Жастардың сүйікті әншісі туралы мақала

Жастардың сүйікті әншісі — Kalifarniya

Ақтөбенің қарапайым баласы бүгінде қазақ жастарының кумиріне қалай айналды? Ол кім? Неге бәрі оның әндерін жатқа біледі? Kalifarniya деген лақаптың артында қандай өмір жатыр?

«Qar», «Роза», «Filosofiya», «Aspan»… Бүгінде бұл әндерді білмейтін жас жоқтың қасы. Жан-дүниені қозғар лирикасы мен жүректі елең еткізер әуені тыңдарманын баурап алған Kalifarniya — елдегі музыкалық құбылыстың жаңа бет-бейнесі. Ол сахнаға тек хитпен емес, шынайылықпен, қарапайымдылықпен, ішкі мәдениетімен келді. Әндері ғана емес, өмір жолы да шабыт береді.

Фархат Қалиев: аспаз болам деп жүріп, сахна жұлдызына айналған жігіт

Kalifarniya есімімен танылған әншінің шын аты — Фархат Қалиев. Ол 2000 жылы Ақтөбеде дүниеге келген. Бала күнінде терме айтып, ұлттық өнерге етене жақын болып өскен. Музыкалық мектепке барып, өнерге деген құштарлығын дамытқан. Бірақ оның өмірі бірден сахнамен басталған жоқ.

Фархат жоғары білімді аспаз мамандығы бойынша тәмамдаған. Бір сөзінде:

«Мен жүк көтеруші мен ыдыс жуушының баласымын», – деп ашық айтқан еді.

Ол ешқашан өз өткенінен ұялмаған. Қайта, сол өмірлік тәжірибе оны қазіргі биікке жеткізген.

Kalifarniya неге ерекше?

Kalifarniya-ның әндері — жай ғана ритм емес. Ол — заманауи жастың ішкі үні. Әндерінде махаббат, жалғыздық, арман, үміт, қоғам жайлы ойлар бар. Оның ең танымал әні — «Qar» — 90-жылдар стиліндегі ритммен қазіргі жастардың лирикалық жанын дәл тапты. Бұл ән TikTok-та трендке айналып, Kalifarniya-ны жұлдыз етті.

Одан бөлек:

•«Роза» — нәзіктік пен сағыныш,

•«Filosofiya» — өмір мәні мен ішкі күй,

•«16 Qyz» — ұлттық сана мен махаббат мотивтерін ұштастырған туынды.

Ол ән жазғанда бір ғана жанрмен шектелмейді. Оның стилі — хип-хоп, R&B, поп және экспериментальды музыка. Әр әні – тыңдарманға жаңа атмосфера.

Трендтегі әнші емес, жүректегі адам

Kalifarniya жай ғана сахна жұлдызы емес. Ол — шынайы өнердің иесі. Оны өзгелерден ерекшелендіретін тағы бір қасиет – жомарттығы. Көпшілік білмейтін дерек:

Ол концерттен түскен қаражатқа тұрмысы төмен отбасына үй алып берген.