Жасөспірім қыздардың қауіпсіз дамуы туралы тәрбие материалы

Бекітемін: ___________ Күні: __________

Мектеп директорының

тәрбие ісі жөніндегі орынбасары Т.Көшербаева

Жасөспірім қыз балалардың қауіпсіз жыныстық дамуы

және тұрмыстық зорлық-зомбылықтан сақтану.

(дәрігермен және полиция қызметкерлерімен кездесу)

Мақсаты: Оқушыларға зорлық зомбылық туралы мағлұмат беру, адамның ең жаман қасиеті екенін айту. Адамның ең басты құндылығы оның бостандығы, олай болса оқушыларға адамзаттық құқықтарымен бас бостандықтарын қорғауы туралы үйрету. Зорлық –зомбылық адам ағзасына тікелей әсер ететінін түсіндіру. Оқушыларға жыныстық дамып жетілу сұрақтарына жауап беру арқылы білім беру. Әлемде, жалпы елімізде болып жатқан келеңсіз оқиғалардың алдын алу және қыз балалар арасында кездесетін ерте жүктілік, оның денсаулыққа қаншалықты зиян екендігін түсіндіре отырып қыз бала тәрбиесіне дұрыс көңіл бөлуге ақыл-кеңестер беру.

Көрнекілігі: слайд, тақырып

Жоспары І. Кіріспе

Қыз тәрбиесі – ұлт тәрбиесі

ІІ. Негізгі бөлім

1) Бейнеролик «Ерте жүктілік»

2) Баяндама «Зорлық-зомбылық түрлері»

3) Қармақшы аудандық емханасының дәрігерінің баяндамасы

«Қыз баланың қауіпсіз дамуы»

4) Мектеп инспекторының баяндамасы «Зорлық-зомбылықтан

сақтану жолдары»

ІІІ. Қорытынды

Ақырын жүріп анық бас

Барысы

Балдаурен -балалықтың балғын күні, Балдаурен- қуаныш пен шаттық үні. Балдаурен бақыт кешкен балдырғаның, Жайраңдап қырда ашылған қызыл гүлі-

Қайырлы күн, мектепішілік «Инабат» қыздар ұйымының мүшелері, ұстаздар және бүгінгі іс-шарамыздың қонақтары. Қазіргі таңда қыздар тәрбиесі ерекше мән беруді қажет етіп отыр. «Ұлт тәрбиелей отырып, жер тәрбиелейміз, қыз тәрбиелей отырып, ұлтты тәрбиелейміз» деген халқымыз. Қазақ халқы «Қыз» деген сөздің өзін әдеміліктің, инабаттылықтың, сұлулықтың,нәзіктітің, сыпайылықтың белгісі деп таныған. Біз қыз баланың бойынан нені көргіміз келеді: нәзіктік пен сұлулықты, ұяңдық пен инабаттылықты, сыпайылықты, әдемілік пен ұялшақтықты, өнерпаздық пен іскерлікті, шеберлік пен ақ ниетті, ақкөңіл қасиеттерді көргіміз келеді. Қазақ отбасында басқа ұлттарға қарағанда, қыз бала тәрбиесіне ерекше мән береді. Қазақ халқында қыз баланы ардақтап ұстаған, оның көңілін қалдырмаған, оған қарсы сөйлемеген, оны мәпелеп өсірген және де қатал ұстаған, қыздың тәрбиесіне ерекше көңіл бөліп отырған.

Қыз өмірдің гүлі. Қыз – қызғалдақ деп айтып жатады. Жалпы «Қыз бала» ұғымын өзіміз қалай түсінеміз, айтып көрейікші кәне? Қыз деген кім? (Болашақ ана; ұрпақ жалғасы; сүйікті жар; ұлттың ұяты, халықтың шырайы;) Қазіргі таңда қоғамда зорлық-зомбылық түрлері көбейіп кетті. Сондықтан да қыздардың қауіпсіздігі үшін және зорлық- зомбылықтан қалай қорғану керектігі жайлы бізге кеңес беру үшін Қармақшы аудандық емхана дәрігері Ұрқия апай және мектеп инспекторы Ғалымжан ағай келіп отыр.

Сіздердің назарларыңызға «Ерте жүктілік» туралы видеороликті ұсынамыз. https://www.youtube.com/watch?v=lY76VhfZVOU.

Зорлық зомбылық құқықта «бір адамның екінші бір адамға ,оның жеке басына тиіспеушілік құқығын бұзатын тәни және психикалық ықпал жасауы»делінген . Зорлық — зомбылық тәрбиесіздіктен де туындайды, «тәрбиесіздік –ол адамзаттың қас

жауы» , «тәрбиесіз берілген білім келешекте адам өміріне апат әкеледі» «тәрбиеге әсер беретін нәрсе –өскен орта ,ата-ананың тәрбиесі». Жүсіпбек Аймауытов атамыз айтқандай , «Сүтпен берілген тәрбие ,сүйекпен кетеді» бұл бала жасында қандай тәрбие алса, ер жеткенде сол әдет қалмайды. Олай болса құрметті оқушылар ұлтымыздың қанындағы ізеттілікті дөрекілікке , қайырымдылықты қатыгездікке, адамдықты арамдыққа ауыстырып алмайық.

Зорлық -зомбылықтың түрлері:

 Физикалық зорлық-зомбылық  Жыныстық зорлық-зомбылық  Психологиялық зорлық-зомбылық  Экономикалық  Балалар еңбегін қанау  Кибербуллинг

1. Физикалық зорлық-зомбылық ретінде бағаланатын іс- әрекеттің түрлері көп: соққы, ұру, итеру, тебу, тұншықтыру, шаштан тарту, сілкілеу, қандай да бір затпен не қарумен шабуыл жасау. Физикалық зорлық-зомбылық көбінесе балаға залал не жарақат әкеледі, тіпті баланың мүгедек болуына не қайтыс болуына да соқтыруы мүмкін. Жыныстық сипаттағы сөздерді айту не қысым көрсету – қандай да бір баланың не ересектің балаға қатысты жыныстық алдап-арбауы, нәпсіқұмарлық сипатта ауызша не физикалық қысым көрсетуі. 2. Жыныстық зорлық-зомбылық деп біреуді басқа адаммен жыныстық әрекеттерге мәжбүрлеуді, күштеуді немесе алдап көндіруді айтамыз. 3. Психологиялық зорлық-зомбылық – балаға назар аудармау, кері итеру, бақылау, баланы қорқытуға, үрей сезімін тудыруға, баланың мінезіне ықпал етуге,оның өзін-өзі құрметтеу, өз бағасын білу сезімін жоюға, әлеуметтік және эмоционалдық дамуы мен жақсы өмір сүруіне кедергі келтіруге бағытталған қасақана жасалатын вербалды және іс-әрекеттік қимылдар схемасын қамтиды. Психологиялық кемсітушілік әрекетке баланың өзін керексіз, кемістігі бар, сүйкімсіз және қалаусыз болып табылатынына сендіру үшін жасалатын мазақтау, балағаттау, кемсіту, ұялту және дөрекі сөздер айту си