Жарасымды қарым-қатынас психология пәнінен эссе

Жарасымды қарым- қатынас.Тренинг

«Тәрбиеші тәрбиеленушіге байқап білудің

нысаны ретінде емес, тәрбие берудің нысаны

ретінде қарау керек» А.С.Макаренко

Мақсаты:

- Дау- жанжалдың туындау себептері , оның адам өміріне әсері, жүйкеге әсер ететін жағдайлардың алдын- алу туралы білім алушылардың білімдерін тереңдету.

- Білім алушыларға зерттеу, жаттығу жұмыстарын жасату арқылы жағдайды талдауға, саналы шешім қабылдауға баулу.

- Салауатты өмір сүруге, айналасындағы адамдармен үйлесімді қарым- қатынас жасауға, үлкендерді сыйлауға, кішіге құрмет көрсетуді тәрбиелеу.

Тренинг барысы:

І кезең. Қызығушылықты ояту. (ойлану топта талқылау) .

«Қарым – қатынас дегенді қалай түсінесің?» - деген сұраққа оқушылар «Ассоциация» парағын толтырды

ІІ кезең. Мағынаны тану.

Шебер қарым – қатынас жасау жолдарын, түрлерін және де қарым- қатынас мәдениеті төңірегінде түсініктеме берілді.

ІІІ кезең. Ой қозғау.

Қарым- қатынастың адам, өміріндегі маңыздылығы туралы не ойлайсыз?

Ұжымдағы қарым- қатынасқа көңіліңіз толады ма ? т.б.

ІУ кезең. Аутегенді жаттығу жасау.

Ыңғайлы отырып , көзді жұмып, терең жаймен дем алыңыз.

Төбеңеңізді алтын нұрға бөленіп тұрғандай елестетіңіз. Терең, баяу дем алып, деміңізді сыртқа шығарыңыз.Бар зейініңізді жарқырап тұрған төбеңіздегі күнге аударыңыз.

Мойныңызға зейін қойыңыз, ол да алтын нұрға бөленіп тұр деп ойлап, сол алтын нұрға зейін салып 5 рет баяу тыныс алып, деміңізді сыртқа шығарыңыз.

Алдыңыз ақ нұрға бөленіп, кеудеңізге шуақ шашып тұр деп ойлап, өзіңізді сағым арасында, әдемі гүлдердің ортасындамын деп елестете отырып, деміңізді сыртқа шығарыңыз. Өзіңізге- өзіңіз қазір мен көзімді ашқанда өзімді сергек сезінемін деп айтыңыз.

У кезең. Психологиялық бой жазу.

1. «Сенің есімің» атты әдістеме. Психолог:

Ойыншылар шеңбер бойымен тізіліп тұрады.

Ойынды бір адам бастайды, кейінгілердің міндеті осы бірінші ойыншының атын шеңбер бойымен жылжыта отырып түрлендіре атау. Мысалы: Ару, Аруна, Айдай Ару т.б. Барлық ойыншылардың аты айтылады.

Өз есімдеріңізді түрлендіре естігенде қандай сезімде болдыңыздар?

Психолог: Біздің есіміміз өзіміз үшін дүниедегі ең керемет әуен секілді. Сондықтан бұдан былай үнемі бір-бірімізге қарап сөйлегенде әңгімемізді міндетті түрде есімімізді еркелете, жағымды атаудан бастайық.