Жарқын жаз тақырыбындағы ашық сабақ

Білім беру саласы: Әлеуметтік орта

Ұйымдастырылған оқу іс-әрекеті: Көркем әдебиет

Оқу іс-әрекетінің тақырыбы: Жарқын жаз

Оқу іс-әрекетінің мақсаты:

Жаз туралы балалардың түсінігін кеңейту;

Жаз айында айналада болатын өзгерістерді, табиғаттағы ерекешеліктерді бақылай білуге үйрету;

Білімін жетілдіру;

Ойлау қабілетін арттыру;

Әдіс-тәсілдер: сұрақ-жауап, әңгімелеу, көрсету.

Оқу іс-әрекетінің көрнекіліктері: жаз айының суреттері.

Оқу іс-әрекетінің барысы:

Ұйымдастыру кезеңі.

Балалар шаттық шеңберіне тұрады. Барлығы бірге айтады:

Жайқалып жапырақ,

Құлпырып қызғалдақ.

Тұратын көз тартып,

Жаз келді күншуақ.

ІІ. Негізгі бөлім.

Балалар бүгінгі сабағымызды жұмбақ жасыру арқылы бастайық. Кәне, мені мұқият тыңдаңдар:

Жұмбақ шешу:

Күндер ысып, шөп пісіп,

Ел пішенін орады.

Бөбектерім, айтыңдаршы,

Бұл қай кезде болады?

Кәне, бұл жұмбақтың жауабын кім айтады екен?

Барлығы бірге «Жаз».

Дұрыс айтасыңдар, балалар.

Дәптермен жұмыс.

Балалар жаз тақырыбына сурет бойынша әңгіме құрастырыңдар.

Жаз айының басқа жыл мезгілдерінен қандай айырмашылығы бар?

Басқа мезгілдерде күн салқын болады. Қар жауады, жел соғады және т.б.

Жазда балалар қайда шомылады?

Теңізге

Мал қайда жайылады?

Далада

Жазғы демалыста қайда барасың?

Атам, әжем үйіне қыдырам. Басқа жақтарға барып демалам.

Жаз мезгілі несімен ұнайды?

Жаз мезгілі маған күн жылы болады. Жазда теңізге түсемін.

Дұрыс айтасыңдар, балалар. Енді «Жаз» туралы өлең тыңдайық.

Жарқын жаз Авторы: Н.Айтов

Жаз қалай келді?

Жарқылдап.

Қаздар қалай ұшып келді?

Қаңқылдап.

Көбелектер қайда қонды?

Гүлге.

Не жауады?

Жаңбыр.

Гүлдер несін ашады?

Қауызын.

Ненің төсінде?

Жайлаудың.

Не басталды?

Қызық думан.

Дұрыс айтасыңдар, балалар. Енді ойын ойнайық.

Дидактикалық ойын: «Жылдың қай мезгілі екенін тап».

Ойын шарты: Бірнеше суреттер берілген, сол суреттер ішінен жылдың қай мезгілі екенін тауып, әңгіме құрастыру керек.

Балалар шаршаған шығармыз, сергіп алайықшы.

Сергіту сәті:

Жаз келіпті дегенше,

Алма пісті дегейсің.

Бағымызда ендеше,

Алма тарту көбейсін.

Жаз келіпті дегенше,

Қарбыз пісті дегейсің.

Бақшамызда ендеше,

Қарбыз жинау көбейсін. (балалар қимылмен көрсету)

Тыныштық сәті:

Балалар бір уақыт тыныштық сәтін ұйымдастырамын. Барлығымыз жәйлап көзімізді жұмамыз.