Жасанды интеллекттің білім саласына әсері туралы мақала

«Жасанды интеллекттің білім саласына әсері»

Білім беру саласы жасанды интеллекттің енуімен жаңа деңгейге көтерілді. Ол оқытудың тиімділігін арттырып, оқушылар мен мұғалімдерге жаңа мүмкіндіктер ұсынуда. Алайда, сарапшылар осы технологияның дамуының әсері туралы әртүрлі пікірлер білдіреді.

Финляндиялық ғалым Дэвид Марш «Біз жасанды интеллекттің жұмысымызды жақсартатынын білеміз және оны қолдану оқушыларымыздың жақсы нәтижелерге жетуіне әкеледі» деп пікір білдірді. Мысалы, интерактивті оқыту платформалары нақты уақыттағы кері байланыс беріп, білім алу процесін жеделдетеді.

Дегенмен, цифрлы денсаулық сақтау және жасанды интеллект бойынша Халықаралық серіктестік жобасының директоры Амандип Джил жасанды интеллект дәуірінде мұғалімнің орнын ештеңе алмастыра алмайтынына тоқталды. «Балалар мұғалімге қарап, өздерін айнадағыдай көреді. Сүйіспеншілік, жанашырлық, тәлім беру-бұлар ешқандай машинаның қолынан келмейтін эмоционалды компоненттер» деп атап көрсетті.

Microsoft компаниясының Бас директоры Сатия Наделла «Компьютерлер ойвндарда жеңіске жетуі мүмкін. Бірақ адамдар аурумен, надандықпен және кедейлікпен күресу сияқты қоғамның ең үлкен мәселелерін шешу үшін бірге жұмыс істегенде не болатынын елестетіп көріңіздер. Қазір жасанды интеллект саласындағы үйлестіру мен ынтымақтастықтың уақыты келді» деп жасанды интеллект пен адам арасындағы байланысты нығайтуды алға тартты.

Жасанды интеллект білім беру саласына елеулі үлес қосса да, оның қоғамға тигізер қауіп-қатерлері де аз емес. Осы тұста адамның рөлі маңызды екендігін естен шығармау керек. Мұғалім жасанды интеллектті пайдалы жағынан жарату арқылы оны білім беру саласында тиімді қолдана алады.