Жастар жарқын болашақ бастауы мектеп бітіру кеші

«Жастар - жарқын болашақ бастауы»

Ж-1:

Ал, балақай, қараңыз

Таңғажайып бар аңыз.

Ертегілер еліне,

Қыдырып бірге барамыз.

Бала: - Сонда не қазір ертегі басталады ма?

Ж-1: - Ия, ертегі

Бала: - Қорқынышты ма?

Ж-1: - Жоқ, өте әдемі, салтанатты және де ... кішкене көңілсіз.

Бала: - Бірақ әрбір ертегінің соңы жақсылықпен аяқталады ғой.

Ж-1: - Әрине, әрбір ертегі жақсылықпен аяқталады, ал бұл ертегі ерекше, өйткені ертегінің басы да осындай бір жақсылықпен басталған болатын.

\Слайд көрсетілімі жүріп жатады\

Ерте, ерте ертеде

Ешкі жүні бөртеде

Ауладағы ағаштардың бойы би-и-ік екен,

Мектептің дәліздері ұзы-ы-ын екен,

Баспалдақтары кө-ө-п екен,

Ата - аналар осындай үлк-е-ен мектепке 11 жыл бұрын 15 қыз бен 16 ұлды алып келген екен.

Бала: - Білемін, білемін бұл ертегіні мен. Осындай ертегіде мен де өмір сүріп жатырмын ғой!

Ж-1: - Өкінішке орай оларға бұл ертегі бүгін аяқталады, кезіндегі кішкентай ұл-қыздарымыз бойжетіп, ержетіп үлкен өмірге қанат қаққалы отыр.

Бала: - Сонда, олар қайтып балалық шаққа оралмай ма? Оқушы болып мектепке қайтып келмей ма?

Ж-1: - Жоқ әрине..., ешқашан енді балалық шақ қайтып оралмайды.

Бала: - Ешқашан, ешқашан?!

Ж-1: - Ия, ешқашан, ешқашан

Бала: - Онда мектеп дегеніміз балалық шақтың мекені екен ғой, олай болса балалықпен қоштасып жатқан ағалар мен әпкелердің жолдары болсын!

Ж-2: Бал - балалық балауса өткенімен ,

Қанат қағар самғар сәт жеткенімен .

Қоштасудың қиыны – ай ұстаздармен,

Қоштасудың қиыны – ай мектебіңмен.

Ж-1: Осы бір сәт уақыттың сыйы ма екен,

Өмірге аттау күрделі түйін екен.

Мектеп деген балалық шағың болса,

Балалықпен қоштасу қиын екен.

Ж-2: Алдарында сан тарау жолдары тұр,

Бәрі ертеңгі азамат болғалы тұр .

Үлкен өмір есігін ашпақ міне ,

Келген қауым қол соғып қолдай отыр - деп, бүгінгі кештің себепкерлерін,

бітіруші түлектерімізді қошеметпен қарсы алайық!

/Түлектер ортаға шығады/

Құрметті ата-аналар мен ұстаздар! Қарсы алыңыздар! Алдарыңызда Табысты, Керемет, Жарқын, аттары аңызға айналған №1 орта мектептің 2019 жылдың жас түлектері!

Ж-1: Ортада 11 «А» сыныптың түлектері. Сынып жетекшісі музыка және тарих пәнінің мұғалімі Толегенова Базархан Баймұханқызы. Сыныпта 13 оқушы. 6 қыз, 7 ұл

Ж-2: Ортада 11 «Ә» сынып түлектері. Сынып жетекшісі тарих және география пәнінің мұғалімі: Демеева Анар Берікқызы. Сыныпта 18 оқушы. 9 қыз, 9 ұл

Ж-1: Алтын ұя мектебім аялаған,

Жас жаным жапырағын саялаған.

Қарлығаш ұландарың қанат қақты,

Сыйлауын сені мәңгі қоя ма адам.

Ж-2: Сен - бұлақ өзге қуат келмегенде,

Шарапат сусын болған шөлдегенде.

Ғалым да, диқан дағы сенен ұшты,

Сенен ұшпақ біз сияқты түлектер де.

Ж-1: - Иә, мектеп – сіз бен біздің біліммен сусындаған, тәлім алған алтын ордамыз.

Ж-2: Мектеп–қасиетті шаңырақ, киелі мекен, ендеше білімнің қара шаңырағына қош келдіңіздер, қадірлі қонақтар!

Ж-1: Армысыздар жиналған ата – ана, ұстаз,

Той, жиынсыз өмірдің мәні болмас.

Арамызда талпынып, қақты қанат,

Он бір жылда оң, солын таныған жас.

