Желтоқсан желі тақырыбындағы тәрбие сағаты 3 сынып

Күні:09.12.19ж

Тақырыбы: «Желтоқсан желі»

Мақсаты:

Тәуелсіздік күні туралы терең мағлұмат беру. Тәуелсіздік үшін күрескен, желтоқсан құрбандарын еске түсіріп, соның ішінде Қайрат Рысқұлбеков,Ербол Сыпатаев, Сабира Мұхаметжанова , Ләззат Асанованың өмірлерін, ерліктері жайында түсіндіріп, оқушыларға желтоқсан оқиғасы туралы мағлұмат беру.

ой,сана сезімін,тілін,сөздік қорын дамыту

Оқушыларға патриоттық тәрбие беру, Отанды сүюге және ерлікке баулу. Желтоқсан оқиғасында ел қамын жеген ерлерді үлгі тұту, өнеге алуға және халқының тарихын білуге үйрету, достыққа, ұйымшылдыққа тәрбиелеу.

Көрнекілігі: Желтоқсан құрбындарының суреттері, ұрандар жазылған плакат, слайд.

Мұғалімнің кіріспе сөзі.

Құрметті ұстаздар, оқушылар, ата-аналар, қонақтар!

Бүгін бізде қуанышымен қайғысы бір тарихта қалған үлкен оқиғалардың бірі-Желтоқсан оқиғасы қабырғамызды қайыстырып,өзегімізді өртеп,жүрегімізге мәңгі сызат қалдырды.

Армысыздар, құрметті ұстаздар, оқушылар «Желтоқсан желі» атты тақырыбындағы тәрбие сағатымызды бастауға рұқсат етіңіздер.

Қанша жыл,қанша ғасыр өтсе де ұмытылмайтын оқиғалар болады.Соның бірі- дүниені дүр сілкіндірген Тәуелсіздік туын ең алғаш көтерген әйгілі 1986 жылдың желтоқсан оқиғасы.Халқымыздың тәуелсіздігі,егемендігі жолында өз өмірлерін қиған құрбандардың рухына құрмет көрсету біздің борышымыз. Иә бұл тәрбие сағаты 1986ж 16-17 желтоқсан күндері болған желтоқсан оқиғасына, онда бейбіт ереуілге шыққан, сонымен тарихта аты қалған желтоқсан көтерілісіне қатысушыларға, онда қаза болғандардың рухына арналады.Қазір сіздерге осы қайғыға ортақтасып,өз жүректерінен шыққан ақындарымыздың өлең-жырларын тыңдап,сол кезде болып жатқан бейне суреттерді назарларыңызға ұсынамыз.

Слайд көрсетіледі. «Желтоқсан желі ызғарлы»

Айзере:

Жас арудың жанарында –Желтоқсан,

Қанды ғасыр табанында –Желтоқсан

Қаралы өмір қайыстырған халқымның,

Қара тұман қабағында –Желтоқсан.

Жауыздықты жасаған да-Желтоқсан

Жаңа ғұмыр бастаған да –Желтоқсан,

Жазықсыздың көз жасына жуынып,

Абақтыға тастаған да-Желтоқсан

Қайыржан:

Желтоқсан – тарихымда әйгілі күн,

Ерттеп мініп ар –ождан сәйгүлігін

Ерлерім елдік үшін атой салып,

Еншілер қайтарған бәйгелі күн.

Әділхан:

Қайғыға халық батқан күн

Әділдікпен шындықты

Өтірік жала жапқан күн.

Надан жасаған сұмдықтан

Адамдар азап шекккен күн,

Қасқалдақ ұшіп көлінен

Шүрегей келіп қонған күн.

Қырандар қуып көгінен

Қарғалар билік алған күн.

Тұмар:

Желтоқсан – қайсар ерлік, қуатты күн,

Жігер оты маздаған тұрақты ұғым.

Тәуелсіздік билігі қолға қонған-

Тәңіріме Желтоқсан шуақты күн.