Жаратылыстану пәндері апталығына арналған сценарий

«Жаратылыстану» пәндерінің апталық жиынының сценарийі

Оқушылар ортаға шығады да, жүректің бейнесінде орналасады ( экраннан Күн шуағы, Көк Аспан, Құстар, Ағып жатқан су, Ағаштар жайқалып, Шыңында қары бар таулар, жайқалған дала суреттері баяу көрсетіліп тұрады) баяу музыка ойнайды. 1-оқушы: Армысың, алтын күн! (күнге қарап бас иеді ) 2-оқушы: Көгілдір көк аспан! (аспанға қолдарын жаяды) 3-оқушы: Бармысың құстарым! (құстарға қол бұлғайды) 4-оқушы: Қанатты достарым! (құсша қанат қағады) 5-оқушы: Суларым таза ма? (оң қолын оң жаққа созады) 6-оқушы: Талдарым аман ба? (сол қолын сол жаққа созады) 7-оқушы: Бас ием тауларға (бастарын иеді) 8- оқушы: Жамылған қарларға (қолдарын жоғары созады) 9-оқушы: Жайқалған даланы (қолдарын жан-жанқа созады) 10- оқушы: Табиғат ананы (алақандарын жоғары қаратып қолдарын алдына созады) 11-оқушы: Көруге сағынып (қолдарын жүрек тұсына қояды) 12-оқушы:Келген біз балаңыз. (бастарын иеді) (Оқушылар сахнадан шығып кетеді де, видео көрсетіледі) 1-Жүргізуші:

Мінеки залда тыныштық, Естілмейді дыбыс түк Мұны бізде қоштаймыз, Кешіккендерді тоспаймыз. Жаратылыстану – пәндері, Апталығын бастаймыз!

2-Жүргізуші: Құрметті ұстаздар, оқушылар «Жаңару» жаратылыстану математикалық пәндер әдістемелік бірлестігінің «Жаратылыстану ғажайыптары әлеміне саяхат» атты пәндік апталығына қош келдіңіздер! 1-Жүргізуші: Апталықтың мақсаты: -Оқушыларға қазіргі таңдағы ғылымның дамуы және ғылымның өмірмен байланысы туралы мағлұмат бере отырып оқушылардың пәнге деген қызығушылығын арттыру; - Оқушылардың шығармашылық қабілеттерін дамыту,ғылыми дүниетанымын қалыптастыру; -Өз Отанының табиғатын қорғай білуге бағыт беру , табиғатты қорғау шараларына белсенді араласу дағыдаларын қалыптастыру және салауатты өмір салтына тәрбиелеу. 1-жүргізуші: Армысыздар,ағайын! Ағайын тілін табайын! Бармысыздар,бауырлар, Өкпе жоқ,бізде бауыр бар. Есенбісіз, ұстаздар, Шаршамайтын қыс-жаздар. Апталықты ашайық, Көңілді кеш жасайық. Бүгін жаратылыстану-математика апталығында барлық ғылымдардың ішіндегі ең-ең қызық болып табылатын пән иелерін төрге шақырайық. 2-жүргізуші: Інжу-маржан жатыр теңіз жеріңде Саяхатшылар қалды мәңгі ел есінде

Талаптанып жасынан ұғып алған. География жарар әркез керегіне. Ортаға География патшалығының өкілің шақырайық. Қарсы алыңыздар.

1-жүргізуші: Элементтер, элементтер сыр бүккен

Бәріңізде орны бар тірліктен Химияны меңгерсеңдер қиналмай Қол созады студенттік күн күткен. Ортаға Химия патшалығының өкілің шақырайық. Қарсы алыңыздар 2-жүргізуші: Табиғаттың бауырысың, досысың Аянбауда керек шығар дос үшін. Екеуіннің араңдағы байланыс Өмір бақи үзілмесің, қосылсын! Ортаға Жаратылыстану патшалығының өкілің шақырайық. Қарсы алыңыздар. 1-жүргізуші: Өсімдіктер, жануарлар әлемі Адамзатты таң қалумен келеді. Биология түп қазығы тірліктің Қызғылықты әрқашанда дерегі. Ортаға Биология патшалығының өкілің шақырайық. Қарсы алыңыздар. 2-жүргізуші: Жаратылыстың заңына әркім тәуелді

