Жасөспірім және ғаламтор ата-аналармен жұмыс материалы

Жасөспірім және ғаламтор

Егер ғаламтор жеке мемлекет болса, экономикасы жағынан әлемде бесінші орынға табан тіреп, Германиядан да асып түсер еді. Ия, ғаламтор ғаламды шарпыған алпауыт күшке айналып отыр. Әлемнің түкпір-түкпірі осы шырмауықтың шырмауына түсіп, шекара асып, бір-бірімен виртуалды кеңістікте байланысып жатыр. Оны білмегенінді біліп, естімегенінді естіп, көрмегенінді көрудің құралы десек қателеспеспіз. Алайда оның тиер кесапаты күн санап артып келеді. Әсіресе, бұғанасы қатпаған балалар мен жасөспірімдер үшін. Статистикалық мәлімет бойынша ғаламторды ересектерге қарағанда жасөспірімдер жиі пайдаланады. Балаларды ғаламтор желісінен толықтай аластату мүмкін емес екендігі түсінікті. Қалай болғанда да әр заманның өз талабы болады. Дей тұра ата-ана қандай да бір шектеулерді қою арқылы өрмекшінің өрмегіне ұқсаған тордың қауіптерінен өз ұрпағын сақтап қала алады. Оның үстіне мемлекет тарапынан алдын-алу мен шектеу шаралары іске асырылса, жас жеткіншектерді оның зардабынан арашалап қалуға болады. Қазақстанда соңғы 10 жылда ғаламторды пайдаланушылар саны 19 есеге өсіп, 8,9 млн. адамды, яғни тұрғындардың 63,3% құрады. Жалпы алғанда ғаламторды тұтынушылардың 63%-ы ақпарат іздейді, 58% — пошталық хабарламал

Ғаламтордың қызметін реттейтін заңдар саны бойынша Қытайға жететін мемлекет жоқ десек болады. ҚХР 1992 жылы қабылданған «Кәмілеттік жасқа толмағандарды қорғау туралы» заңының 11 бабы бойынша ата-аналары қамқоршыларының міндеті кәмілеттік жасқа толмағандарды (Қытайда 18 жасқа дейінгі) зиянды әрекеттерден, оның ішінде ғаламторға тәуелділіктен қорғау болып табылады. 33 бабында болса, мемлекетке жастарда осындай тәуелділіктің туындамауына жауапкершілік жүктеледі деп жазылған. Осы заңның 34 бабы бойынша 18 жасқа келмеген балалар арасында теріс ықпал ететін материалдарды сатқаны, жалға алғаны мен таратқаны үшін кез келген азамат қылмыстық жауапкершілікке тартылатын болады. Мұндай материалдар қатарына аудиожазбалар, электронды басылымдар, порнография, адам өлтіру, терроризм, зорлық-зомбылық және құмар ойындар туралы ақпараттар жатады. 2004 жылы маусым айынан бастап ғаламтордағы заңсыз материалдарға Қытай шағым жасау орталығы құрылды. Орталықтың мақсаты – қоғамды, оның ішінде кәмілеттік жасқа толмаған балаларды заңсыз және зиян ақпараттардан қорғау. Орталықтың негізгі жұмысы балалардың денсаулығы мен дамуына кедергі келтіретін порнографиялық материалдар, зорлық, терроризмге жол беретін, қы