Жасыл шырша жанындағы ертеңгілік мектепке дейінгі балаларға

Шығыс Қазақстан облысы, Күршім ауданы, Шеңгелді негізгі орта мектебі жанындағы «Шұғыла» шағын орталығының тәрбиешісі: Кажаева Индира Католлановна

Ертеңгілік тақырыбы: Жасыл шырша жанында

Мақсаты: Жаңа жыл мерекесін атап өту. Тәрбиеленушілердің ауызекі сөйлеу тілін дамыту. Қызығушылығын арттыру.

(Музыка ойнап тұрады)

Дауыс

Қайырлы күн, қадірлі қонақтар, аяулы ата-аналар және бүгінгі мерекенің негізгі кейіпкерлері бүлдіршіндер!

«Жасыл шырша жанында» атты мерекемізге қош келдіңіздер!

1Жүргізуші

Құтты болсын Жаңа жыл барша қауым,

Құтқа орансын кең байтақ дархан елім.

Қазақтың пейіліне тарту етсін,

Табиғат ашық аспан, таң шапағын.

2Жүргізуші

Бірге соғып бар әлемнің сағаттары,

Он екіні күтер, қалмай тағаттары.

Ғасырдың 16-шы жылы келді,

Құстай ұшып, қырау шалған қанаттары.

1жүргізуші

Келер жылда денсаулығымыз мықты, бақытымыз баянды, көңіл- күйіміз тамаша болсын!

2Жүргізуші

Алдағы мешін жылы бізді тек оң өзгерістерімен, ұмытылмас сәттерімен, қызықты кездесулерімен қуантсын.Клоундарды қарсы алайық.

2Жүргізуші

Мерекеміз қыза түссін, биге кезек берейік. «Қамажай» биі.

1Жүргізуші

Көрікті шырша туралы әнді қазір хормен орындаймыз.

(Ән орындалады)

1Жүргізуші

Ау, жараңдар, жараңдар,

Жауып тұр қар себелеп.

Көкке толды, жерге қонды,

Сансыз аппақ көбелек.

2Жүргізуші

Тым алыстан, Марстан

Келіп Аяз атамыз .

Жылды тойлап, күліп ойнап,

Көп қызыққа батамыз.

1Жүргізуші

Аяз атамызды дауыстап шақырайық.Аяз атамызсыз тойдың мәні жоқ, Әдемі сыйлықтар, дәмді тәттілер әкеледі атамыз.

Қане, А-уу-у

Аяз ата

Қандай жарқын жүздерің,

Қандай әсем жырларың.

Асулармен алысқан,

Асау желмен жарысқан,

Аталарың сендерге,

Шаршап келді алыстан.

Амансыңдар ма,балаларым.

Амансыздар ма, қонақтар!

Ақшақар

Жаңа жылды біз тойлап,

Шаттанамыз бәріміз.

Өлең де әзір, ән әзір.

Кел, Жаңа жыл, біздерге,

Кел, Жаңа жыл, Жаңа жыл.

Аяз ата, қарашы! Балалардың киімі қандай әдемі.Шырша да сұлуланып кетіпті.

Аяз ата

Шыршажан, жақшы шамдарыңды. Қуантшы балаларымды!

1Жүргізуші

Енді кезекті «Қуыршақ »әніне берейік. .

2Жүргізуші

Шағын орталықта тәрбиеленушілерді ортаға шақырайық.

2Жүргізуші

Атың кім? Саған Аяз ата ұнай ма? Тақпақ айтшы.

Қуыршақ театры . «Үйшік» ертегісі.

1Жүргізуші

Балалардың өнерлі,

Тыңдадық біраз жыр-үнін.

Қыс туралы ал енді,

Көрейік сынап білімін.

Геометриялық фигураларды табу.

2Жүргізуші

Шежіресін халықтың,