Физикаға әуес шәкірт өнерлі. Қандай ғажап физикалық заңдылық Әдемі етіп ұсьап тұрған әлемді. Физика патшалығынан келген өкілді ортаға шақырамыз. Қарсы алайық. 1 жүргізуші: Ұстаз да, шәкірт те бас иетін,

Компьютер, бар сенің қасиетің. Бір емес бірнеше іс атқарасың, Жалғыз өзің, мың істі атқарасың. Ортаға Информатика патшалығының өкілің шақырайық. Қарсы алыңыздар. 1 жүргізуші: Ғылымдардың патшасы атанғансың

Евклид,Фалес, Пифагордан бата алғансың Төзбейтін өтірікке, жалғандыққа Жасықтан емессің, сен қаталдансың. Ақыл- ойды тәртіпке келтіретін, Нағыз пән математика атанғансың.

Ортаға Математика патшалығының өкілің шақырайық. Қарсы алыңыздар.

1-жүргізуші: Құрметті әр пән патшалығынан келген өкілдер, сіздер мына отырған жас достарыңа қандай лебіздеріңізді білдіресіздер. Сөз кезегін өкілдерге береміз.

1. География өкілі: Қарасaм Қазақстан картасына,

Оранған бар байлықтың алқасына

Арайлы атамекен – туған жерім, Мен үшін сенің артық, әр тасың да. География бастауысың жер-дүниенің Тереземіз тең бүгін басқа елдермен Үлгі етіп өнегесін бабалардың Ұмытпайық өнеге, өсиетін.

2. Химия өкілі: Өмірге әр ғылым керегін ұғыңдар Қараңдар, жараңдар, химиядай ғылым бар

Ғылыммен осындай кеңейер білімің Ғылымның зер салып, зерттендер сырың әр Химия айналдым, көп уақыт ойландым

Ақыры ұғындым мән-жайын пайданның Химия ырыс қой, түсіңсен пайдасын Қызметі өрлесін маңызын жоймасын Атом-бомба полигон жарғызбасын Жамандыққа қолданып химияны Басымызға азапты салғызбасын.

3. жаратылыстану Бағбан бабам бау өсіріп жеріне өкілі: Үлгі өнеге көрсетіп ол еліне Бабалардан тағылым алған ұрпақтар

Тартып туар, арғы ата-тегіне Жасыл бақ көркі болған кең даланың Ұмытылмас ұлылығы ер бабамның Жайқалған жасыл бақты көрген кезде Құрметтеп мен бабамды еске аламын.

4. Биология: Көріппе едік тіршіліксіз даланы Дауасы жоқ жазылмайтын жараны

Бұған кімдер берер екен жауапты Өз жерінде еңіреткен бала менен Ананы Семей жері жарылыстан тулады, Тұңшықтырып айналаны улады Қасіретінен қайғы шеккен қалың жұрт Мұңын айтып, ұлар құстай шулады.

5. Физика өкілі: Физика - өмір тұрмыс тірегі Құрамына заңдылықтар кіреді

Мақтанасың сен бекерге басқа ұрып Қайсымыздың пайдамыз көп өмірге Төрелігін берсің әр кез патшалық. Жер бетінің әрбір құмын, әр тасын Мен зерттеймін, ей балақай байқашы Мені білгің, оқыған сен азамат Сиқыршымын мен – физика патшасы 6. Математика өкілі:

Математика сандар менен формулалар, Белгілі бала күннен бізге бұлар, Пифагор мен Фалестен бастау алып, Математиканың мәні де, міне осылар. Алгебра –синус пенен косинус, Білсең мұны өзіңе үлкен плюс, Есептер мен ережеден тұратын, Алгебра-шексіз бір космос.

7. Информатика өкілі: Пернетақта алдыңда, Дәу манитор тұр қарап. Көп шаруаны атқарар, Компьютер бұл ғажап. Керек емес қаламың, Жазуды да жазады. Қарындаш пен бояусыз, Суретті де салады. Талай шаруа бүгінде, Компьютерсіз бітпейді. Керек десең ол тіпті, Том-том кітап жүктейді.