Жақсы сөз – жан тынысы тақырыбындағы 7-сынып тәрбие сағаты

№28 мектеп-лицейі

«Жақсы сөз-жан тынысы»

(Тілдер күніне арналған мектепішілік шара)

Өткізген: Ахатова А.К.

2019-2020 оқу жылы

Алмас: Қымбатты оқушылар және ұстаздар қауымы! Баршаңызды 22- қыркүйек Тілдер мерекесімен құттықтаймыз!

Әдемі: Тіл – біздің байлығымыз, тарихымыз, мәдениетіміз және әдебиетіміз.

Алмас: Тіл – ұлттық намысымыз, арымыз, барымыз. Тіл мерейі –ел мерейі.

Әдемі: Жыл өткен сайын бұл мерекенің ұлттық мәртебесі жоғарлап, Республика көлемінде қарқынды тойланып келеді.

Алмас: Біз де мерекеге өз үлесімізді қосу үшін әдеби - сазды кеш өткізуді ұйғардық.

Әдемі: Олай болса, «Жақсы сөз-жан тынысы» атты мерекелік шарамызды бастауға рұқсат етіңіздер!

Алмас: Қала, облыс көлемінде мектебіміздің намысын қорғап, талай додаларда биіктен көрініп, жүлделі орындар иеленіп жүрген шәкірттеріміз аз емес.

Әдемі: Ендеше қалалық, облыстық байқаулардың жүлдегерлері,10а сынып оқушылары Чампалов Сергей мен Астова Александраны құрметпен ортаға шақырамыз.

Чампалов Сергей

«Ана тіл - арым, ұятым!»

Байқасақ, ана тілде ұлылық бар,

Жанынды жадыратар жылылық бар.

Қалайша , кем болады ойлаңдаршы?!

Абай мен сөйлеген тіл ұлы Мұхтар!

Сақтай гөр, жаратқаным тілімді аман,

Сөйлесін тек сол тілде қырым далам.

Ел үшін дұшпанмен де тіл табысқан,

Сол тілде сайыпқыран Сырым бабам!

Жыр Жұбан, қасиетті Қыран далам,

Мен «Қазақ»!,- деп әлемге ұрандаған

Ол дағы өз тілінде ойын өріп,

Алашқа ана тілде жыр арнаған!

Қадірін ана тілдің ұғына біл,

Даналық арамызда тірі қазір.

Тек қана қазақ тілде жырын жазып,

Танылды бар әлемге ұлы Қадыр!

Ендеше, тілімізді ұлықталық,

Тұмадай мөлдіресін тұнып барып.

Жалауы жығылмасын туған тілдің,

Ана тіл- ардың тілі, ұмытпалық!

Астова Александра

«Өлең - сөздің патшасы, сөз-сарасы...»

Өлең - сөздің патшасы, сөз - сарасы,

Қиыннан қиыстырар ер данасы.

Тілге жеңіл, жүрекке жылы тиіп,

Теп-тегіс жұмыр келсін айналасы.

Бөтен сөзбен былғанса, сөз арасы,

Ол - ақынның білімсіз бишарасы.

Айтушы мен тыңдаушы көбі - надан,

Бұл жұрттың сөз танымас бір парасы.

Өлеңге әркімнің - ақ бар таласы,

Сонда да солардың бар таңдамасы.

Іші - алтын, сырты - күміс сөз жақсысын,

Қазақтың келістірер қай баласы?

Бұрынғы ескі биді тұрсам барлап,

Мақалдап айтады екен сөз қосарлап.

Ақындары ақылсыз, надан келіп,

Көр - жерді өлең қыпты жоқтан қармап.

Қобыз бен домбыра алып топта сарнап,

Мақтау өлең айтыпты әркімге арнап.

Әр елден өлеңменен қайыр тілеп,

Кетірген сөз қадірін жұртты шарлап.

Мал үшін тілін безеп, жанын жалдап,

Мал сұрап біреуді алдап, біреуді арбап.

Жат елде қайыршылық қылып жүріп,

Өз елін бай деп мақтар, құдай қарғап.

Ынсап, ұят, ар, намыс, сабыр, талап,

Бұларды керек қылмас ешкім қалап.

Терең ой, терең ғылым іздемейді,

Өтірік пен өсекті жүндей сабап.

