Жақсылық жаса алғыс ал тәрбие сағаты

Сабақтың тақырыбы: Жақсылық жаса-алғыс ал

Сабақтың мақсаты: «Парасаттылық» ұғымының құндылық ретіндегі мәнін ашу.Жақсылықты бойларына сіңіріп,жағымды қарым-қатынас жасай білуге төселдіру.Өзін қоршаған ортаға жақсылық жасауға,мейірімділікке сыйластыққа,сүйіспеншілікке,сыпайылыққа тәрбиелеу

I Ұйымдастыру

II Тақырыпқа психологиялық кіріспе

1.Көбелектің еркін тыныс алып ұшуы үшін не қажет?

2.Гүлдердің жайқалып өсуі үшін не істей аламыз?

III Мұғалім: Данышпан Абай атамыз өзінің жиырма үшінші қара сөзінде:

«Біздің қазақты оңдырмай жүрген бір қуаныш,бір жұбаныш дегендер бар.

Оның қуанышы-елде бір жаманды тауып,я бір адамның бұл өзі қылмаған жаманшылығы шықса,қуанады.Айтады:құдай пәленшеден сақтасын,о да адаммын деп жүр ғой,оның қасында біз сәулелі кісінің бірі емеспіз бе, оған қарағанда мен таза кісі емеспін бе?-деп.Оған құдай тағала айтып па,пәленшеден тәуір болсаң болады деп?Я білгендер айтып па,әйтеуір өзіңнен наданшылығы асқан,я жаманшылығы артылған кісі табылса,сен жаманға қосылмайсың деп?Жаманға салысып жақсы бола ма?Жақсыға салысып жақсы болады дағы.Жүз ат бәйгеге қосылса,мен бәйге алдым деген сөз болса,алдыңда неше ат бар деп сұрар,артыңда неше ат бар еді деп сұрағанның несі сөз?Мен бес аттан,он аттан ілгері едім дегеннің несі қуаныш?...»

«Жақсылық», «жамандық» деген ұғымдарды қалай түсінесіздер?

Жаманға салысып жақсы бола ма?-деген сөзді қалай түсінесіз?

Адам басқаның жамандығына қуанудан жақсы адам бола ала ма?

Ата-аналарыңды қандай жақсы істеріңмен қуанттыңдар?

IV Жақсылық жасау әр адамның қолынан келеді.

V Мақал-мәтелдер.

VI Парасаттылық айнасы. Адамзатты адамгершілік тұғырына жетелейтін, адалдыққа, мейірімділікке, парасаттылыққа апарар жол – имандылық. Қазақта «Кішіпейілділіктен кішіреймейсің»,«Ұлық болсаң,кішік бол»деген мақал бар. Инабатты, биязы мінезді,қатардағы қарапайым,қамқоршы адамды халық нағыз перзентім деп үлгі тұтады.Адам және мәдениет мәселесін тереңдете түсетін жайттардың бірі адамның қабілеттілігіне,жан-жақтылығына,шексіздігіне байланысты. К.Поппер айтқандай, адам бірдей үш дүниеге физикалық,ментальдық (психикалық) және идеялдыққа жатады.Адамды қоршаған заттар,дүние-бұл мәдениеттің сыртқы көрінісі ғана,оның мәні-руханилықты адам әрекетінің нәтижесінде заттандыруда жатыр.Мәдениеттің ішкі мәні қоғамдағы өмір сүріп жатқан адамдардың өзіндік санасында,парасаттылық сезімдерінде,рухани ізденістерінде айқындалады.

VII Қорытынды.

«Жүрек сөзі»

Оқушылар «жақсы сөз жан жадыратар» демекші жақсы сөздер арқылы тілсіз,сөзсіз жүрекке жан бітіріп сөйлетейік.Жақсы сөздер арқылы ойымызды,сөзімізді,қиялымызды, жүрек жылуымызды бір-бірімізге таратайық.Парасаттылығымыз-бойымыздағы кісілік қасиеттерімізді,білімпаздық,көрегендік,зерделілік,салиқалылық қасиеттерімізді сақтай білейік.