Жаяу Мұса Ақ сиса шығармасы бойынша ашық сабақ 1 сынып

Жаяу Мұса «Ақсиса»

(ашық сабақ)

Сабақтың мақсаты: Оқушыға композитор туралы мағлұмат беру, «Ақ сиса» шығармасындағы нота ұзақтықтарымен жұмыс жасау.

Көрнекілігі:Композиторлар суреті, динамикалық белгілер, тыныс белгілер.

1.Ұйымдастыру бөлімі:

Оқушының сабақ киімі, тазалығына көңіл бөлу. Сынп тазалығын, қушыны күнделігін тексеру, журналды ашып үйге не берілгенін оқушыдан сұрау.

2.Үйге тапсырма:

Оқушыдан үйге қандай тапсырма берілгенін сұрап, тексеру.

1.Қазақтың халық әні «Сәулем-ай»

2.Т.Захарина «Полька»

3.Шығармаларын қостату.

Үй тапсырмасын тексеріп, қате жерлерін түзетіп, дыбыс тазалығына, саусақтарына көп көңіл бөлу. Қате жерлерін жөндеп ойнағанына көз жеткізу.

3.Жаңа сабақ: Жаяу Мұса «Ақ сиса»

Жаяу Мұса Байжанұлы 1835 жылы Павлодар облысында дүниеге келген. Мұса – қазақ әншісі, ақын, халық композиторы. Кедей отбасында дүниеге келіп, анасына ерте айырылған. Өзі жастайынан ән салып, домбыраны өте жақсы меңгерген. Олдомбыра тартып қана қоймай, қобыз, сырнай скрипка ойнауды да шебер меңгерген.

Жаяу Мұса 1854 ж. Омбы қаласындағы орыс мектебінде оқиды. Мұсаның тырнақ алды туындысы «Қыздар-ай» Омбыда дүниеге келді. Ол еліне сауатты азамат, музыкалық аспаптарда шебер ойнайтын өнерпез болып оралады. Жаяу Мұса ауылына келе әкімдердің, би-болыстардың парақорлығын әшкерелеп, әсіресе ағайынды Шормановтардың зорлық-зомбылықтарын айтып, Омбы губернаторына шағым жазды. Сол үшін Шормановтар оның астындағы атын тартып алып, «жаяу» жібереді. Сол тұста шығарған «Ақ сиса» әнін бүгінгі сабағымызда өтеміз.

Әнді үнтаспадан тыңдату.

Жаңа сабақты оқушыға түсіндіре отырып, екпіні, өлшемі, кілт белгісі және де шығармада кездесетін басқада белгілер туралы үнемі сұрап отыру. Шығармаың белгілі жеріне дейін талдап қарау.

4.Сергіту сәті: Берілген ноталарды табу, оқушының ойын бөлу, ноталардан құралған ойынды ойнату.

5.Қорытынды бөлім.

Үйге тапсырма беру, жаңа сабақты өтілген жеріне дейін үйде дайындалу, бұрынғы тапсырмаларын қайталау. Жаңа сабақтың нотасын жаздыру, оқушының күнделігін толтырып бағалау.

Пайдаланған кітаптар: Қобыз үйрену мектебі, Қазақ композиторлары кітаптары.