Жақсы мен жаман тақырыбына сабақ жоспары, 4-сынып

Сабақтың тақырыбы

Жақсы мен жаман (1-тоқсан.2-бөлім.)

23-сабақ

Дағды

Оқылым мен жазылым

Оқыту мақсаттары

4.​1.​3.​1* тыңдаған материалдың (ұзақтығы 2-2,5 мин) мазмұны бойынша сұрақтарға жауап беру/сөйлемді толықтыру және түйінді тұстарын анықтау/кесте толтыру/кластер құрастыру

Сабақтың мақсаты

Оқушының барлығы: мәтінді оқып, түсіне алады.

Оқушылардың көбі: мәтіндегі негізгі ойды анықтай алады.

Оқушылардың кейбірі: сөйлемді толықтырып, түйінді тұстарын анықтай алады.

Тілдік міндеттер

Қайыр, түйме, алдау, мақұлдау, күту, аттың жалында ойнау

Алдыңғы білім

Қамқор немере

Сабақтың барысы

С.кезең.і

Жоспарланған оқыту іс-әрекеттері

уақыты

Қар.қат

Оқыту ресурстары

Кіріспе

Мұғалім оқушыларға жаңа сабақтың тақырыбын ашу мақсатында интерактивті тақтадан бет-аузы кір-қожалақ, үсті-басы ласжаман суды басып жүрген, немесе ит-мысықты қуалап жүрген баланың және үсті- басы тап-таза, сабақ оқып немес кітап оқып отырған баланың суреті көрсетіледі. Мұғалім оқушыларға екі баланы салыстыруға тапсырма береді. Оқушылар балаларды өз беттерінше салыстырады. Мұғалім оқушыларға кестені толтыруға тапсырма береді. Оқушылар кестені толтырады және түсіндіреді. Оқушылар осы тапсырманы орындау арқылы екі түрлі баланы салыстырады, ойлау қабілеті дамиды.

Жақсы бала

Жаман бала

«Кел, сөйлесейік» айдарындағы тапсырмада «Қайтсең жақсы бала боласың?», «Қайтсең жаман бала боласың?» деген үлгіні басшылыққа алып, өз мысалдарын айтады. Тапсырма ауызша орындалады. Тапсырма оқушылардың айтылым дағдысын дамытуға негізделген.

Мұғалім оқушыларға толықтыру, қайта түзету, жұмысын жандандыру мақсатында кері байланыс береді.

2 мин

Мұғ-Сынып

Жақсы бала мен жаман баланы сипаттай

-тын қима қағаздағы кесте

Сұрақтар, оқулық

Негізгі бөлім

«Оқы» айдарындағы тапсырмада оқушылар Қастек Баянбайдың «Жақсы мен жаман» өлеңін оқып, танысады. Тапсырма оқушылардың түсініп оқу дағдысын дамытуға бағытталған. Алдымен мұғалім өзі өлеңді мәнерлеп оқиды. Мұғалімнен кейін оқушылар кезекпен әр шумақты оқып шығады.Өлеңді оқушылар оқып болған соң, оқушылар өлеңнің мазмұны бойынша жаман бала мен жақсы балаға тән қылықтарды, қасиеттерді теріп екі бағанға бөліп жазып шығады. Әр топ өз бетінше жұмыс жасайды. Әр топқа жаман баланың және жақсы баланың қағаздан қиылған сұлбасы беріледі, оқушылар сол қағаздан кесілген сұлбаға өлең бойынша жаман бала мен жақсы баланың қылықтарын жазып шығады. толтырады.Әр топ сөз кестесі бойынша сөйлейді, қорғайды.

Мұғалім оқушыларға сөздердің айтылуы мен жазылуындағы айырмашылықтарды түсіндіреді.

Жаман бала

Жақсы бала

Өз мысығын сабайды.

Анасын алдайды.

Екілік баға алады

Ойнап жүріп жылайды.

Ерініп қолын жумайды.

Сабағын беске оқиды.

Көгершінді аяйды.

Досына адал.

Інісін қарайды.

Мінезі жақсы

Әжесін күтеді

Аттың жалында ойнайды

Өз түймесін өзі қадайды

Уәдесінде тұрады.

Ал, балалар, көрдіңдер ме, жақсы бала мен жаман баланың бойындағы қасиеттердің қандай екенін енді өздерің ойланыңдар, сендер қай балаға жатасыңдар? Оқушылар өздерінің қандай балаға жататындықтарын өз сөздерімен айтады. Оқушылар бір-бірін «Отшашу» әдісі бойынша бағалайды.

5 мин

Жеке

Оқулық

ереже

«Оқы және жауап бер» айдарындағы тапсырмада оқушылар өлең жолдары мен сөйлемдерді салыстырад. Қай өлең жолы қай сөйлемге сәйкес екенін анықтайды. Әр өлең жолының жанындағы сандарды сөйлемдердің жанындағы әріптермен сәйкестендіреді. Бұл тапсырма оқушылардың өлеңнің мазмұнын терең түсінуіне ықпал етеді, сыни ойлауын дамытады.

5 мин