Желтоқсан желі – ызғарлы 10 сынып тәрбие сағаты

№3 Әмір Темір атындағы жалпы орта мектеп

Тәрбие сағаты

Тақырыбы – «Желтоқсан желі ызғарлы»

Дайындаған :10ә сынып жетекшісі

Қыдыралиева Ж

Қатысқандар : 8 а, 10ә , 11ә сыныптар

Түркістан

Тақырыбы Желтоқсан желі – ызғарлы

Күні: 13.12.17.

Уақыты : сағ :12-00

Құрастырған: 10 ә сынып жетекшісі :Қыдыралиева Жазира

Қатысқандар: 8а,10ә, 11ә сынып оқушылары

Қонақтар : : Желтоқсан құрбандары №5 мектеп мұғалімдері : Саттарханова Гулзия, Муқашева Лаззат

Мақсаты: Желтоқсан оқиғасының арқасында тәуелсіздікке жету жолында талай боздақтарымыздың жалған айыппен шейіт болғандарын көрерменге жете ұғындыру, оқушылардың дүниетанымын кеңейту. 1986 жылы желтоқсан оқиғасын оқушыларға таныстыру. Отанға, туған жерге деген сүйіспеншілігін арттыру.

Міндеті: Отанды сүюге, құрметтеуге , желтоқсандықтарға әрдайым құрмет көрсетуге, адамгершілікке, ел мен жердің қадір – қасиетін ұғынуға тәрбиелеу.

Көрнекілігі: Түрлі қанатты сөздер. «Желтоқсан желі ызғарлы», «16 желтоқсан Тәуелсіздік күні», «Тәуелсіздік монументінің суреті» Желтоқсан құрбандарының суреттері, тақырыпқа байланысты қанатты сөздер.

Мұғалімнің сөзі: Құрметті ұстаздар, оқушылар! Бүгін біздің мектебімізде «Желтоқсан желі - ызғарлы» атты тарихи кешімізге Желтоқсан көтерілісін өз көздерімен көрген және қатысқан апайларымыз келіп отыр .Оларды таныстырып өтетін болсам Ғани Мұратбаев атындағы мектептің география пәнінің мұғалімі Саттарханова Гулзия апаймыз және сол мектептің музыка пәнінің мұғалімі Мұқашева Лаззат апайымыз. Біз бүгін дүниені дүр сілкіндірген тәуелсіздік туын ең алғаш көтерген әйгілі 1986 жылдың желтоқсанына арналған «Желтоқсан желі -ызғарлы» атты тәрбие сағатын ашық деп жариялаймыз.

Олай болса құрметті оқушылар біздің бүгінгі тәрбие сағатымыздың басқа тәрбие сағаттарынан айырмашылығы бұл сол қиын замманды басынан кешіріп, көзбен көрген апайларымызбен кездесу өткізу.

1 жүргізуші: Желтоқсан-заман толғағы байтақ даланың,

Шарпысқан сәтті үміт пен күдік наланың.

Қайрат, Ләззат пен Сәбира

Құрбаны болған жаланың.

2 жүргізуші :Нашақор деп, ұлтшыл деп,

Қазаққа күйе жаққан күн

Базары кетіп бар күнде,

Қайғыға халық батқан күн

жүргізуші Осыдан 31 жыл бұрын, яғни 1986 жылы Алматының бас алаңына жастар жаман оймен барған жоқ. Олар бейбіт жолмен тәуелсіздікке қол жеткізу үшін қатысты.