Жас мамандармен жүргізілетін жұмыс семинары

«Жас мамандармен жүргізілген жұмыстар»

Баимбетова Мира Қуатжанқызы

Ақтөбе облысы, Ойыл ауданы,

Саға мектеп-бала бақшасының педагог-психологы

Мақсаты: Жас педагог мамандардың ұжым арасында өзін-өзі ұстай білуге,

бейімделу кезінің қалыпты өтуіне жағдай туғызу

Түрі: Тренингтер

Көрнекілігі: Жұмсақ ойыншық, түрлі қаламдар мен стикер, алма ағашы,

жемістер

Қатысушылар: Жас мамандар ұжымы

Барысы:

Құрметті әріптестер! Педагогтар арасында жағымды көңіл-күй, атмосфера туғызу үшін ойындарға кезек берейік.

1.Өмірде өз жемістерін көру

Алма ағашынан әр тұлға өз жемістерін теріп алып, жемістерде жазылған тапсырманы орындаса жеміс сол адамға.

Тапсырмалар:

1)Әзілдеп сәлемдесу

2) Бір-біріміздің арқамен түйістіріп амандасу

3) Селқос сәлемдесу

4) Бір-біріміздің тізелерімізді түйістіріп сәлемдесу

5) Таңқалып сәлемдесу

6) Ренішпен сәлемдесу

7) Бір-біріміздің маңдайларымызды түйістіріп сәлемдесу

8) Кінәләп сәлемдесу

9) Қуанышпен сәлемдесу

10) Беделді сәлемдесу

11) Сәлем! деп екі қолдарын жоғары көтеріп амандасу

12) Шын көңілмен сәлемдесу

13) Бір-біріміздің иықтарымызды түйістіріп амандасу

2. «Аю, аю, мен қандаймын?»

Сіздер жұмсақ ойыншық аюды ұстап, қарап тұрып сұрайсыздар. Аю, аю мен қандаймын айтшы? – деп, сөйтіп аюдың қалтасынан қағаз алып оқисыздар... (бақыттымын, табыстымын, көңілдімін, батырмын, жауаптымын, ақ көңілмін, намысшылмын, шыншылмын, салмақтымын, сергекпін, сезімталмын, ұқыптымын, әдемімін)

3. «Қолдың суретін салу»

Мұғалімдер екі-екіден бөлініп отырады. Қолдарын ақ параққа қойып, шетінен сызып басып салады. Салып болған соң қолдарына қарап қарым-қатынастарын айтып шығу. Кейбіреулердің қолдары үйлеспейді, қарым-қатынасы жоқ.

4.Рефлексия «Рахмет» жаттығуы

Қатысушыларға екі түрлі стикер беріліп, жасыл түске бүгінгі тренингте ұнағандығын, сары түске не ұнамағандығын жазып, екеуін қосып, Рахмет! деп 3 рет айтып, тренинг жүргізушісіне береді.