Желбірей түс тәуелсіздік жалауы ертеңгілік жоспары

Мақсаты: Туған елінің болашағына үлес қосып, елі, жері үшін қызмет етуге тәрбиелеу. Ұлттық тілді жақсы меңгеруге, ұлтжандылық сезімді қалыптастыруға ойлау, танымдылық қабілеттерін арттыра отырып, өнерге баулу.

Залдың іші мерекеге сай безендірілген.

Көк тудың желбірегені әнінің әуенімен балалар залға қолдарына көк туларын желбіретіп кіреді.

Жүргізуші: Құрметті, аса қадірменді қауым! Еліміз егемендік алып, тәуелсіз мемлекет болғанымызға мінекей 25 жыл толып отыр, яғни Тәуелсіздігіміздің күміс тойын тойлағалы отырмыз. Балалар, сендер Тәуелсіз мемлекетте жарқын өмір сүріп жатқан бақытты бүлдіршінсіңдер. Өмірлерің мәнді де сәнді болсын, аспанымызды бұлт шалмасын деп, тілек тілеп, «Желбірей түс, тәуелсіздік жалауы» - атты ертеңгілігімізді бастаймыз.

Жүргізуші: Қуан халқым! Қуанатын күн бүгін,Серпін таста мұңды жүрек түндігінШарықтайық, шаттанайық, тынбайықТәуелсіздік күнін бүгін, халқым бірге тойлайық!Шайқалмасын ешкімнің шаңырағы, Бақыт көрсін Отанның сан ұланы. Енді ағайын, көгінде қалықтасын, Қазағымның қастерлі - Әнұраны!

ҚР Мемлекеттік гимні орындалады.

Жүргізуші: Тәуелсіздік күніне арналған мерекелік жылы лебіздерді қабыл алыңыздар:

Тақпақтар:

Аделя: Байтақ жерді басқаратын қамқоршы,Қазақ үшін аянбайтын көшбасшы.Елін сүйген, елі сүйген Президент,Шуақ шашар елімізге күн болшы.Тәуелсіздік алып берген біздерге,Нұр ағадай Президент бар біздерде.Бейбітшілік ынтымақты сақтаған,Мақтан тұтып, жар саламын сіздерге!

Бар әлемге шын танылдық, міне біз,Елін сүйген Елбасы деп білеміз.Тең аталып Қазақстан - Нұрсұлтан.Нұрсұлтан мен Қазақстан тұр егіз.Ислам: Он алтыншы желтоқсан,

Ел мерейі тасыған.

Қазақ деген қалын жұрт,

Бәрін кешті басынан.

Дінмұхаммед: Он алтыншы желтоқсан,

Тәуелсіздік алған күн.

Ерекше боп мәңгілік,

Ел жадында қалған күн.

Әнел: Кең байтақ, көз жеткізбейтін жерім менің,

Таулы орман, жасыл жайлау,көлім менің.

Бүгінде бар әлемге даңқың жетті,

Тәуелсіз Қазақстан – елім менің!

Алдияр: Тәуелсіздік жолында,

Талай-талай тер тамған.

Билігім өз қолымда,

Еркіндігім – Ел таңбам!

Ясмин: Асқақтаған нұр елім,

Сені мәңгі сүйемін.

Айбынымды асырған,

Тәуелсіздік тірегім!

Арғын: Әр қазақтың есінде сақталады, Желтоқсандық өрендер ақталады. Ел намысын қорғаған сарбаздарым, Ерліктерін мәңгілік сақталады. Ризада: Он алтыншы желтоқсан,

Тәуелсіздік алған күн.

Ерекше боп мәңгілік,

Ел жадында қалған күн.

Он алтыншы желтоқсан,

Елдің ұлы мейрамы.

Жаңа шыққан көктемдей,

Жаз күніндей жайдары.

Арымыздай тап-таза,

Жанымыздай шуақты.

Көтерілді биікке Қазақстан байрағы!

Он алтыншы желтоқсан,

Ел мерейі тасыған.

Қазақ деген қалын жұрт,

Бәрін кешті басынан.

Көрініс: «Алдар көсе мен Шығайбай»

Үстел басында Шығайбай мен оның әйелі отырады. Атпен музыка әуенімен шауып залға Алдар көсе келеді.

Алдар: Мен Алдармын, Алдармын,

Бәріңді мен алдаймын

Сәлеметсіздер ме, балалар, қонақтар. Мен осы жақтан көңілді өлеңдерді естіп, тойға келдім, құттықтайын деп. Мерекелерің құтты болсын! Ойбой, мына тұрған Шығайбайдың киіз үйі ғой. Ішінен піскен еттің иісі шығып тұр. Қазір балалар, мен олардың үйіне барып, оларды алдап кетейін, сендер айтып қоймаңдар.

Алдар көсе есікті қағып, байдың үйіне кіреді: Ассалаумағалейкұм, баеке!

Шығайбай: Уағалейкум - ассалам! Біздің жақта не істеп жүрсің?