Жасанды интеллекттің филологиядағы рөлі туралы мақала

Жасанды интеллекттің филология ғылымдарының қасиеттерін түсінуі және мамандардың жұмысына араласуы мәселесін Н.Б.Байсеуова «Жасанды интеллект: көмекші ме, әлде кедергі ме?» мақаласында қарастырады.

Мақала тезисі:

Жасанды интеллект: пайдасы көп пе? зияны көп пе?

Филология - мәтін арқылы тілді зерттеп ғана қоймай, білімге негізделген “позитивті ғылым”. Бұл ғылымның негізі XIXғасырда қаланып, сол уақыттан бері адамзат қажетіне қызмет етуде. Дегенмен, қазіргі таңда технология мен жасанды интеллекттің дамуы әсерінен, бұл ғылым мамандарының қажеттілігі мен жалпы нарықтағы сұранысының төмендеу мәселесі өзекті болып тұр.

Мақаланың мақсаты - осы мәселені жан-жақты қарастыра отыра, жасанды интеллекттің көмегі мен зиянын ажырату. Болашаққа болжам жасай отыра,қауіптерден сақтануға шақыру.

Бұл істе арнайы сарапшылар мен мамандардың пікірін ескерген жөн. Еуропалық комиссия сарапшыларының болжамы бойынша, жасанды интеллект жақын арада адамның басты көмекшісі болып, жұмыс үдерісіне әсер етеді, адам өмірін жеңілдетеді. Бірақ, бұл өз зиянын да келтіру мүмкін - жұмыс орнының азаюы, жалқаулық. Сәйкесінше, экономикалық құлдырауға әкеліп соғу қаупі бар.

Пікірлерді қорытындылай келе, жасанды интеллектті дұрыс қолдану - филология ғылымында ғана емес, басқа да ғылым түрлерінде жаңа мүмкіндіктер мен жолдар ашуға көмек болады деген тұжырым жасай аламыз.

Жасанды интеллект:көмекші ме? кедергі ме?

Филология -өзін лингвистика,тарих,әдебиет секілді қосалқы пәндер беретін нақты мәліметтерге сүйенуге тырысатын “позитивті ғылым” ретінде қарастыратын түсіну ғылымы. Яғни, мәтін арқылы, тілдің көмегімен көрініс табатын білім.

Филология жеке ғылыми пән ретінде XIX ғасырдың ортасында қалыптасты. Сол уақыттан бері, үздіксіз адамзат қажетіне қызмет етіп келеді. Адамзатты байланыстырушы құрал - тіл, әрдайым қолданыста болады. Қай кезде де, адам баласы тіл мен жазуды қажет етіп, қолданып келеді. Осы тұрғыдан , тіпті, арнайы мамандар да пайда болған. Бұл мамандарға копирайтерлер, жазушылар,журналисттер,баспа мамандары және тағы да басқа мамандар жатады. Десе де, дәл осы мамандар қазіргі кезде бұрынғыдай күшке ие деп айта аламыз ба? Осы сұрақтың мән-жайын қарастырайық:

Қазіргі филология, көптеген басқа салалар сияқты, жасанды интеллект (AI) әсерінен қиындықтар мен мүмкіндіктерге тап болады. Жасанды интеллектті қолдану айтарлықтай пайда әкелетіні сөзсіз, бірақ ескеру қажет кейбір қиындықтар да бар.

Филологиядағы зерттеулер дәстүрлі түрде мәтінді талдауды, тілдік зерттеулерді, тарихи контексттерді және т.б. жұмыстарды қамтиды. Жасанды интеллект бұл істе пайдалы құрал бола алады, бұл кейбір процестерді жеңілдетеді және тездетеді. Мысалы, машиналық оқыту алгоритмдерін пайдалана отырып, мәтіндерді авторлық, жазу стилі, уақытша қатыстылық және т.б. үшін талдауға болады. Бұл зерттеушілерге деректерді тереңірек талдауға және түсіндіруге назар аударуға мүмкіндік береді.

Дегенмен, филологияда АI-ді қолданумен байланысты белгілі бір мәселелер бар. Біріншіден, сапа тұрғысынан AI шектеулі болуы мүмкін немесе оның қорытындыларында толық дәл болмауы мүмкін. Мысалы, алгоритмдер қате түрде…