Мәнерлеп оқу сайысы, 3 сыныптан тыс жұмыс

1-жүргізуші: Қайырлы күн,қымбатты ұстаздар, құрметті оқушылар !

«Ахмет Байтұрсынов –қазақ халқының ұлы көсемі» атты мектепішілік 3-4 сынып оқушыларының арасында өткелі отырған мәнерлеп оқу сайысына қош келдіңіздер!!!

2-жүргізуші: Биылғы жыл халқымыздың көрнекті қоғам қайраткері,көркемсөз шебері,әдебиет зерттеуші,дарынды ақын, аудармашы-Ахмет Байтұрсынұлының туғанына 150 жыл толған,мерейлі жыл.

1-жүргізуші: Ахмет Байтұрсынұлы –қыры мен сыры мейлінше мол адам.Біріншіден,ол қазақ тілінің тұңғыш әліппесі мен оқулықтарының авторы.Ол жазған мектеп оқулықтары 1914-1915 жылдан 1927-1928 жылға дейін пайдаланылып келді.Қазақ оқушыларының бірнеше буыны сауатын Байтұрсынұлының «Әліпбиімен» ашып,ана тілін Байтұрсынұлының «Тіл құралдары» арқылы оқып үйренді.

2-жүргізуші: Олай болса,ұлт ұстазы –Ахмет Байтұрсынұлының өмірінен сыр шертетін «Ахметтің өмір жолы» атты видеоға назар аударайық .

1-жүргізуші: А.Байтұрсынұлының еңбегі- жанған жанның бірі.Істеген ісінің жемісі-соңынан келе жатқан жастар. Олай болса,бүгін Ахмет атамыздың өлеңдерін мәнерлеп ,нақышына келтіріп айтатын оқушыларымызды ортаға шақырайық.

( Қатысатын оқушылар ән әуенімен сахнаға шығады.)

3«А» сынып оқушысы : Мұратбек Алина «Аққу,шортан һәм шаян»

3«Ә» сынып оқушысы: Балағазы Зере «Жиған терген»

3«Б» сынып оқушысы: Даулетова Айзере «Анама хат»

3«В» сынып оқушысы: Бектұрсын Айзада «Оқуға шақыру»

3«Г» сынып оқушысы: Салават Жансезім «Қартайған арыстан»

3«Д» сынып оқушысы: Ораз Аружан «Анама хат»

4«А» сынып оқушысы : Тұрсынкелді Гүлсезім «Оқуға шақыру»

4«Б» сынып оқушысы : Еркін Ералы «Жұртыма»

4«Ә» сынып оқушысы : Серікұлы Альдияр «Анама хат»

4«В» сынып оқушысы: Бахытқызы Жұлдызай «Егіннің бастары»

4«Г» сынып оқушысы: Қайыпбек Сабыр «Ақын інім»

2-жүргізуші:

Бүгінгі 3-4 сынып оқушыларының мәнерлеп оқу сайысын бағалаушы әділ қазылар алқасымен таныстырып өтейін:

1.Мектеп директоры : Оралханова Нуржан Оралханқызы

2.Мектеп менеджері,орыс тілі пәні мұғалімі: Агильская Такура Айдарбековна

3.ДТІЖО: Каштай Шарайна Сауранбайқызы

1-жүргізуші:

Сайыскерлеріміздің мәнерлеп жатқа оқу шеберлігі, таңдаған шығармасының тақырыпқа сәйкестігі, мазмұны мен көлемі ескерілетінін қаперлеріңізге саламыз.

2-жүргізуші: Әділ қазылар алқасы, сіздерден әділ төрелік күтеміз.

1-жүргізуші: Ал, енді сайысымызды бастаймыз.

(Сайыскерлер мәнерлеп өлеңдерін оқиды.)

2-жүргізуші: Қатысушыларымыз Ахмет аталарының өз елі, өз жері, өз отаны туралы өлеңдерін және аудармаларымен мысал өлеңдерін оқуда өз шеберліктерін көрсетті деген ойдамыз.