Жақсылық жаныңды жадыратады психологиялық тренинг

«Жақсылық жаныңды жадыратады» тренинг

Барысы:

Жүргізуші: Құрметті студенттер! «Жақсылық жаныңды жадыратады» тақырыбындағы тренингке қош келдіңіздер! Тренингтің мақсаты: Студенттерді жақсылық жасауға ынталандыру

Кіріспе сөз:

Жақсы болу – өзіңнен,

Жаман болу – өзіңнен.

Өзіңді-өзің ая да,

Өзің үйрен, өзіңнен.

Жақсылық көрсең біреуден,

“Мен қандаймын?” деп ойла.

Өзіңді-өзің қолыңа ал,

Өзіңсің – ақыл айнасы.

Тиеді саған мәні бар

“Өзіңді тану” пайдасы – деп ақын Ө.Ақылбеков айтып кеткендей, жақсы болу өз қолымызда екенін ұғынғанымыз жөн. Ендеше бүгінгі тренингте біз жақсылықтың мәнін тереңірек ұғынатын боламыз.

«Танысу» тренингі

Шеңбер бойымен өзіңізге қысқаша сипаттама беріп өтіңіз.

Қызығушылықты ояту мақсатында топпен жұмысты ұйымдастыру:

Жақсылық – дегеніміз ...

Жақсылықты .... теңеймін.

Жақсы адам ... ұқсас (тең).

«Жақсылық» жаттығуы

Өзіңіздің жақсылық жасаған оқиғаңызды немесе сізге жақсылық жасаған адам туралы шеңбер бойымен айтуыңызды сұраймын.

Ертегі кейіпкері-мейірімді немесе зұлым?” ойыны

Бәрі ертегілерді жақсы көреді. Халық ертегілерінің басты тақырыптарының бірі жақсылық пен зұлымдық тақырыбы болды. Ертегілерде мейірімді және зұлым кейіпкерлер бар. Қазір мен ертегі кейіпкерін атаймын, ал сіз ол мейірімді немесе зұлым екенін анықтап, егер жақсы болса, сіз қол соғып, шапалақтайсыз, зұлым болса – аяқпен жерді соғасыз.

Иван–царевич, Дюймовочка, Красная шапочка, Золушка, Кощей.

Қарлығаш, Жылан, Жезтырнақ; Пері; Көлтаусар; Толағай; Батырлар; Жалғыз көзді дәу; Желаяқ; Қаңбақ шал; Мыстан кемпір.

«Тірі шрифт»

Сипаттама

5-6 адамнан тұратын топтар қатысушыларға топпен «тірі шрифт» жасап шығаруға және оны көрсету тапсырылады. Ол шрифтті өздері альфавит әріптерінен көрсетеді. (дайындыққа 15-20 минут беріледі).Әрбір топ өздерінің шығарған «тірі шрифттерін» көрсетеді. Оның бәрін камераға немесе суретке түсіріп алған жөн.

Қай топтың «шрифті» анық болса сол топ жеңімпаз аталады.

Талқылау.

Қатысушылар жаттығу барысындағы эмоциялар мен сезімдерімен бөліседі, кейін жеңуге жеткізген ойларымен бөлісіп, жеңіліс тапқан топтарға не кедергі болғанын бөліседі.

Әдістеме

Сіздің қамқорлық қабілетіңізді анықтауға арналған «ИТКЕ КӨМЕКТЕС» проективті әдістемесін өткізейік.

Бұл суретте басы мен құйрығы бар ит бейнеленген. Оның бақытты болуы үшін бір нәрсе жетіспейді, бірақ дәл не? Иттің жанында сіздің ойыңызша, оның көңіл-күйін…