Ж-2: Қайырлы кеш, қадірлі ата-аналар мен қонақтар! 11 жыл бойы тәрбие мен білім нәрін бойына құйып, ұстаздарына анасындай еркелеп, балалық шағын алаңсыз өткізген жас түлектердің мектебімен, әліппеден бастап өмір заңдарына дейін үйреткен ұстаздарымен, шәкірттердің 2018-2019 оқу жылының аяқталу құрметіне арналған мектеп бітіру кешін ашық деп жариялаймыз!

/ҚР Гимні орындалады/

Ж-1: Міне, бүгін қызығы мен қиыншылығы мол, әр оқу жылы қайталанбас тарихқа толы мектептің мерекесі, әрі түлектердің мектеппен қоштасу салтанаты!

Ж-2: Асқар Алатаудың баурайындағы дүниенің бар асылын, сұлулығын өз бойына жинаған самал желі ескен Шелек ауылымыздың төрінде орналасқан №1 орта мектеп 2019 жылдың түлектеріне жалпы орта білім туралы аттестатты тапсыру құрметіне баршамызды жинады.

Ж-1: - Бүгінгі мектеп бітіру салтанатты кешімізге жас түлектерге ыстық лебізін білдіруге келіп отырған қонақтармен таныстыруға рұқсат етіңіздер.

Ж-2: 2019 жыл мемлекет, облыс, аудан, тіпті біздер үшін де ерекше жыл болды. 2019 жыл Қазақстан Республикасының тұңғыш Президенті Н.Ә.Назарбаевтың еліміздің әлеуметтік-экономикалық дамуының өзекті мәселелеріне және қазақстандықтардың әл-ауқатын одан әрі арттыру міндеттеріне арналған жолдауымен ерекшеленді.

Ж-1: 2019 жылы «Қоғамның даму үдерісін ілгерілетудің жетекші күші жастар екендігі ақиқат дүние» - дей келе, елбасы биылғы жылды жастар жылы деп жариялады.

Ж-2: Болашағы елімнің жас қолында,

Адаспасын жастарым өз жолында.

Ұлы Абай айтқандай кірпіш болып,

Қалансын керекті боп бір орнында.

Ж-1: Қымбатты жас түлектер, өздеріңе арналған ізгі тілегін мектеп директоры, ҚР Білім беру ісінің үздігі Қырықбай Ардақ Мұхаметжанқызы арнамақ.

Ж-2: Келесі сөз кезегі осы кешіміздің қадірлі қонағы__________________________________

_____________________________________________________беріледі.

Ж-1: Міне, көптен күткен қуанышты сәтте келіп жетті. 2019 жылдың мектеп түлектеріне жалпы орта білім туралы аттестатты тапсыру рәсімін бастауға рұқсат етіңіздер.

Ж-2: Мектебіміздің әрбір түлегі қайталанбас және бір-біріне ұқсамайтын дара тұлға. Осы дара тұлғалардың бүгінгі қуаныштарына ортақтасып қол соғып отырайық.

Ж-1: Мектеп бұйрығымен сіздерді директордың оқу жұмысы жөніндегі орынбасары Бакыбаева Салтанат Мұхамадиқызы таныстырады.

Ж-1: Қуанышты жүректер ән салады,

Мектебім – алтын ұям ой салады,

Бүгінгі қуанышты мерекеде

Жақсының жақсылығы айтылады.

11 жыл бірге оқыған жас түлектер

Қимайды бірін-бірі құрдас достар

Әркімді өз сынымен шақырайық.

Арманы әрқашанда биік жастар.

Ж-1: Ортаға «Алтын жұлдыз» номинациясына ие болған түлектерімізді шақырамыз. Бұл түлектер мектепті «Алтын белгіге» бітіріп, еңбекқорлығымен әрқашанда өзінің тиянақты және терең білімін көрсете білді.

Сыныптың бәрі бағалар,

«Алтын белгісін» ақтаған

Білімді алғыр, шәкірт

Дәулет пен Жақсылық!

Ж-2: Ортаға «Жарқырай жанған жұлдыздар» номинациясына ие болған түлек-терімізді шақырамыз. Бұл түлектер мектепті үздікке бітіріп, өздерінің тиянақты әрі терең білімдерін қорытынды аттестаттауда да дәлелдеп шыққан түлектеріміз.

Қайынбаева Аида

Көбен Эльвира

Чайгозова Айша

Бурахан Арайлым

Әжібек Эльмира

Еркін Аян

Жұматай Ерасыл

Шалқар Жәйна

Тохтарходжаева Ақерке

Режапова Нигора

Өмірәлі Ақеділ

Ж-1: Ғылымды терең меңгеріп

Үмітті бұлар ақтады.

