Жас мамандар апталығына арналған мақала

«Үздік жас маман-2017»

Қазалы қаласы Қ. Нұрмаханов атындағы №95 орта мектептің «Ізденіс» жас мамандар тобының дәстүрлі түрде жыл сайын өткізілетін мектепішілік «Үздік жас маман-2017» байқауы 10-15 сәуір аралығында өткізілді. Бұл байқаудың мақсаты жас педагогтардың әлеуметтік статусын және шығармашылық қабілетін белсенді ету, әрі қарай кәсіби шеберліктерін жетілдіруге жағдай жасау, ұлттық білім инициативасын жүзеге асыру. Мектепішілік байқауға мектебіміздегі 3 жыл көлемінде педагогикалық өтілі бар 7 жас маман қатысты. Жас мамандар бірнеше шарттардан бақ сынады. «Үш тілде таныстыру», «Ашық сабақ», «Сыныптан тыс жұмыс», «Білікті жас маман» пән бойынша тест, «Идеялар аукционы», «Жаһандану дәуіріндегі жаңа білім» тақырыбында баяндама әзірлеу, «Менің шығармашылық қоржыным» портфолиолар шеруі, «Тапқыр болсаң, талас жоқ!» викториналық сұрақтар, «Тығырықтан тапқырлықпен шыға біл!» жағдаяттан шығу, «Өзге тілдің бәрін біл, өз тіліңді құрметте!» полиглот. Байқауға қазылық ететін мектебіміздің үздік және тәжірибелі мұғалімдері белгіленді. Бір апта бойы жас мамандар озық ойлы технологияларды пайдалана отырып, жаңартылған білім беру бойынша өзара тәжірибе алмасып, үш тілділік саясатты да назардан тыс қалдырмады. Үш тіл

Байқау барысында мақсатқа жету жолындағы қиыншылықтарды жеңе білуге, аянбай күресу үшін жас мамандардың күш-жігерін, өзіне деген сенімін күшейту, ұжымда ынтымақтастықта болу, көмек қолын соза білуге мектеп психологы Баянова Жұмагүлдің өткізген «Мен сіздермен біргемін», «Жағымсыз эмоциялар бояуы», «Мозайка» деген бірнеше тренингтері өз нәтижесін берді. Себебі жас мамандар мектеп жастарымен бірлесе флешмоб билеп, «Жас мамандар» әнін орындады. Байқау қортындысы бойынша Ғ.Әбілтаева «Жаңашыл», Ғ. Орызымбетов «Ізденімпаз», Е. Жұбатқан «Шығармашыл» бағамына ие болса, ІІІ орынды математика пәнінің мұғалімі А. Жүрімбетова, ІІ орын бейнелеу пәннің мұғалімі Ж. Нұртаза, І орын информатика пәнінің мұғалімі Қ. Баймаханов және бас жүлде технология пәнінің мұғалімі Н. Жүсіп ие болды. Мектеп ұстаздары жас мамандардың алдағы жұмыстарына жаңашылдық, шығармашылық, үнемі ізденісте болу керектігін айтып сәттілік тіледі. Жеңімпаздар бағалы сыйлықтармен марапатталып, естелік суретке түсті. Жас мамандар алға қойылған мақсатына жету жолында аянбай тер төккеннің арқасында алынбайтын қамал, бұзылмайтын белес болмайтынын осы байқаудан өткен әрбір жас педагог жақсы…