Жас маман ұлттық дамудың жарқын болашағы семинары

Тақырыбы: «Жас маман – ұлттық дамудың жарқын болашағы»

(жас мамандарға арналған тренинг)

Құндылықтар жүйесінде білімді бәрінен биік

қоятын ұлт қана табысқа жетеді.

Н.Ә.Назарбаев

Мақсаты: Жас мамандардың бойына ұлттық құндылықтарды сіңіру, ұжымдық ортаға бейімдеу, жеке дара шығармашылық қабілеттерінің жетілуіне ықпал ету; кәсіби ортада қарым – қатынасты нығайту, күш қуат жинау, өзін - өзі тану, құрметтеу, өзін еркін сезінуге көмектесу. Тренингке қатысушылардың эмоционалдық көңіл-күйін көтеру, шаршағандарын басу, жағымды психологиялық ахуал қалыптастыру

Көрнекілік: слайд,плакат, магнит, әуендер, қоржын,асықтар

Қатысушылар: жас мұғалімдер

Жұмыс түрі: Топтық

Жоспары:

1. Кіріспе

2. «Өзіңді тереңірек тани біл» ойын жаттығу

3. «Ұстаздардың сезіміне психологиялық бақылау »топтық жұмыс.

4. «Қоржындағы құндылықтар» ситуациялық сұрақтар

4. «Болото» жаттығуы

5. Ән көңілдің ажары: «Әріптестер алға, қанаттарың талма» әні

Ұйымдастыру.

Сауле: Сәлеметсіздер ме құрметті әріптестер!

Тәуелсіз мемлекетіміздің болашағын қалап жатқан жас маман – ертеңгі егемен еліміздің жарқын болашағы. Өйткені ел болашағының кілті – жас ұрпақтың қолында. Ел басы «Тек жоғары сауатты,дарынды,дана әрі отансүйгіш мұғалім ғана лайықты ұрпақ тәрбиелеп шығара алады.» - деп атап көрсеткен болатын.

Сонымен қатар Нұрсұлтан Әбішұлы Назарбаев «Құндылықтар жүйесінде білімді бәрінен биік қоятын ұлт қана табысқа жетеді» - деген еді Нағыз маман болып қалыптасу жолы ұзақ та күрделі. Жас маман мектептің болашағы. Ал, болашақ әркез бүгіннен басталатыны сөзсіз. Олай болса, ұжымның шығармашылық өсуі оқу – тәрбие жұмысының нәтижесінде. Ал, нәтиже оқытып тәрбиелеп отырған балалардың тәрбиелілігі мен білімділігінде.

Біздер яғни мектеп психологтары өз жұмысымызды аянбай, алаңсыз жүргізуіміз үшін бізге - ұшқыр ой, алғыр зейін, ашық көз, ояу көкірек керек екені даусыз.

Осы орайда сергек қимыл, ширақ ой, сезімтал жүрекпен психолог мамандығын таңдап,жоғары оқу орынын ойдағыдай аяқтап,еңбек жолын енді ғана бастап жатқан жас педагог-психологтар ортамызда отыр.

Олай болса осы жас мамандарымызға қадамдарың құтты, еңбек жолдарың сәтті болсын деген тілек білдіре отырып «Жас маман – ұлттық дамудың жарқын болашағы» атты тренингімізге қатысу үшін ортаға шақырамыз.

(Ортаға жас мамандар шығып,амандасып, өздерін таныстырып кетеді. Әр қатысушы өзін таныстырып болған кезде мойынындарына «Рухани жаңғыру» және «Психолог» эмблемасы бейнеленген шарф тағылады.

Адамның көңіл күйі сергек болса, айналасындағы болып жатқан өзгерістерді жақсы оймен қабылдайды демекші, келесі ойын жаттығуымыз өзімізді тани білуіміз үшін жүргізіледі. Ендеше мына кәрзеңкедегі жеміс-жидектердің ішінен өзіңіз жақсы көретін біреуін таңдаңыз. Не себепті жақсы көретініңізді түсіндіріңіз.

«Өзіңді тереңірек тани біл!» ойын жаттығуы

Нұсқау: Сіздер көрсетіліп тұрған жеміс –жидектерден өзіңізге ұнайтын бір жемісті таңдаңыз. Сол жеміс арқылы сіздің мінез-құлқыңыз қандай екені анықталады. Таңдаған жеміс-жидектің өзіңізге ұнайтын себебін түсіндіріңіз.

Кілті:

Қарбызды ұнатындар орнықты адамдар. Олар шиеленіске, жанжал, дау-дамайға бара бермейді. Еш уақытта, ешнәрсеге шағымданбайды. Тұрмыс пен көңіл-күйін тек қана өз күшімен жақсартуға ден қояды. Отбасында да үлгілі, артық ауыз сөзі жоқ. Кейде табандылық жағы ғана жетіспейді.

Шиені ұнатсаңыз, мінезіңіз жұмсақ, кішіпейілсіз. Өзгеге қуаныш пен жақсылық жасау үшін кейде өзіңізге зиян келтіріп алуыңыз мүмкін. Өтірік-өсек сөзге жоқсыз, әсіресе анекдоттарды ұнатасыз. Ал махаббат жөнінде сәби тәріздессіз, сізді оп-оңай өкпелете салуға болады.

Қара өрікті ұнататындар өз атына айтылған сынды көтере алмайтындар. Олармен достық, жолдастық қарым-қатынас орнату да қиын болады. Бойыңызда менмендік қасиет басымдау.

Шабдалы ұнататын адамдар көпшіл, кез келген адамдармен тіл табыса алатын, ашық, жарқын болып келеді. Сізден сыпайылық пен мәдениетті адамның белгілері айқын аңғарылып тұрады. Тек бір кемшілігіңіз – қиындықтарды ауыр көтересіз, кейде оларды жеңуге дәрменсіздік танытасыз.

Жүзімді ұнататындар өзінің де, өзгенің де сырын сақтай білетіндер.Бірақ мұндай тұйықтық, кейде шектен асып кетеді. Сіз мақсатты нақты қоя аласыз, бірақ сол мақсатқа жету үшін жігерлілік, батырлық керек.

Құлпынайды ұнатсаңыз, сіз қонақжай адамсыз. Адамдармен тез тіл табыса аласыз. Сізге сыпайылық тән, талғамыңыз нәзік. Ешкімге тәуелді емессіз. Дегенмен, қызғаншақтығыңыз да жоқ емес.

Сіз алманы өте ұнататын болсаңыз, жігерлі, бірақ аздап ескі көзқарастағы адамсыз. Өз бастығыңызға берілгенсіз, оның қандай тапсырмасын болса да, жан сала тиянақты атқаруға тырысасыз. Аздап ақынжанды, өз-өзіңізге риза адамсыз.

Ұлы ойшыл Әл-Фараби:

«Ұстаз… жаратылысынан өзіне айтылғанның бәрін жете түсінген, көрген, естіген және аңғарған нәрселердің бәрін жадында жақсы сақтайтын, ешнәрсені ұмытпайтын, алғыр да аңғарымпаз ақыл иесі, мейлінше шешен, өнер-білімге құштар, аса қанағатшыл, жаны асқақ және ар-намысын ардақтайтын, жақындарына да, жат адамдарына да әділ, жұрттың бәріне жақсылық пен ізгілік көрсетіп, қорқыныш пен жасқану дегенді білмейтін батыл, ержүрек болуы керек.» деген еді.

Ұстаздардың сезіміне психологиялық бақылау.Топтық жұмыс