Жеміс сусыны жапсыру мектепке дейінгі балаларға

Технологиялық карта І сәбилер «» тобы

Білім беру саласы: Таным. Шығармашылық.

Бөлімдері: Жапсыру.

Тақырыбы: «Жеміс сусыны».

Мақсаты: жеміс түрлерімен таныстыру (алма, алмұрт); қағазға салынған банка ішіне дайын жеміс суреттерін орналастыруды үйрету. Тілдерін дамыту. Саусақтың ұсақ бұлшық еттерінің қозғалысын жетілдіру. Табиғатты аялауға тәрбиелеу.

Алдын ала орындалатын жұмыс: жеміс атауымен және түрлерімен таныстыру.

Қажетті құралдар: үлестірмелі материалдар, алма, алмұрт, банка суреттері, магнитті тақта, алма мен алмұрттың дайын суреттері.

Қостілдік компонент: жеміс-фрукты.

Сөздік жұмыс: жеміс.

Іс-әрекет кезеңдері

Мотивациялық қозғаушылық

Ұйымдастырушылық-ізденістік

Рефлексиялық-түзетушілік

Тәрбиешінің іс-әрекеті

Шаттық шеңбері:

-Балалар, егер біз табиғатты аяласақ, ол өзінің көп жемісін береді.

-Кәне бәріміз баққа барып қайтайық.

Тамаша ғой бақшамыз,

Саяхатқа шығамыз.

Алға басып келеміз,

Бәрін, бәрін білеміз.

(Е.Өтетілеуұлы)

-Балалар, баққа барғанды ұнатасыңдар ма?

Жиын-терін болатын,

Қамбаға астық толатын,

Қызыл қырман ойнайтын

Қай мезгіл деп ойлайсың?

(А.Меңжанова)

-Күз мезгілінде қандай өзгерістер болады?

Сөздік жұмыс: жеміс.

Билингвальды компонент: : жеміс-фрукты.

Дидактикалық ойын: «Қандай жеміс?»

Тәрбиеші балаларға жемістердің суреттерін көрсетіп, қандай жеміс екенін сұрайды.

Сергіту сәті:

Күзім-ау, күзім-ау,

Мінезің бұзық-ау.

Жаңбырын сіркіреп

Келгенің қызық-ау!

(Қ. Ыдырысов)

Үлестірмелі материалға назарларын адару.

Балалрға қағаздан жасалған банканы көрсетіп, жемістерден сусын жасауды ұсынады.

Магнитті тақтада суреті салынған банкаға дайын пішіндерді (алма,алмұрт) салып көрсетеді.

-Алма қандай түсті?

-Алмұрт қандай түсті?

-Алма мен алмұрттансусын қайнаттық, банканы қақпақпен жауып тастаймыз.

Балалармен жеке жұмыс жүргізеді.

Тәрбиеші балаларды мадақтайды.

-Біз бүгін қандай жемістермен таныстық?

-Біз неден сусын жасадық?

Балалардың іс-әрекеті

Балалар шеңбер жасап тұрады.

Балалардың жауабы.

Өлеңді тыңдайды, жауап береді:

-Күз мезгілі.

-Жеміс-көкеністер піседі.

-Жапырақтар сарғайып жерге түседі.

-Жаңбыр жауады.

Қайталайды: жеміс.

Балалар сұрақтарға жауап береді: алма,алмұрт.

Балалар бастарын шайқайды, саусақтарымен үстелдің үстерін тырсылдатады. Саусақтарын шошайтады.

Иллюстрацияны қарап, мұқият тыңдайды.

-Қызыл.

-Сары.

Балалар алдарында жатқан банканы алмұрт және алма суреттерімен толтырды.

Балалар өз жұмыстарын қарайды.

-Алма,алмұрт.

-Алма мен алмұрт.

Күтілген нәтиже:

Жасайды: қағаздан салынған банка ішіне дайын суреттерді ұйымдастырады.

Түсінеді: жемістердің әртүрлі және әртүсті болатының.

Қолданады: іс-әрекет барысында алған дағдыларын.