Жаса, тәуелсіз Қазақстан мәнерлеп оқу сайысы

«Жаса, Тәуелсіз, Қазақстан!» атты мектепішілік мәнерлеп оқу сайысы

Мақсаты: оқушыларды оқуға ынталандыру мақсатында баланың өлең оқуға қызығушылығын арттыру, тәуелсіздік туралы білімін кеңейту, сайыста белсенділігін таныту, отансүйгіштіккке тәрбиелеу.

Барысы:

— Қайырлы күн, қымбатты ұстаздар, құрметті оқушылар !

«Жаса, Тәуелсіз, Қазақстан!» атты мектепішілік мәнерлеп оқу сайысын ашық деп жариялауға рұқсат етіңіздер!!!

— 1991 жылы 16-желтоқсанда Қазақстан өз тәуелсіздігін жариялады. Еліміз егемен, тәуелсіз мемлекет мәртебесін алып, қазақ халқының сан ғасырлар бойы аңсаған арманы іске асты. Бұл тәуелсіздік біздің халқымызға оңайшылықпен келген жоқ. Өзгені емес, өзімізді танудан қалып бара жатқан еліміз тәуелділік құрсауынан құтылды. Міне, бүгінде, болашақта Қазақстанның көк туын жеңіс тұғырынан көрсететін ұландарымыз өз елінің тәуелсіздігін мақтанышпен жыр шумақтары арқылы жеткізгелі отыр. Олай болса, сайыскерлерді ортаға шақырамыз!

Видео « Тәуелсіздік шежіресі ».

Қатысатын оқушылар ән әуенімен қолдарына жалау ұстап сахнаға шығады.

Бүгінгі 2, 5, 6, 8 сынып оқушыларының мәнерлеп оқу сайысын бағалаушы әділқазылар алқасымен таныстырып өтейін:

— Сайыскерлеріміздің мәнерлеп жатқа оқу шеберлігі, таңдаған шығармасының тақырыпқа сәйкестігі, мазмұны мен көлемі ескерілетінін қаперлеріңізге береміз. Ал, енді сайысымызды бастаймыз.

8 «А» сынып оқушысы Жеткізгенова Шұғыла

6 «А» сынып оқушылары : Бақыткерей Әсия, Игілік Әділ, Жоламанова Асылай

5 «А» сынып оқушылары: Тулеубай Исламбек, Базарбай Жанатбек

2 «Б» сынып оқушысы : Приходько Валерия

2 « А» сынып оқушылары: Қарабай Баянас, Кушкумбаев Бекнур, Аманжол Бекхан

ӘН : ЕГЕМЕН ЕЛІМ

Хор : 2 «а» сынып оқушылары

Әділ қазылар алқасы, сіздерден әділ төрелік күтеміз.

(Сайыскерлер мәнерлеп өлеңдерін оқиды.)

Қатысушыларымыз өз елі, өз жері, өз отаны туралы өлеңдерді оқуда өз шеберліктерін көрсетті деген ойдамыз.

Тәуелсіздік күні қарсаңында баршаңызды қазақ жеріндегі бейбітшілік пен тыныштықтың белгісі болып отырған осы айрықша мерекемен, сондай-ақ күні кеше ғана тойланған ҚР тұңғыш президенті күнімен құттықтаймыз.

Мәнерлеп оқу сайысының қорытындысымен таныстыру үшін сөз кезегі әділқазы алқасына беріледі.

(Сайыс қорытындыланып, қатысқан оқушылар марапатталады.)

Құрметті оқушылар! Тәуелсіздіктің тірегі, елдің тілегі — сіздерсіздер!Тәуелсіздігімізді құрметтей білейік!

ӘН «ТУҒАН ЖЕР» 2 «а» сынып оқушылары