктер, құстар, жемістер, көкөністер, балықтар жатады.Жансыз табиғат – қоректенбейді, өспейді, тұқым шашпайды. Оларға су, тас, тау, күн, ай, құм жатады. Бірақ тіршілік атаулы оларсыз өмір сүрмейді.Сондықтан олар бір – бірімен тығыз байланысты.

1-тапсырма слайд. «Жанды және жансыз табиғат»

Жанды және жансыз табиғатқа не жатады?2-тапсырма слайд. Топтау әдісі.Суретке мұқият қара.

Жанды табиғатты, жансыз табиғаттың айырмашылығын табу.

Жарайсыңдар балалар

Ал енді еске түсірейікші

Балалар біздің топтағы табиғат бұрышына назар аударайықшы.

Ең алдымен гүлдерді тамашалайық.

-Балалар өсімдік өмір сәні, табиғат көркі, дәрі-дәрмек. Олар біздің бөлмемізді тек әдемі етіп қоймай, бөлменің ауасын тазартады. Бізде гүлдерге қамқорлық жасайық. Ал сендер гүлді күту ережелерін білесіңдер ме?

Гүлдің жапырақтарын шаңнан қалай тазалаймыз?

Гүлдер жақсы өсу үшін не қажет?

Жарайсыңдар, балалар!

Егер сендер гүлдерге дұрыс қамқорлық жасайтын болсаңдар, олар біздің жерімізді сәнге бөлейді. Балалар қараңдаршы табиғат бұрышында қандай жануарларды көріп тұрсыңдар?

-Табиғат бұрышындағы жануарларды күту үшін нені білу керек?

- Алдымен аквариумда өсірілетін балықтармен танысайық.

-Балықтарды міндетті түрде аквариумда өсіру керек. Неге?

-Балықтарды қалай күту керек?