Жылы сөз жан тебірентер 8-сынып тәрбие сағаты

Бекітемін:

Пәні

Тәрбие сағаты

Сыныбы:

8 «Ә» «Г»

Сынып кураторы:

Нурмухамбетова А.Ж

Тақырыбы:

«Жылы сөз жан тебірентер, сіздерге мың алғыс!»

Сабақтың мақсаты:

1.Оқушылардың «сыйластық» құндылығы туралы түсініктерін кеңейту.

2. Бейбітшілікте, татулықта өмір сүрге тәрбиелеу.

Міндеттері:

а) ризашылық, рахмет, алғыс туралы түсінік беру;

ә) үлкенге — кішіге деген сүйіспеншілігін, сыпайылық қарым — қатынасын дамыту;

б) әдептілікке, кішіпейілділікке, ізеттілікке тәрбиелеу.

Сабақта қолданылатын материалдар:

Нақыл сөздер, сызба,бүктеме,үнтаспа.

І.Ұйымдастыру

Сәлемдесу. Оқушылар назарын сабаққа аудару

ІІ. Кіріспе бөлім

Куратор сөзі:

Қайырлы күн оқушылар!

«Жылы сөз жан тебірентер, сіздерге Мың алғыс !» атты тәрбие сағатын бастаймыз.

Шаттық шеңбері: Оқушылар санитарлық талапқа сай, өз орнында тұрып жан тебірентер жылы сөздерін айтады.

Табиғат анаға мейірімді күні үшін.,

Көңілді жаңбыры мен ақ қары үшін,

Жақсы адамдарға қайырымдылығы үшін,

Халқыма бірлік, ынтымағы үшін

Алғыс айтамыз! Алғыс айтамыз! Алғыс айтамыз!

Мұғалім:

2016 жылдан бастап, халқымыз 1 наурызды елімізде Алғыс айту күні ретінде атап өтіп келе жатыр.

Алғыс айту күні – Қазақстан халқын мәңгілікке біріктіруге бағытталған, көпұлтты еліміздің ынтымағын нығайтуға , өмірдің әр сәтін бағалай білуге үйреттетін күн.

Бұл- сонау соғыс , қиын-қыстау жылдарда елімізге қоныс аударған өзге ұлт өкілдеріне халқымыздың қолда бармен бөліскен, көмек көрсеткен, мейірімділік танытқан рухани дәстүрлер күні!

Тәуелсіз Қазақстанды құруға аянбай еңбек еткен, қиындықты еңсерген , келешекке нық қадам басқан еліміздің барлық азаматтарының бір-біріне құрмет көрсетіп, сыйластығын одан әрі жалғастыратын күн!

Алғыс – адамның адамға жасаған жақсылығы, көмегі, көңілі үшін ризашылық білдіруі.

Алғыс — адамның көрсеткен көмегі үшін рахмет айтуы. Қолыңнан келгенше біреуге жақсылық жаса, алғысын аласың. Алғыс алған адам бақытты болады. Дана халқымыз “Алғыспен ел көгерер” деп бекер айтпаған.

«Өмірге риза болып,алғыс айт » “Адам өз ісіне қанағаттанып, сүйсінген кезде ризашылық сезімге бөленеді.Өзіне жасалған жақсылыққа ризашылық білдіруді алғыс дейміз.” Арайлап атқан таңды көргенің үшін, қолдағы барың үшін алғыс айтуың керек.

Негізгі бөлім

Куратор сөзі:

Осы ойын арқылы кімнің көп кітап оқитыны, мақал білетінін анықтауға болады. Қазір сендерге адамгершілік, мейірімділік , әдептілік туралы мақал- мәтелдің алғашқы қатары оқылады, соңын жалғастыру керек. Жылдам жауап береміз.

1.Жақсы ниет- ------------------------------ (жарым ырыс).

2.Кең болмаң, ------------------------------ (кем болмайсың).

3.Өзіңді өзің сыйламасаң, ------------------------------ (өзгеден сый күтпе).

4,Ана алдында – құрмет, ------------------------------ (Ата алдында ізет.).

5.Қайырымдылық жасасаң, , ------------------------------ (қайырын өзің көресің.).

6.Адамның ұяты бетінде, , ------------------------------ (адамгершілігі ниетінде.).

7. Кішіпейілділік- , ------------------------------ (кісінің көркі.).

Тренинг «Атом және молекула»

Топпен жұмыс. Ойынның шарты : оқушыларға сынып ішіндегі ынтымақты нығайту мақсатында ойнатылады. Балалар 4-және 5 ке бөлініп атом мен молекула құрады. Бірлік пен ынтымақ нығайады.

Ой қозғау

«Қане ойланайық, достым» тренинг

Рефлексия

Ал, балалар , қолдарыңдағы жүрекшелерге достарыңа, сыныптастарыңа , ұстаздарға, барша жандарыңа жақын адамдарға жақсы сөз, жылы лебіздеріңді, алғыстарыңды жазыңдар.

Оқушылар стикерге өз ойларын жазып қалдырады. Кері байланыс ретінде оқушыларға тілек жазылған тәтті үйлестіріледі.

Қорытынды