Жеңіс туы желбіре тақырыбындағы 2 сынып тәрбие сағаты

Жеңіс туы желбіре

Тақырыбы: Жеңіс туы желбіре

Мақсаты: Балаларды адамгершілікке, Отанын сүюге, оны қорғауға баулу.

Ұлы Отан соғысымен, қазақстандықтардың ерлік істерімен таныстыру.

Көрнекілігі: Ұлы Отан соғысы туралы кітаптар, гүлдер, шарлар, батырлардың суреттері.

1-жүргізуші: Тарих көші үнемі жаңаланып отырады. Десе де ұмытылмайтын, ескірмейтін тарихи оқиғалар болады. Соның бәрі әлемді дүр сілкіндірген екінші дүниежүзілік соғыстың қасіреті мен Ұлы Жеңістің қасиетін, батыр ағаларымыз бен апаларымыздың ерлігін ешкім де ешқашан ұмытпақ емес.

2-жүргізуші: Әлемді дүр сілкіндірген оқиға 1941 жылы маусымның 22-де болған еді. Құрметті ұстаздар, ата-аналар, оқушылар «Жеңіс туы желбіре» атты ашық тәрбие сағатымызды бастауға рұқсат етіңіздер!

1-оқушы: Ғалымжан

Жеңіс! Жеңіс! Жетті хабар таң ата

Таңмен бірге арайлы нұр тарата

Жетті хабар май гүлінің иісі боп,

Жетті хабар әлемді жалт қарата.

2-оқушы: Мәншүк

Жеңіс деген жақсылықтың сыңары,

Жігер менен құштарлықтың құралы

Күрескердің арманы мен ұраны

Қуаныш пен мерекенің бұлағы.

3-оқушы: Азамат

Жеңістің арқасында бақ қарады,

Болашақ бейбіт күнмен шаттанады.

Жеңістің келіп жеткен даласына

Еліміз ерлерменен мақтанады.

4-оқушы: Гүлнұр

9 мамыр 45 жыл-

Адамзат аңсап күткен күн,

Сұрапыл соғыс біткен күн.

Жеңіс туын тіккен күн,

Нұр мерекесі көктемнің.

Ән: «Ән салшы сарбазым».

Орындайтын: Нұрымқұл Назерке

1-жүргізуші: 1941 жылы 22 маусымда таң шапағы жаңа ғана арайланып келе жатқан кезде елімізге қауіп төнді. Халқымыз адам айтқысыз қиын-қыстау кезеңге душар болды. Фашистік Германия опасыздықпен басып кірді.

2-жүргізуші: Осы соғыста Кеңес Одағының басқа да республикаларымен бірге біздің Қазақстан Республикасы да жан аямай шайқасты. Даңқты қарулы күштердің және еңбек армиясының құрамында 1 млн 870 мың қазақстандықтар да болған.

5-оқушы: Аида

Мен соғысты жек көрем!

Көкем айтып отырса,

Кім қасірет шекпеген,

Кім көз жасын төкпеген!

6-оқушы: Нұртас

Талай өткен ғасырлар

Еш соғыссыз өтпеген!

Мен соғысты жек көрем!

Күні ертең ер жетем!

Қиялымды өрлетем!

7-оқушы: Ақниет

Туған жерді әлпештеп,

Кірпік ілмей тербетем!

Жету үшін мұратқа

Сапар шегем жыраққа!

Ғұмыр бойы айқасам

Асу бермес белдермен!

Көрініс: «Көкесін таба алмаған қыз бала». Сахналайтын: Икрамова Мәншүк

8-оқушы: Анар

Асау өзен көлдермен!

Құлазыған шөлдермен!

Мен соғысты жек көрем!

Адамзатты жеткізем,

Арманына жетпеген!

Би: «Катюша»

1-жүргізуші: Сұрапыл соғыста ерлермен бірге қолдарына қару алып, Отанын қорғауға біздің батыр апаларымыз «шығыс жұлдыздары» Әлия Молдағұлова мен Мәншүк Маметова ерлік көрсетіп, батырлықпен қаза тапты.

2-жүргізуші: Қазақ арасында осы соғыста ерекше қаһармандық танытқан батырдың бірі әрі бірегейі – Бауыржан Момышұлы соғыс кезінде 207 рет шайқасқа қатысып, екі рет ауыр жараланды.

Бауыржан Момышұлы туралы бейнебаян көрсетіледі.