Жарқын болашаққа жаңашыл ұстазбен эссе үлгісі

Мыңарал орта мектебінің алғашқы әскери дайындық

оқыту-ұйымдастырушысы: Малимбеков Бауржан Қазанқапұлы.

«Жарқын Болашаққа – Жаңашыл Ұстазбен» (Эссе)

«Біз өзіміздің қазақстандық арманымыздың орындалуына және Қазақстанның өркендеуіне сенімді түрде қол жеткізетін боламыз» Елбасымыз Н.Назарбаев

Адамда арман көп. Армандап қана қоймай, соған ұмтылып, жол таба білген адам арманына қол жеткізеді. Кез келген ұлттың, елдің, қоғамның басты арманы – еркін ел, тәуелсіз ұлт, егемен мемлекет болу болса керек. Ата-бабамыз азат ел болуды өмір бойы аңсап өтті. Асқақ арман орындалды. Қазақстандай тәуелсіз елдің азаматы болғанына өзімді бақытты санаймын. Міне быйыл тәулсіздік алғанымызға 25 жыл болғалы отыр. Көк байрағымыз әрдайым көкке көтеріліп мәңгі желбіреп тұрсын. Болашақ ұрпақ Елбасымыздың алдына қойған идеяларын жүзеге асыру үшін, яғни «Мәңгілік Ел» идеясын, бізге білімді де, білікті жастар ауадай қажет. Ескендір Зұлқарнайын: «Даңқ пен абыройға кенелуімде мен бір адамға қарыздармын, ол – ұстазым Аристотель», - десе, Шәкәрім ұлы ақын Абайды, Жамбыл Сүйінбайды ұстазым деп шексіз құрметтеп кеткен екен. Ал мен болсам Бауыржан Момышұлын үлгі тұтамын. Ол кісінің келер ұрпаққа берер тәрбиесі шексіз.

Бүгінгі ұстаз шәкірттеріне ғылым негіздерінен мағлұмат бере отырып, оны дүниежүзілік білім, ақпарат, экономика кеңістігіне шығуына, яғни бәсеке жағдайында өмір сүруге тәрбиелеуі керек.

Мектептегі ұстаз – баланың екінші ата-анасы, болашаққа айқын жол сілтер ақылшысы. Оның мейірімге толы жүрегі шәкірт бойындағы талай ағаттықты кешіре біледі. Оның бойындағы ақыл мен білім, ойының қуаты талай тентекті жуасытып, небір еркені сабасына түсіреді, тәртіпке баулып, есейтіп, ержеткізеді. «Тәртіпке бағынған құл болмайды, тәртіпсіз ел болмайды» деген Б.Момышұлының сөзі осыған дәлел ретінде айта кетуге болады.

ХХІ ғасыр – қатаң бәсеке ғасыры. Міне осындай замаң ағымына төтеп бере алатын ұрпақ керек. Ондай ұрпақты тәрбиелеп алапшығу ұстаздан қолында. Әр ұстаз өз кәсібінің майталманы, осы мақсатқа рухани күш-жігерін, парасат-қуатын салу керектігі айтпаса да түсінікті. Бұл – әркімнің қолынан келе бермейтін, ерекше талантты қажет ететін, бай қиялды адамға тән қасиет. Сондай-ақ ұстаз күнбе-күнгі өзінің көп қырлы еңбегінде мазмұны әртүрлі кездейсоқ жайттардың туындап…