Жасанды зерде туралы 11 сыныпқа арналған мақала

Жасанды интеллект – заман талабы

Мемлекет басшысы Қ.К. Тоқаев «Әділетті Қазақстанның экономикалық бағдары» атты Қазақстан халқына Жолдауында жасанды интеллект, блокчейн, заттар интернеті (IoT) және Үлкен деректер (Big Data) сияқты жаңа тұжырымдамалар мен технологияларды кеңінен енгізу ауылшаруашылығы саласынан қаржы саласына дейінгі барлық салаларда ойын ережелерін өзгертуге әкелетінін атап өтті. Адамзат баласының өзінің өмірінде жасанды интеллектке қандай орын беретіні туралы мәселе күн тәртібінде өткір тұр және оның айналасында пікірталастар да аз емес.(01.09.2023 ж)

Жасанды интеллект дегеніміз не? Жасанды интеллект (ЖИ) - бұл машиналардың, компьютерлік бағдарламалар мен жүйелердің адамның зияткерлік және шығармашылық функцияларын орындау, есептерді шешу тәсілдерін табу, шешім жасау және қорытынды шығару қасиеті. Әуелде бұл терминді 1956 жылы Дартмут колледжінде өткен ғылыми конференцияда америкалық ғалым Джон Маккарти (Хановер, АҚШ) қолданған. Шындығында, жасанды интеллект Джон Маккартиге дейін де қолданылған. Тек оған бұл атау берілмеген болатын. Ал қазіргі таңда ғылымның бұл саласы жайында білмейтін жан кемде-кем.

Жасанды интеллект соңғы жылдары үлкен дамуды бастан өткеріп, адамзат өмірінің барлық саласында қолданылуда және жыл өткен сайын қарқынды даму үстінде. Жасанды интеллект (ЖИ) - әлемді бағындыруда. Атап айтсақ, білім беру, медицина, өндіріс пен ауылшаруашылығы, күнделікті тапсырмаларды автоматтандыру, кәсіпті жоспарлау мен талдау, байланыс пен қызмет көрсету және көптеген басқа да салаларда қолданылып келеді.

Кез келген сауалымызға жауабы дайын тұратын, іздегенімізді әп-сәтте тауып, өмірімізді жеңілдететін робот-көмекшінің пайдасын көріп, ертегідегідей заманда өмір сүруге үйреніп те алдық. Десек те, жасанды интеллекттің пайдасымен қоса қаупі де жоқ емес. Жасанды интеллекттің жылдам дамуы - адамдардың шын өмір мен жасанды өмірдің арасын айыра алмауына әкеп соғатынын қазірдің өзінде көзбен көріп жүргеніміз рас. Дегенмен осынау цифрлық әлемде біз де үлкен көштен қалмай, жасанды интеллекттің оңтайлы жағын серік ету арқылы үлкен табыстарға қол жеткізіп, оның қаупінен барынша сақтануды үйренуіміз қажет. Жасанды интеллектке сұраныс артпаса, кемімейтіндігін ескере отырып, біз бұл жаңа әлемге батыл қадам жасап, жаңа технологияларды үйренуге қаншалық ашық болсақ, болашығымыз да сондай жарқын болмақ. Ал қалғаны…