Жаратылыстану математика апталығына арналған мақала

«Маңызды өткен апталық»

Жаратылыстану- математика ғылымдардың патшасы, дегендей, әрбір өскелең жастың ішкі резервін, талантын, дарынын тәрбиелеу, еліміздің үлкен тірегі болатын жас ұрпақтың терең білімді, жан – жақты дамыған зерек болуы – заман талабы.Осыған байланысты оқушылардың шығармашылықпен айналысуына сыныптан тыс пәндік сайыстар өткізудің тигізер септігі мол. Мектебімізде жыл сайын өткізілетін, дәстүрге айналған Жаратттылыстану- математика бағытында «Жаратылыстану ғылымы -ақыл ойдың әуені» атты он күндік іс-шарасы болып өтті. Осы он күн бойы әр сыныптарға ашық сабақтар,сыныптан тыс шаралар,сайыстар ұйымдастырылып өткізілді.

Он күндіктің ашылуы мектеп фойесінде безендірулер мен көрме ұйымдастырылып,оқушылардың пәнге байланысты ұйымдастырылған көріністерімен салтанатты кештің шырайын аша түсті .Мектеп мұғалімдерінің тынымсыз еңбегінің арқасында мектепті түрлі шаралар өткізіліп оқушыларымыз белсене қатысты.Айта кетер болсақ 5- сыныптар арасында өткізілген «Жұлдызды сәт» сайысында Иманбалинова Алтынгүл жеңіске жетсе ,9- 11 сыныптар арасында өткізілген «Жүзден жүйрік» сайысында 11- сынып оқушылырының «білгір географтар»тобы жеңіске жетті. Бастауыш сыныптар арасында өткізілген «Математика еліне саяхат» атты ертеңгіліктер, «Қызықты тәжіриебелер» күнінде мектебіміздің жас ғалымдары өздерінің түрлі тәжірибелерін көрсетіп оқушылырмен мұғалімдерді таң қалдырудан жалықпады. Өткізілген іс шаралар барысында белсене қатысқан оқушыларды марапаттап сыйлықтар табысталды. Өзімнің пайымдауымша, екі апта бойы өткізілген сайыстарға қатысқандар да, көрермендер де жақсы әсер алды. Олар интеллектуалды тұлға бола білуді, алғыр болуды, шешімдерді қабылдай алуды үйренді. Бір сөзбен айтқанда жаратылыстану- математика пәндеріне деген қызығушылықтарын оятып, одан әрі талпындыра түсті.

Железин №3 жалпы орта білім беру мектебінің

Биология пәнінің мұғалімі А.К.Шойбекова