Жас мамандар апталығы туралы анықтама мақаласы

Қ.Нұрмаханов атындағы №95 орта мектебінің 2016—2017 оқу жылында 10-15 сәуір күндері аралығында «Жарқын болашақ иесі – бүгінгі жас маман» тақырыбындағы апталықтың

қортындысы туралы анықтама

Қ. Нұрмаханов атындағы №95 орта мектебі «Ізденіс» жас мамандар тобының «Жарқын болашақ иесі-бүгінгі жас маман» тақырыбындағы апталығы 10-15 сәуір күндері аралығында мектепішілік «Үздік жас маман-2017» байқауы түрінде өткізілді. Мектебіміздің ең үздік жас маманын анықтау мақсатында «Үздік жас маман-2017» байқауының ережесі, шарттары мен қатысушы жас мамандар және комиссия құрамы бекітілді. Байқауға 3 жыл көлемінде педагогикалық өтілі бар 7 жас маман қатыстырылды.

Олар:

1. Жұбатқанов Есенболат – дене шынықтыру пәнінің мұғалімі

2. Әбілтаева Ғазиза – ағылшын тілі пәнінің мұғалімі

3. Жүсіп Нұрғали – технология пәнінің мұғалімі

4. Нұртаза Жаннұр – бейнелеу пәнінің мұғалімі

5. Оразымбетов Ғани- алғашқы әскери дайындық пәнінің мұғалімі

6. Журимбетова Альбина - математика пәннің мұғалімі

7. Баймаханов Қайрат- информатика пәнінің мұғалім

Байқау мынадай бірнеше шарттар бойынша өтті.

«Үш тілде» таныстыру

Ашық сабақ

Сыныптан тыс шара

«Білікті жас маман» Тест

«Білім.Біліктілік. Дағды» Идеялар аукционы

«Әдістемелік жинақ» Портфолиолар шеруі

«ЖаҺандану дәуіріндегі жаңа білім» Баяндама

«Тығырықтан тапқырлықпен шыға біл!» Ситуациялар

«Өзге тілдің бәрін біл, өз тіліңді құрметте!» Полиглот

«Тапқыр болсаң, талас жоқ!» Викториналық сұрақтар

Жас мамандарды байқау барысында бағалау үшін комиссия құрамы төмендегідей болып құрылды.

Комиссия төрағасы: мектеп директоры – Маханбетов Оңталап Төлегенұлы

Комиссия мүшелері:

Ә.Кеулімжай – мектеп директорының оқу ісі жөніндегі орынбасары

Ұ. Өтеулі-жаратылыстану пәндер бірлестігінің жетекшісі

А. Қалау-қазақ, орыс, ағылшын тілдері пәні бірлестігінің жетекшісі

Ж. Нұрекешова-тарих, георгафия, «Өзін-өзі тану» пәндері бірлестігінің жетекшісі

Қ. Қылышбай- бастауыш сыныптар бірлестігінің жетекшісі

Г. Әріпова-«Іскерлік» шығармашылық тобының жетекшісі, бастауыш сынып мұғалімі

Ж. Шайықова- технология, денешынықтыру, АӘД, бейнелеу пәндері бірлестігінің жетекшісі

8. Н. Баркова – «Ізденіс» жас мамандар тобының жетекшісі

10 сәуір күні 1600-де 3 тілде жүргізілген апталықтың ашылу салтанаты мектептің акт залында ұйымдастырылды.Жас мамандар өздерін байқаудың алғашқы шарты бойынша 3 тілде,бейнеролик және өлең жолдары арқылы өздерін таныстырып өтті. Мектеп психологі Баянова Жұмагүл жастарға жігер сыйлайтын, ұжымшылдыққа,өз-өзіне сенімділікті қалыптастыратын қызықты тренинг ұйымдастырды.Жас мамандар әні шырқалып,мектеп жастары флешмоб биледі.

10 сәуір күні 4 сабақта Е. Жұбатқанов 5асыныбына «Орында тұрып ұзындыққа секіру» тақырыбында ашық сабағын өтті. Сабақты АКТ қолданып, топтық және жұптық жаттығулар жасатылды.Сабақ «жақсы» деп бағаланды.