Алмас: Ән салса, таң қаларсың,

Әр сөзін тоқсан тоғыз қайталарсың.

Осындай ән туғызған қазағымды,

Қалайша тар пейіл деп айта аларсың?! - деп, кезекті әнге береміз. Алдарыңызда 5б сынып оқушысы Свинухова Юлия «Қыран құс» әнімен. Қошемет достар!

Әдемі: Мектебімізде тіл туралы толғаныстарын қағаз бетіне түсіріп жүрген ақынжанды оқушыларымыз да жоқ емес.

Алмас: Ендеше, мектебіміздің өнерлі, белсенді түлектерінің бірі Рахымгалиева Әселді «тіл туралы» жазған өз өлеңін оқып беруге шақырамыз.

Рахымғалиева Әсел

«Ана тілім»

Тіл деген ол - қазақтың мақтанышы

Тіл деген ол - қазақтың ар - намысы

Тіл деген ол – ақ сүті ғой анамыздың

Сондықтанда құрметте өз тілінді!

Ана тілім асыл мұрам

Ата-бабам қалдырған,

Жанашырым, мәпелейтін, аялайтын.

Боламын мен, жас ұлан!!!

Тілсіз ақын жеңе ме?

Айтысқанда мықтымен?!

Отанды да , елді де,

Тіл арқылы ұқтым мен.

Тіл дегенде жүрегімді ұрамын,

Тілімменен биікте мен тұрамын.

Тілім барда сескенемін мен,

Өйткені, тіл дегенім жүректегі жыр-әнім.

Тілім барда өсер қазақ ұланы,

Сақтау керек ”Тілім” деген мұраны.

Әр қазағым қазақ тілде сөйлесе,

Қазақ тілім мәңгі шыңда тұрады.

Сөйле мәңгі өз тілінде қазағым,

Тілімді мен “Қасиет” деп жазамын.

Тартты емес пе бабаларым тіл үшін,

Қанша ғасыр, қанша жылдар азабын.

Қаны қазақ бауырларды жандырып,

Өз тілімнің мәртебесін жандырып.

Босағасын өгейсімей өмір сүр,

Ана тілім жасау керек мәңгілік!!!

Әдемі: Өнері, жыры бұрқақтай атқан,

Өнердің кілтін тапқан демекші бишіміздің өнерін тамашалайық. «Қазақ биі», орындайтын, қалалық байқаулардың жүлдегері 7- сынып оқушысы Рахметова Нұргүл.

Алмас: Поэзия минуты. Ортаға қошеметпен 4, 5, 6-сынып оқушылары Темірғалиева Сәуле, Дәулетқалиева Айдана, Табылдиева Маликаны шақырамыз.

Туған тілім-бабам тілі-өз тілім,

Туған тілім-анам тілі-өз тілім.

Туған тілім-далам тілі-өз тілім,

Туған тілім-адам тілі-өз тілім.

Туған тілде сыры терең жаным бар,

Туған тілде әнім менен сәнім бар.

Туған тілім тіл болудан қалса егер

Жүрегімді суырып-ақ алыңдар.

Д. Әбілев.

М.Шаханов.

Қазақ тілі – қазақтың ана тілі,

Бірақ оған адам аз бас иетін.

Қазақ тілі – қазақтың дара тілі,

Кейбіреулер түсінбес қасиетін.

Кейбіреулер өз тілін шұбарлайды,

Орыс тілі сіңген ғой санамызға.

Неге олар «тілім» деп қуынбайды,

Шынымен-ақ басқа боп барамыз ба?

Бұл менің ұлтты сүйген өздік ойым.

Өз тілімде керемет ақыл –ойым.

Қасиетті қазақ тіл – бабам тілі,

Ол тарих, сенің, менің абыройым!

СОЛ ТІЛМЕНЕН ДҮНИЕНІ АТТАДЫМ

М.Шаханов.

Сол тілменен дүниені аттадым,

Таптым бүкіл тіршіліктің атауын.

Жатты онда уыз сүті ананың,

Жатты онда аманаты атаның.

Сол тілменен махаббатқа тіл қаттым,

Сол тілменен талай гүлді жырлаттым.

Сол тілменен сәбилерді сөйлетіп,

Талайлардың көз жастарын құрғаттым.

Сол тілменен аспан көрдім, жер көрдім