Жас эрудит сыныптан тыс жұмысы, 1-сыныпқа

«Бауыржан Момышұлы атындағы мектеп-гимназия» КММ

«Жас эрудит»

математикалық ойыны

«Жас эрудит»

математикалық ойыны

Сынып: 1 «А»

Мұғалім: Есенаманова Ж.А

2020-2021 оқу жылы

Тақырыбы: «Жас эрудит»

Мақсаты:

1. Оқушылардың математика пәніне деген қызығушылығын

арттыру, математикадан алған білімдерін нығайту, ойлау қабілеттерін

дамыту.

2. Ұйымшылдыққа , өз бетінше жұмыс жасауға, өздіктерінен іздене

білуге, ой қорытындысын жасай білуге, шапшаңдыққа, жинақылыққа дағдыландыру.

3. Оқушылардың мақсатқа жету барысында жауапкершіліктерін жетілдіру,

күшіне деген сенімін арттырып, үлкен жетістіктерге жетуге тәрбиелеу.

Сабақтың түрі : Математикалық ойын

Көрнекілігі: таныстырылым, қанатты сөздер, сандар, әріптер, алмалар т.б.

Ойын түрінде өткізілетін сыныптан тыс жұмысқа 1 «А» сынып оқушылары 2 топқа бөлініп қатысады. Өздері топ басшыларын сайлап, топтың атын, ұранын және төсбелгі ойлап табады.

Сайыс кезеңдері:

І кезең: Таныстыру 5ұпай

ІІ кезең: “Миға шабуыл” (әр топқа 5 сұрақ және 1 логикалық сұрақтан беріледі)

ІІІ кезең: “Сиқырлы сандар” (10,20,30,40 көлемінде логикалық сұрақтар қойылады)

10 саны « От » келсе , жинаған ұпайларыңыздың 10 ұпайы күйіп кетеді.

10 саны «Лотерея билеті»- керісінше 10 ұпай сыйлыққа беріледі.

20 саны «Қара мысық» туссе жолыңыздың болмағаны, ойын кезегі келесі топқа беріледі.

20 саны «Өрмекші торына» туссеңіз, логикалық сұрағына ие боласыз. Сұрақтың дұрыс жауабын таппаса, тордан шыға алмайды.

30 саны «Қамалға» келсеңіз , қиын есепке ие боласыз. Ол арнайы сұрақ болады.

30 саны «Алтын сандық» -олжаға кенелеміз. Сыйлық аламыз, ойынды жалғастырамыз.

ІҮ кезең: ““Сөз тапқанға..” (әр топтан 1 оқушы шығып мұғалім айтқан сұрақтарға өзіне берілген әріптен бастап сол сәтте жауап беруі тиіс)

Ү кезең: «Ұшқыр ой» ойыны. Яғни қай топтың ойынын ұшқыр екенін сандар арқылы анықталатын болады

ҮІ кезең: Математикаға байланысты сөздер мен сандарға қатысты мақал-мәтелдер, қанатты сөздер.

Ойын барысы:

1 – жүргізуші – мұғалім2 – жүргізуші – оқушы

1- жүргізуші: Құрметті ұстаздар және оқушылар!2- жүргізуші: Қайырлы күн құрметті қонақтар! “Жас эрудит” атты кешімізге қош келдіңіздер.1- жүргізуші: Әлемдік өркениетке ұмтылған Тәуелсіз еліміздің басты

құндылығы – білімді ұрпақ. Білімді азамат – ел ертеңі.2- жүргізуші: Иә, еліміздің кемел келешегі – біздің қолымызда. Ал біздің қазіргі міндетіміз-түрлі пәндерді игеріп, терең білім алу. Ал соның ішінде ғылымдардың патшасы саналатын математика пәнінің мен үшін де, менің достарым үшін де алатын орыны ерекше .

1- жүргізуші: Бүгін біздің кешімізде екі топ оқушылары өздерінің математика пәні бойынша білімдерін көрсетіп, сынға түспекші.

І-жургізуші

-Уа, халайық, халайық!

Бәріңе жар салайық

Бүгінгі кеш төрінде

Математика елінде

Математика тілінде

Есеп шешіп жарысып.

ІІ-ж

Шабыт тасып шалқысып

Есеппен ән салысып

Көңілді кеш жасайық.

Ат салысып аянбай

Бар өнерге басайық.

І-ж

Шақырамыз екі топты ортаға

Қол соғады көрермендер таңдана.

Сайыскер өнеріңді ортаға сал,

Осы кеште біліміңді сынап ал.

Білмегеніңді осы бүгін біліп ал.

Қазылар орнықтырар әділдікті

Кімдердің жауаптары кәміл шықты?

Білім мен тапқырлықтың жарысында

Жеңіске жетер дейміз нағыз мықты!

(Әділқазылар алқасының мүшелерімен таныстырып өтейік)

Әділқазы алқалары:

Сансызбаева Зибагүл- 2 «Ә» гимназия сынып мұғалімі.

Абаева Гүлсана – 2 «А» сынып мұғалімі.

1-кезең:

Ал, қанеки сайысты біз бастайық

Ұрандарымызды айтып,

Өзімізді таныстырып тастайық.

(сөз кезегін әр топқа береміз)

1) І топ. «Алғырлар» Ұраны: Білікті бірді жығар ,

Білімді мыңды жығар.

ІІ топ : «Тапқырлар» Ұраны: Өнер- ағып тұрған бұлақ,

Білім- жанып тұрған шырақ. .