Озаттар слеті: білімді жастар – ел болашағы

“Озаттар” слеті “ Білімді жастар – ел болашағы ”

Мақсаты: Оқушылардың шығармашылық , интеллектуалдық мүмкіндіктеріне қолдау көрсету, оқуға деген ынтасын арттыру. Әдісі- Слет

Өту барысы 1-жүргізуші

Қайырлы күн! Құрметті ұстаздар мен қонақтар! 2- жүргізуші

Қайырлы күн! Ата-аналар мен оқушылар! 1-жүргізуші

Бүгінгі күн! 1 жыл бойы тәлім-тәрбие берген, біліммен қаруландырған ұстаздар мен ата- аналардың еңбегінің жемісін көретін қуанышты күн. 2- жүргізуші- Бүгінгі күн! Өткен оқу жылында жеткен жетістіктеріміз бен жақсылықтарымызды паш ететін күн.

1-жүргізуші Сонымен, 2017-2018 оқу жылының “Озаттар” слетін ашық деп жариялаймыз.

Асыр салып, балдырған балалық шағын өткізген, Өнер, білім тәрбиемен болашаққа жеткізген, Балалық шақтың мазары, білімнің мол ордасы, Қуанышты қимас сәт бұл бастарыңнан өткізген

2-жүрізуші Құдіретті, қуатты қазақ елі, Қазыналы, киелі қазақ жері! Бүгінгі озат – иесі болары анық, Теңдесі жоқ бай елдің әлемдегі -дей келе мектебімізде өткізіліп отырған «Білімді жастар – ел болашағы» атты «Озаттар слетына» қош келдіңіздер!

Өнерді жанымменен түйсінемін

Қашанда өнерлі жас сүйсінерім.

«Қазақ» биін билесін мың бұралып,

Биімен шашу шашып бишілерім.

Би « Азат» биі 1-жүргізуші:

Ажырамай мектептен бір елі сіз, Жақсылыққа жаралған жүрегіңіз. Сөз берелік құрметпен өзіңізге, Шәкірттерге арналсын тілегіңіз, - дей отырып құттықтау сөз мектеп директоры Бейілғожин Қуанышбек Төкенұлына беріледі (марапаттау рәсімі)

Музыкалық номер: Ән « Шегарашы сарбаздар» Қайратова Нұрай

2-жүргізуші:

Мектеп деген -білім кені, жыр кені, Мектеп деген- ғылымның ең үлкені, Мектеп деген- тәрбиеші адамға, Мектеп деген- даналардың мекені.

1-жүргізуші-

-Күмбірлей күй естілсе домбырадан, Көңілге шаттық сезім қондырар ән. Шымырлап шыққан кезде шырқау көкке Елітіп тұла бойың балбырыған.

Күй Сағади Диас « Шаттанамын »

2-жүргізуші