Мектепті жақсы бітіріп,

Ұстаздың болды мақтаны.

Шығыңдар білім шыңына

Батамыз осы сендерге

Болыңдар мықты тағы да

Оқуда да еңбекте.

Ж-2: Ортаға «Білімділер мен тапқырлар» номинациясына ие болған түлек-терді шақырамыз. Бұл түлектер мектепті 4 пен 5-ке бітіріп, алтын ұя мектептерін әртүрлі пәндер бойынша өткен олимпиадаларда, аудандық, облыстық түрлі жарыстарда өздерін үнемі биіктерден көрсетіп, мектептің қоғамдық жұмыстарына белсене араласып, басқаларға үлгі бола білген түлектер.

Еренбай Арнұр

Камаладдинов Дінмұхаммед

Серікқызы Салтанат

Әбілқасым Бекзат

Ж-1: Қазақ халқы ежелден өнер десе ішкен асын жерге қоятын, өнерді қастерлеп, өнерпазды бағалай білген халық. Қазақ халқы өнерді өмірдегі ең бірінші қажеттілік деп таныған.

Өнерлілер өрге жүзер әрқашан

Ән, билермен талайды тамсандырған

Шақырайық түлектерді ортаға

Қол соғайық бар қауым боп қосыла.

Ортаға «Сегіз қырлы, бір сырлы» номинациясына ие болған түлектерімізді шақырамыз.

Тұрсынғали Ләззәт

Жұмабек Ақбота

Бағайбай Жұпар

Жумадилова Дана

Сатыш Гүлдана

Ж-2: Ортаға «Ерекше жаратылған жандар» номинациясына ие болған түлектерді шақырамыз. Биылғы жылы мектепті егіздер бітіріп отыр. Егіздер Жаратқанның ерекше жаратылыс екені рас, әлемде сирек кездесетін құбылыс.

Табиғаттың құдыретіне қарашы,

Адамзаттың жоқ қой ешбір таласы

Аймен күндей қол ұстасқан қос жұлдыз

Райлям, Рахман ата-ананың айнасы.

Ж-1: Ортаға «Спорт жұлдыздары» номинациясына ие болған түлектерді шақырамыз. Бұл түлектер Елбасы Н.Ә.Назарбаевтың «Өркендеуге – денсаулық арқылы» деген сөзін ұран қылып, салауатты өмір салтын ұстанып, әртүрлі аудандық, облыстық спорт жарыстарында жеңімпаз атанғандар.

Есенгелді Жасұлан

Нұхмеджан Елдар

Тыныбеков Ерсұлтан

Дәуітәлі Ердана

Асамдинов Аркенжан

Әукен Шыңғыс-хан

Азат Ақнар

Ж-2: Сонымен 31 азаматтықтың куәсі болған, өмірлік жолдама болатын аттестат өз иесін тапты. Аттестат - Сіздердің дербес, ересек өмірлеріңіздің бастауы болмақ! Осы құжат біздің қымбатты түлектерге табыс, бақыт әкелсін!

Ж-1: Мектеппен бүгін қоштаспақ,

Қоштаспақ бүгін сан түлек.

Айтылар бүгін сан тілек,

Егілер бүгін сан жүрек.

Енді қолдарына өмір белестерінің жолдамасын алып, жүректері лүпілдеп, сезімге толы жанарлары мөлдіреп мектеппен қимай қоштасқалы тұрған түлектердің де айтар алғысы аз емес шығар. Сөз кезегін 2019 жылғы бітіруші түлектерге берейік.

Түлектердің құттықтауы. /Концерттік бағдарлама/

Ж-1: Қауырсының қатайып, ұштың міне ұядан

Бәрін қыран болыңдар, шолатұғын қиядан!

Мектебіңді ұмытпа, білім алған өз үйің

Ұстаздардан қол үзбе, олар ізгі сый адам.

Ж-2: Қиындықтар мойытпасын сендерді,

Батылдықпен асыңдар сан белдерді,

Біліміңмен қуантсаңдар мектепті,

Жақсы іспен қуантыңдар енді елді.

Ж-1: 2019 жылдың мектеп түлектері, сәт сапар!

Осымен мектеп бітірушілерге арналған салтанатты кешіміздің І- бөлімі аяқталды. Сіздермен осы сәтте бірге болған Қасаболат Сырым

Ж-2: Умбетова Бота!

Назар аударып, тыңдағандарыңызға көп рахмет!

Түлектердің концерттік бағдарламасы

1-жүргіуші:

Ұстаз деген – жарық күні ғаламның,

Ұстаз деген – анасы ол адамның.