Жастар ел болашағы апталығының ашылуына арналған ашық сабақ

«Жастар – ел болашағы» атты жастар апталығының ашылу концертінің сценарийі

Ән.

Мектеп директоры Н.Кожагелдинге сөз.

Ән.

Жас мамандармен таныстыру слайды.

Бастауыш сынып оқушыларының жастар туралы оқыған өлеңдері.

Қазақша би.

Жастар туралы видеоролик

Флешмоб

Сөз (жастарға тілек)

Залмен ойын. (сұрақ-жауап)

Мунира жастар туралы

Орыс биі

Күй

КВН ойындарынан үзінді

Ән (Дует)

Қорытынды сөз. Мектеп директорының оқу-ісі жөніндегі орынбасары А.Тоғайбаев

Әнмен жабу

1- жүргізуші:

Жастықта әр тараптың басын шалсаң,Қармақты тәуекел деп суға салсаң.Еңбегің еңбектенген кетпес зая,Міндетке бір жетерсің ойыңа алсаң.2 – жүргізуші:

Түбінде баянды еңбек егін салған,Жасынан оқу оқып, білім алған.Би болған, болыс болған өнер емес,Еңбектің бұдан өзге бәрі жалған.

- Армысыздар, аяулы ұстаздар, арманы асқақ оқушылар мен қадірлі кеш қонақтары!1- жүргізуші: Бүгін бізде ерекше күн. Бүгінгі күн шаттық пен күлкіге, ән мен биге толған мерекелі күн. Бүгінгі күн – Мыңбұлақ жастарының қуанышқа толы айтулы күні.

2-жүргізуші: Мектебімізде ұйымдастырылып жатқан «Жастар апталығының» ашылу салтанатына қош келдіңіздер!

1-жүргізуші: Жас мамандардың кәсіби құзіреттілігін қалыптастыру, педагогикалық мамандыққа қызығушылығын арттыру, шығармашылық бағытта еңбек ететін және мектебіміздің дамуына өз үлесін қосуын анықтау мақсатында өткізіліп жатқан «Жас мамандар апталығын» ашу үшін мектеп директоры Қожагелдин Нарбек Ордабекұлын ортаға шақырамыз.

(Сөз)

(Сатова Салтанат «Елбасы»)

2-жүргізуші: «Мұғалім - тәуелсіз мемлекетіміздің болашағын қалап жатқан маман. Өйткені, ел болашағының кілті - бүгінгі жас ұрпақтың қолында. Жас ұрпақтың тағдыры олардың бойына білім мен ізгілік нұрын себуші - ұстаздардың қолында.»

1-жүргізуші: Ұстаз кім? Ұстаздық не? Ұғамын ба,

Әлде ол қарапайым мұғалім ба?

Беттерін ұстаз дастан парақтасаң,

Жанымды толтырады бұла мұңға.

2-жүргізуші: Ұстаз! Ол-ақыл ойдың кені емес пе?

Көш бастар замананың ері емес пе?

Жатталып кейінгіге хаты қалған,

Ұстаз ол-күллі әлемнің нұры емес пе?

1-жүргізуші: Мектебімізде 70-ке жуық мұғалім тәлім-тәрбие беруде. Оның 20 пайызы - жастар. Ал, «Жас маман деген кім ?

Ж - жігерлі

А - алғыр

С - сұлу да сымбатты

М – мақсаты мен

А – арманына жететін

М - мінезі жайсаң

А - арманшыл

Н - насихатты тез қабылдайтын мектебіміздің сол жас мамандарымен таныс болыңыздар! (слайд)

Умиралиева Нұрсәуле Еркебаевна. 2013 жылдан бері педагог-психолог маманы ретінде жұмыс жасап келеді. Жетістіктері: Еңбек өтілі: 5 жыл. Тәлімгері: Көпбаева Ботагөз Бейбітқызы. Ұстанымы: Армансыз адам – қанатсыз бұлбұл. Қызығушылығы: музыка.

Рыспаева Айгерім Елтаевна. 2013 жылдан бері бастауыш сынып мұғалімі ретінде жұмыс жасап келеді. Еңбек өтілі: 5 жыл. Жетістіктері: Халықаралық пәндер олимпиадасының математика пәні бойынша 3-орын иегері. Және бірнеше аудандық конкурстардың жүлдері орын иегері. Атап айтар болсақ, «Мен зерттеуді үйренемін» 2-орын, «Патриоттық өлеңдер» 3-орын, «Шығарма байқауы» 3-орын және де аудандық жас мамандар конкурсының «Ең жас маман» номинация иегері. Тәлімгері: Аширова Айнұр. Қызығушылығы: кино

Альжан Бекжан Қалмұратұлы. 2013 жылдан мектебімізде жұмыс жасап келеді. Информатика пәнінің мұғалімі. Еңбек өтілі: 5 жыл. Тәлімгері: Мұратаева Роза Махаббатовна. Ұстанымы: Адал еңбек ету – адамдықтың белгісі. Қызығушылығы: спорт

Мошкалова Айгерім Бауыржановна. 2014 жылдан ағылшын тілі пәнінің мұғалімі болып жұмыс жасауда. Еңбек өтілі: 4 жыл. Ұстанымы: «Оқыта жүріп, оқу, үйрете жүріп, үйрену». Қызығушылығы: сән салоны.

Құрманбекова Нұршат Хайдарбековна. 2016 жылдан физика пәнінің мұғалімі ретінде жұмыс жасап келеді. Еңбек өтілі: 2 жыл. Жетістіктері: ғаламтор көмегімен физика ғылымдарын дамытуға, ұстаздардың тәжірибе алмасуына үлес қосқаны үшін алғыс хат иегері. Жас ұстаздар арасында волейболдан жүлделі орын иегері. Тәлімгері: Қанаева Несіпкүл Сыдықбекқызы. Ұстанымы: «Өзіңе сен, өзіңді алып шығар, Еңбегіңмен ақылың екі жақтап». Қызығушылығы: ағылшын тілі

Балабекова Гүлназ Көбейқызы. 2011 жылдан бастап зертханашы қызметін атқарады. Үстіміздегі жылдан бастауыш сынып мұғалімі қызметін қатар алып келеді. Жас ұстаздар арасында волейболдан жүлделі орын иегері. Тәлімгері: Саяхова Күлзахира. Ұстанымы: Білімді шәкірт тәрбиелеу. Қызығушылығы: волейбол

Онгалбаева Инабат Жаксымуратовна. Орыс тілі мен әдебиеті пәнінің мұғалімі. Еңбек өтілі: 1 жыл. Тәлімгері: Керимбаева Ляззат Махановна. Жетістіктері: «Тәуелсіз елдің ұлағатты ұстаздары» атты фестивальдың көркемсөз оқу шебері, Алматы, Астана қалаларының ресми сайттарында: ғаламтор көмегімен қазақ және орыс тілдерін дамытып, ұстаздардың тәжірибе алмасуына үлес қосқаны үшін алғыс хат иегері, жас ұстаздар арасында волейболдан жүлделі орын иегері. Ұстанымы: Бал тамған өтіріктен, қан тамған шындық артық. Қызығушылығы: машина.

2-жүргізуші:

Ақырын жүріп анық бас,

Еңбегің кетпес далаға

1-жүргізуші:

Ұстаздық еткен жалықпас,

Үйретуден балаға.