Жасөспірімдік кезеңге арналған тренинг, 5 сынып

№55 орта мектеп

Түзету – дамыту сабағы

Психолог: Адибаева М.М.

Біз және біздің сынып Мақсаты: Қобалжуды төмендету, топ ішіндегі ұйымшылдыққа жету, өзінің жеке «Менінің» «Біз» ұғымының жалпы бөлімі екенін түсіну. Міндеттері: Топтағы алынған өзара әрекеттестік тәжірибесін жинақтау, топтың әрбір мүшесіне кері байланысты қамтамасыз ету, айналадағылардан қолдау көрсете білу немесе қабылдауға дамыту, қолдау көрсетуге қабілетті өзін топ мүшесі екенін түсіну. Қажетті құрал:

Әр парақтың ортасына «Мен» деп жазылған ( қатысушылар санына байланысты) фломастерлер жиынтығы немесе түсті қарындаштар, алты бұрышты ватман қағазы, артынан алты бұрышты кіші қағаздар жапсырылады. Фотоаппарат, тренинг сабақтың тиімділігін, бағасын анықтауға арналған анкета іс – қағаздары. Сабақтың жүргізілуі:

Кіріспе бөлім. Жетекші қатысушыларға тренингте ойнаған ойындарды ойнауды ұсынады. Жетекші ойынның орындалуының сапасына баға беріп, топтың ұйымшыл екенін, бір – бірін сөзсіз жақсы түсінетіндіктерін және үлкен көрсеткішке жетуге мүмкіншілігі бар екенін айтады. ( Ұжымдық есеп ). Неге осылай болғанына қысқаша талқылау жүргізіледі. ( қатысушылар бірге ортақ тәжірибе берген, 10 сабақ өткендерін, бір – біріне қолдау көрсеткенін, үйренгенін айтуы тиіс ).

Негізгі бөлім. Жетекші психологиялық тренинг циклі аяғына жақындағанын, бірақ, келесі сабақта психологиялық ойын үстінде өткізетінін айтады. Бүгін оған дайындық болады. Тағы бір рет барлық қатысушылармен болған жағымды өзгерістер айтылады. « Қошемет сөз» жаттығуы жүргізіледі. Қорытындылай келе, жетекші жаттығуда белгілі болған жағымды қасиеттер топтың ұйымшыл болуына тиімді әсері бар екенін айтады. Қатысушылар бір парақтан алты қырлы қағазды және фломастер жиынтығын алады. Әркімге өзінің жеке таңбасын салу ұсынылады, онда әр адамның аты мен жағымды қасиеті жазылуы тиіс. Таңбаны әсем көркемдеу қажет ( бояу, шеттеріне өрнектер жүргізу, т.б. ). Мұнан кейін қатысушылар ортақ алты бұрышты формаға өз таңбаларын жапсырады. Жетекші таңбалар бір – бірімен тығыз жабысып тұруын ескертеді. ( Барлық таңбалар сыю үшін алдын – ала қатысушылар санын ескеру қажет. Сондықтан «Біз» сөзі жазылатын орын қалу қажет ).

Жетекші қатысушылардың назарын ортақ таңба бал ара ұясына ұқсағанына аударады. Бәрімізге белгілі болғандай бал ара ұясы – берік құрылыс, өйткені, олар өте еңбек сүйгіш, үнемі бір – біріне көмектесуге дайын және үйді бірге тұрғызады. Қатысушыларға бір сөзбен әрбір бөлек жазылған «Менді» бірге қалай атауға болатынын ойлау ұсынылады. Қатысушылардың ойын әрбір бөлек «Мен» қосылып бірге «Біз» сөзін құрайтынына келтіру қажет. Біз сөзі шаблонның бос орнына жазылады.

«Біз қандаймыз» жаттығуы жүргізіледі. Барлығы бірге «Біз бәріміз» деп дауыстаса, әрбір қатысушы, кезекпен жеке тақтадағы қасиетін көпше түрде айтады. Мысалы: біз ақылдымыз, әдеміміз, қайырымдымыз, зейіндіміз, т.б.

Қорытынды бөлім.

Қатысушылар «Газетпен саяхат» жаттығуын орындайды. Топтың барлығы сыю үшін, үлкен көлемде қағаз немесе кілемше қажет.

Мұнан кейін «Кімде –кім» жаттығуы орындалады. Мұнда жетекші қатысушылардың ортақ қасиетін айтады, соңында бұл сыныпта кім оқыса, сол бір – бірінің қолынан ұстасын деп аяқтайды.

Қатысушылар шеңберге отырып бір – біріне допты жалғай отырып, тренингтегі есте қалған маңыздыларын айтулары тиіс.

Топ ортақ суретке түседі. Жетекші бұл ортақ таңбаға жапсырылатынын, сонымен бірге келесі сабақтағы ойынға қажет екендігін айтады.

Үй тапсырмасы. Тренингтік сабақтар циклін бағалауға арналған анкетаны толтыру ( бұл психологиялық ойынға рұқсат қағаз ).

Анкета.

Құрметті бесінші сынып оқушысы! Сен көптеген сұрақтар талқыланған 10 тренингтік сабаққа қатыстың. Біздің ортақ жұмысымыз туралы сенің пікіріңді білу қызық болар еді. Келесі оқу жылында мұндай сабақтарды одан әрі қызықты әрі пайдалы етіп өткізу үшін бірнеше сұрақтарға жауап беруіңізді өтінеміз.

1. Біздің сабақтарымызда талқыланған қандай тақырыптар мен сұрақтар есте қалды?