10 сәуір күні 5 сабақта Баймаханов Қайрат 5 «а» сыныбына «Қаріп, абзац, графиктік және мәтіндік ақпаратты өңдеу» тақырыбында ашық сабағын өтті. Сыныпты рим цифр арқылы арқылы«қаріп», «абзац», «мәтін» деп 3 топқа бөлді. Үй тапсырмасы кезбе тілші әдісі арқылы сұралды. Топтық жұмыс, жеке жұмыстар деңгейлік тапсырмалар арқылы орындалды. Сабақ «өте жақсы» деп бағаланды.

11 сәуір күні 9 сыныпқа Жүрімбетова Альбина «Тригонометриялық функциялардың көбейтіндісін қосындысы мен айырымға түрлендіру формулалары» тақырыбында ашық сабағын өтті. Сабақты сөздік әдісі арқылы 3 топқа бөлді. «Үш тілділік», «Кубизм», «Кім жылдам?», «Балық қаңқасы» және сергіту сәтіндегі логикалық сұрақтарды тиімді пайдалана білді.Сабақ «жақсы» деп бағаланды.

11 сәуір күні 5 а,б сыныптары арасында сыныптан тыс сайыс сабағын «Информатика дарабозы» тақырыбында өткізді. «Компьютер» және «Интернет» топтарына 5 кезең бойынша тапсырмалар берілді. Тапсырмалар өткен материалдардан, видео сұрақтардан құралған. «Интернет» тобы жеңімпаз атанып, сайыс сабақ «жақсы» деп бағаланды.

11 сәуір күні 9-10 сыныптарға Ғ. Оразымбетов «Алау» атты әскери құрал саймандарды дұрыс қолдану туралы сыныптан тыс сабағын өткізді. Жас маман бұл жұмысты өткізу үшін дайындалмағандығы, жауапкершілікпен қарамағандығы қатаң түрде ескертілді. Бұл жұмыс өз деңгейінде өткізілмегендіктен бағаланбады.

12 сәуір күні жас мамандардан өз пәндері бойынша 25 сұрақтан құралған тест жұмысы алынды. Тексеру нәтижесінде Ғ. Әбілтаева-4, Қ. Баймаханов -5, А. Журимбетова -4, Е. Жұбатқанов-4, Ғ. Оразымбетов -3, Н. Жүсіп-4, Ж. Нұртаза-3 деген баға алды.

12 сәуір күні 8-9 сыныптар арасында «Математика ХХІ ғасырда» атты сайысты Журимбетова Альбина өтті. «Ізденімпаздар» мен «Білімпаздар» болып топтар таныстырылды, ұрандары айтылды. Сайыс 6 кезеңнен тұрды. Кезеңдердің арасын тренингтер мен көрермендерге сұрақтар қою арқылы өткізілді. «Білімпаздар» тобы жеңіске жетті. Сыныптан тыс жұмыс «жақсы» деп бағаланды.

12 сәуір күні Жүсіп Нұрғали «Қазалыға 150 жыл» тақырыбында көрме ұйымдастырды. 9 сыныптың ер балаларын екі топқа бөлді. Көрмені әнмен бастап, Қазалының тарихы туралы деректермен таныстырды және оқушылар Қазалының эмблемасын пенопласт материалға салып шықты. Көрме «жақсы» деп бағаланды.

13 сәуір күні 3 сабақта Ғ. Оразымбетов 10 сыныпқа «Бөлімшенің ұрыстық және жорықтық тәртібі» атты ашық сабағын өткізді. Сабақ оқушыларды сапқа тұрғызып, командалар арқылы ЖҰМ және БТР деп екі топқа бөлінді. Топтық жұмыс, венн диаграммасы, жұптық жұмыстар орындалды. Жас маманға тәжірибелі ұстаздардың сабатарына көп қатысу керек, іздену керек екендігі айтылды. Сабақ «қанағаттанарлық» деп бағаланды.